| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
50. вибассанаанид̣̇д̣̇зсаван̣н̣анаа
50. Vipassanāniddesavaṇṇanā
471-2. наамаруубанд̇и жид̇д̇ажзд̇асигасан̇каад̇ам̣ нааман̃жа адтавийсад̇ивид̇хам̣ руубан̃жа. ‘‘наманалагкан̣ам̣ наамам̣, руббаналагкан̣ам̣ руубам̣, наамаруубад̇о на ан̃н̃о ад̇д̇аад̣̇иго гожи ад̇т̇ий’’д̇и звам̣ жхааналаабхий жз, жхаанад̇о вудтааяа жхаанаг̇ад̇ам̣ ваа вибассанааяааниго жз, багин̣н̣агабхууд̇ам̣ наамаруубам̣ бариг̇г̇ахзд̇ваа. баад̇имогкасам̣вараад̣̇и сийлависуд̣̇д̇хи, жад̇ураарагкавасзна д̣̇ийбид̇аа собажаарасамаад̇хисан̇каад̇аа жид̇д̇ависуд̣̇д̇хи жа вуд̇д̇аава наамаад̇и иминаа д̣̇идтивисуд̣̇д̇хи гат̇ид̇аа. д̇ад̇о д̇асса бажжаяан̃жа бариг̇г̇ахзд̇ваад̇и самб̣анд̇хо. д̇асса бажжаяанд̇и ‘‘бадисанд̇хигкан̣з наамаруубад̣̇ваяамзва авиж̇ж̇аад̇ан̣хааубаад̣̇аанагаммзхи уббаж̇ж̇ад̇и, на иссараад̣̇игааран̣знаа’’д̇иаад̣̇инаа д̇асса гааран̣ам̣, иминаа ган̇каавид̇аран̣ависуд̣̇д̇хи д̣̇ассид̇аа.
471-2.Nāmarūpanti cittacetasikasaṅkhātaṃ nāmañca aṭṭhavīsatividhaṃ rūpañca. ‘‘Namanalakkhaṇaṃ nāmaṃ, ruppanalakkhaṇaṃ rūpaṃ, nāmarūpato na añño attādiko koci atthī’’ti evaṃ jhānalābhī ce, jhānato vuṭṭhāya jhānagataṃ vā vipassanāyāniko ce, pakiṇṇakabhūtaṃ nāmarūpaṃ pariggahetvā. Pātimokkhasaṃvarādi sīlavisuddhi, caturārakkhavasena dīpitā sopacārasamādhisaṅkhātā cittavisuddhi ca vuttāva nāmāti iminā diṭṭhivisuddhi kathitā. Tato tassa paccayañca pariggahetvāti sambandho. Tassa paccayanti ‘‘paṭisandhikkhaṇe nāmarūpadvayameva avijjātaṇhāupādānakammehi uppajjati, na issarādikāraṇenā’’tiādinā tassa kāraṇaṃ, iminā kaṅkhāvitaraṇavisuddhi dassitā.
худ̇ваа абхаавад̇о анижжаад̇и саб̣б̣зби наамаруубасан̇каараа уббаж̇ж̇ид̇ваа абхааваабаж̇ж̇анад̇о анижжаа. уд̣̇аяаб̣б̣аяабийл̣анаа д̣̇угкаад̇и уббаад̣̇анирод̇хавасзна бийл̣анад̇о д̣̇угкаа. авасавад̇д̇ид̇д̇аа анад̇д̇аад̇и ад̇д̇ано васз авад̇д̇анад̇о анад̇д̇аад̇и звам̣ сан̇каарзхи сад̣̇д̇хим̣ д̇илагкан̣ам̣ ааробзд̇ваа. бунаббунам̣ саммасанд̇од̇и яат̇аавуд̇д̇анаязна саммасанд̇о самат̇аяааниго вибассанааяааниго жа яог̇ааважаро. иминаа маг̇г̇аамаг̇г̇ан̃аан̣ад̣̇ассанависуд̣̇д̇хи, бадибад̣̇аан̃аан̣ад̣̇ассанависуд̣̇д̇хи жа д̣̇ассид̇аа. сан̇каараанамзва хи уд̣̇аяаб̣б̣аяаад̣̇инаанубассанад̇о уд̣̇аяаб̣б̣аяабхан̇г̇абхаяааад̣̇ийнаваниб̣б̣ид̣̇аамун̃жид̇угамяад̇аабадисан̇каанубассанааса- н̇каарубзгкаан̃аан̣асан̇каад̇асса адтавид̇хасса н̃аан̣асса васзна сикааббад̇д̇ам̣ вибассанаан̃аан̣ам̣ бадибад̣̇аан̃аан̣ад̣̇ассанависуд̣̇д̇хи наама. анубуб̣б̣зна саб̣б̣асам̣яож̇анагкаяам̣ баабун̣зяяаад̇и иминаа н̃аан̣ад̣̇ассанависуд̣̇д̇хи д̣̇ассид̇аа. саб̣б̣асам̣яож̇анагкаяанд̇и орамбхааг̇ияаанам̣ бан̃жаннам̣ сам̣яож̇анаанам̣ хздтаа маг̇г̇ад̇д̇аязна кзбид̇ад̇д̇аа, ид̇арзсам̣ уд̣̇д̇хамбхааг̇ияаанам̣ сам̣яож̇анаанам̣ кзбид̇ад̇д̇аа жа саб̣б̣зсам̣ сам̣яож̇анаанам̣ каяанд̇з ж̇аад̇ам̣ арахад̇д̇амаг̇г̇ам̣.
Hutvā abhāvato aniccāti sabbepi nāmarūpasaṅkhārā uppajjitvā abhāvāpajjanato aniccā. Udayabbayapīḷanā dukkhāti uppādanirodhavasena pīḷanato dukkhā. Avasavattittā anattāti attano vase avattanato anattāti evaṃ saṅkhārehi saddhiṃ tilakkhaṇaṃ āropetvā. Punappunaṃ sammasantoti yathāvuttanayena sammasanto samathayāniko vipassanāyāniko ca yogāvacaro. Iminā maggāmaggañāṇadassanavisuddhi, paṭipadāñāṇadassanavisuddhi ca dassitā. Saṅkhārānameva hi udayabbayādinānupassanato udayabbayabhaṅgabhayaādīnavanibbidāmuñcitukamyatāpaṭisaṅkhānupassanāsa- ṅkhārupekkhāñāṇasaṅkhātassa aṭṭhavidhassa ñāṇassa vasena sikhāppattaṃ vipassanāñāṇaṃ paṭipadāñāṇadassanavisuddhi nāma. Anupubbena sabbasaṃyojanakkhayaṃ pāpuṇeyyāti iminā ñāṇadassanavisuddhi dassitā. Sabbasaṃyojanakkhayanti orambhāgiyānaṃ pañcannaṃ saṃyojanānaṃ heṭṭhā maggattayena khepitattā, itaresaṃ uddhambhāgiyānaṃ saṃyojanānaṃ khepitattā ca sabbesaṃ saṃyojanānaṃ khayante jātaṃ arahattamaggaṃ.
