| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā |
೧೩. ವಿಸಾಖಾಥೇರೀಗಾಥಾವಣ್ಣನಾ
13. Visākhātherīgāthāvaṇṇanā
ಕರೋಥ ಬುದ್ಧಸಾಸನನ್ತಿ ವಿಸಾಖಾಯ ಥೇರಿಯಾ ಗಾಥಾ। ತಸ್ಸಾ ವತ್ಥು ಧೀರಾಥೇರಿಯಾವತ್ಥುಸದಿಸಮೇವ। ಸಾ ಅರಹತ್ತಂ ಪತ್ವಾ ವಿಮುತ್ತಿಸುಖೇನ ವೀತಿನಾಮೇನ್ತೀ –
Karothabuddhasāsananti visākhāya theriyā gāthā. Tassā vatthu dhīrātheriyāvatthusadisameva. Sā arahattaṃ patvā vimuttisukhena vītināmentī –
೧೩.
13.
‘‘ಕರೋಥ ಬುದ್ಧಸಾಸನಂ, ಯಂ ಕತ್ವಾ ನಾನುತಪ್ಪತಿ।
‘‘Karotha buddhasāsanaṃ, yaṃ katvā nānutappati;
ಖಿಪ್ಪಂ ಪಾದಾನಿ ಧೋವಿತ್ವಾ, ಏಕಮನ್ತೇ ನಿಸೀದಥಾ’’ತಿ॥ –
Khippaṃ pādāni dhovitvā, ekamante nisīdathā’’ti. –
ಇಮಾಯ ಗಾಥಾಯ ಅಞ್ಞಂ ಬ್ಯಾಕಾಸಿ।
Imāya gāthāya aññaṃ byākāsi.
ತತ್ಥ ಕರೋಥ ಬುದ್ಧಸಾಸನನ್ತಿ ಬುದ್ಧಸಾಸನಂ ಓವಾದಅನುಸಿಟ್ಠಿಂ ಕರೋಥ, ಯಥಾನುಸಿಟ್ಠಂ ಪಟಿಪಜ್ಜಥಾತಿ ಅತ್ಥೋ। ಯಂ ಕತ್ವಾ ನಾನುತಪ್ಪತೀತಿ ಅನುಸಿಟ್ಠಿಂ ಕತ್ವಾ ಕರಣಹೇತು ನ ಅನುತಪ್ಪತಿ ತಕ್ಕರಸ್ಸ ಸಮ್ಮದೇವ ಅಧಿಪ್ಪಾಯಾನಂ ಸಮಿಜ್ಝನತೋ। ಖಿಪ್ಪಂ ಪಾದಾನಿ ಧೋವಿತ್ವಾ, ಏಕಮನ್ತೇ ನಿಸೀದಥಾತಿ ಇದಂ ಯಸ್ಮಾ ಸಯಂ ಪಚ್ಛಾಭತ್ತಂ ಪಿಣ್ಡಪಾತಪಟಿಕ್ಕನ್ತಾ ಆಚರಿಯುಪಜ್ಝಾಯಾನಂ ವತ್ತಂ ದಸ್ಸೇತ್ವಾ ಅತ್ತನೋ ದಿವಾಟ್ಠಾನೇ ಪಾದೇ ಧೋವಿತ್ವಾ ರಹೋ ನಿಸಿನ್ನಾ ಸದತ್ಥಂ ಮತ್ಥಕಂ ಪಾಪೇಸಿ, ತಸ್ಮಾ ತತ್ಥ ಅಞ್ಞೇಪಿ ನಿಯೋಜೇನ್ತೀ ಅವೋಚ।
Tattha karotha buddhasāsananti buddhasāsanaṃ ovādaanusiṭṭhiṃ karotha, yathānusiṭṭhaṃ paṭipajjathāti attho. Yaṃ katvā nānutappatīti anusiṭṭhiṃ katvā karaṇahetu na anutappati takkarassa sammadeva adhippāyānaṃ samijjhanato. Khippaṃ pādāni dhovitvā, ekamante nisīdathāti idaṃ yasmā sayaṃ pacchābhattaṃ piṇḍapātapaṭikkantā ācariyupajjhāyānaṃ vattaṃ dassetvā attano divāṭṭhāne pāde dhovitvā raho nisinnā sadatthaṃ matthakaṃ pāpesi, tasmā tattha aññepi niyojentī avoca.
ವಿಸಾಖಾಥೇರೀಗಾಥಾವಣ್ಣನಾ ನಿಟ್ಠಿತಾ।
Visākhātherīgāthāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಥೇರೀಗಾಥಾಪಾಳಿ • Therīgāthāpāḷi / ೧೩.ವಿಸಾಖಾಥೇರೀಗಾಥಾ • 13.Visākhātherīgāthā
