| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೯. ನವಮವಗ್ಗೋ
9. Navamavaggo
(೯೧) ೮. ವಿತಕ್ಕವಿಪ್ಫಾರಸದ್ದಕಥಾ
(91) 8. Vitakkavipphārasaddakathā
೫೬೩. ಸಬ್ಬಸೋ ವಿತಕ್ಕಯತೋ ವಿಚಾರಯತೋ ವಿತಕ್ಕವಿಪ್ಫಾರೋ ಸದ್ದೋತಿ? ಆಮನ್ತಾ। ಸಬ್ಬಸೋ ಫುಸಯತೋ ಫಸ್ಸವಿಪ್ಫಾರೋ ಸದ್ದೋ, ಸಬ್ಬಸೋ ವೇದಯತೋ ವೇದನಾವಿಪ್ಫಾರೋ ಸದ್ದೋ, ಸಬ್ಬಸೋ ಸಞ್ಜಾನತೋ ಸಞ್ಞಾವಿಪ್ಫಾರೋ ಸದ್ದೋ, ಸಬ್ಬಸೋ ಚೇತಯತೋ ಚೇತನಾವಿಪ್ಫಾರೋ ಸದ್ದೋ, ಸಬ್ಬಸೋ ಚಿನ್ತಯತೋ ಚಿತ್ತವಿಪ್ಫಾರೋ ಸದ್ದೋ, ಸಬ್ಬಸೋ ಸರತೋ ಸತಿವಿಪ್ಫಾರೋ ಸದ್ದೋ, ಸಬ್ಬಸೋ ಪಜಾನತೋ ಪಞ್ಞಾವಿಪ್ಫಾರೋ ಸದ್ದೋತಿ? ನ ಹೇವಂ ವತ್ತಬ್ಬೇ…ಪೇ॰…।
563. Sabbaso vitakkayato vicārayato vitakkavipphāro saddoti? Āmantā. Sabbaso phusayato phassavipphāro saddo, sabbaso vedayato vedanāvipphāro saddo, sabbaso sañjānato saññāvipphāro saddo, sabbaso cetayato cetanāvipphāro saddo, sabbaso cintayato cittavipphāro saddo, sabbaso sarato sativipphāro saddo, sabbaso pajānato paññāvipphāro saddoti? Na hevaṃ vattabbe…pe….
ಸಬ್ಬಸೋ ವಿತಕ್ಕಯತೋ ವಿಚಾರಯತೋ ವಿತಕ್ಕವಿಪ್ಫಾರೋ ಸದ್ದೋತಿ? ಆಮನ್ತಾ। ವಿತಕ್ಕವಿಪ್ಫಾರೋ ಸದ್ದೋ ಸೋತವಿಞ್ಞೇಯ್ಯೋ ಸೋತಸ್ಮಿಂ ಪಟಿಹಞ್ಞತಿ ಸೋತಸ್ಸ ಆಪಾಥಂ ಆಗಚ್ಛತೀತಿ? ನ ಹೇವಂ ವತ್ತಬ್ಬೇ…ಪೇ॰…। ನನು ವಿತಕ್ಕವಿಪ್ಫಾರೋ ಸದ್ದೋ ನ ಸೋತವಿಞ್ಞೇಯ್ಯೋ ನ ಸೋತಸ್ಮಿಂ ಪಟಿಹಞ್ಞತಿ ನ ಸೋತಸ್ಸ ಆಪಾಥಂ ಆಗಚ್ಛತೀತಿ? ಆಮನ್ತಾ। ಹಞ್ಚಿ ವಿತಕ್ಕವಿಪ್ಫಾರೋ ಸದ್ದೋ ನ ಸೋತವಿಞ್ಞೇಯ್ಯೋ ನ ಸೋತಸ್ಮಿಂ ಪಟಿಹಞ್ಞತಿ ನ ಸೋತಸ್ಸ ಆಪಾಥಂ ಆಗಚ್ಛತಿ, ನೋ ಚ ವತ ರೇ ವತ್ತಬ್ಬೇ – ‘‘ಸಬ್ಬಸೋ ವಿತಕ್ಕಯತೋ ವಿಚಾರಯತೋ ವಿತಕ್ಕವಿಪ್ಫಾರೋ ಸದ್ದೋ’’ತಿ।
Sabbaso vitakkayato vicārayato vitakkavipphāro saddoti? Āmantā. Vitakkavipphāro saddo sotaviññeyyo sotasmiṃ paṭihaññati sotassa āpāthaṃ āgacchatīti? Na hevaṃ vattabbe…pe…. Nanu vitakkavipphāro saddo na sotaviññeyyo na sotasmiṃ paṭihaññati na sotassa āpāthaṃ āgacchatīti? Āmantā. Hañci vitakkavipphāro saddo na sotaviññeyyo na sotasmiṃ paṭihaññati na sotassa āpāthaṃ āgacchati, no ca vata re vattabbe – ‘‘sabbaso vitakkayato vicārayato vitakkavipphāro saddo’’ti.
ವಿತಕ್ಕವಿಪ್ಫಾರಸದ್ದಕಥಾ ನಿಟ್ಠಿತಾ।
Vitakkavipphārasaddakathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೮. ವಿತಕ್ಕವಿಪ್ಫಾರಸದ್ದಕಥಾವಣ್ಣನಾ • 8. Vitakkavipphārasaddakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೮. ವಿತಕ್ಕವಿಪ್ಫಾರಸದ್ದಕಥಾವಣ್ಣನಾ • 8. Vitakkavipphārasaddakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೮. ವಿತಕ್ಕವಿಪ್ಫಾರಸದ್ದಕಥಾವಣ್ಣನಾ • 8. Vitakkavipphārasaddakathāvaṇṇanā
