| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៧. វិសាខសុត្តវណ្ណនា
7. Visākhasuttavaṇṇanā
២៤១. សត្តមេ បោរិយា វាចាយាតិ បុរវាសីនំ នគរមនុស្សានំ វាចាសទិសាយ អបរិហីនក្ខរបទាយ មធុរវាចាយ។ វិស្សដ្ឋាយាតិ អសន្ទិទ្ធាយ អបលិពុទ្ធាយ, បិត្តសេម្ហេហិ អនុបហតាយាតិ អត្ថោ។ អនេលគលាយាតិ យថា ទន្ធមនុស្សា មុខេន ខេឡំ គឡន្តេន វាចំ ភាសន្តិ, ន ឯវរូបាយ, អថ ខោ និទ្ទោសាយ វិសទវាចាយ។ បរិយាបន្នាយាតិ ចតុសច្ចបរិយាបន្នាយ ចត្តារិ សច្ចានិ អមុញ្ចិត្វា បវត្តាយ។ អនិស្សិតាយាតិ វដ្ដនិស្សិតំ កត្វា អកថិតាយ។ ធម្មោ ហិ ឥសិនំ ធជោតិ នវវិធលោកុត្តរធម្មោ ឥសីនំ ធជោ នាមាតិ។ សត្តមំ។
241. Sattame poriyā vācāyāti puravāsīnaṃ nagaramanussānaṃ vācāsadisāya aparihīnakkharapadāya madhuravācāya. Vissaṭṭhāyāti asandiddhāya apalibuddhāya, pittasemhehi anupahatāyāti attho. Anelagalāyāti yathā dandhamanussā mukhena kheḷaṃ gaḷantena vācaṃ bhāsanti, na evarūpāya, atha kho niddosāya visadavācāya. Pariyāpannāyāti catusaccapariyāpannāya cattāri saccāni amuñcitvā pavattāya. Anissitāyāti vaṭṭanissitaṃ katvā akathitāya. Dhammo hi isinaṃ dhajoti navavidhalokuttaradhammo isīnaṃ dhajo nāmāti. Sattamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៧. វិសាខសុត្តំ • 7. Visākhasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៧. វិសាខសុត្តវណ្ណនា • 7. Visākhasuttavaṇṇanā
