| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৯. ৰিপল্লাসসুত্তৰণ্ণনা
9. Vipallāsasuttavaṇṇanā
৪৯. নৰমে অনিচ্চাদীনি ৰত্থূনি নিচ্চন্তিআদিনা ৰিপরীততো অসন্তীতি ৰিপল্লাসা , সঞ্ঞায ৰিপল্লাসো সঞ্ঞাৰিপল্লাসো। ইতরেসুপি তীসু এসেৰ নযো। এৰমেতে চতুন্নং ৰত্থূনং ৰসেন চত্তারো, তেসু ৰত্থূসু সঞ্ঞাদীনং ৰসেন দ্ৰাদস হোন্তি। তেসু অট্ঠ সোতাপত্তিমগ্গেন পহীযন্তি। অসুভে সুভন্তি সঞ্ঞাচিত্তৰিপল্লাসা সকদাগামিমগ্গেন তনুকা হোন্তি, অনাগামিমগ্গেন পহীযন্তি। দুক্খে সুখন্তি সঞ্ঞাচিত্তৰিপল্লাসা অরহত্তমগ্গেন পহীযন্তীতি ৰেদিতব্বা। সেসমেত্থ উত্তানমেৰ।
49. Navame aniccādīni vatthūni niccantiādinā viparītato asantīti vipallāsā , saññāya vipallāso saññāvipallāso. Itaresupi tīsu eseva nayo. Evamete catunnaṃ vatthūnaṃ vasena cattāro, tesu vatthūsu saññādīnaṃ vasena dvādasa honti. Tesu aṭṭha sotāpattimaggena pahīyanti. Asubhe subhanti saññācittavipallāsā sakadāgāmimaggena tanukā honti, anāgāmimaggena pahīyanti. Dukkhe sukhanti saññācittavipallāsā arahattamaggena pahīyantīti veditabbā. Sesamettha uttānameva.
ৰিপল্লাসসুত্তৰণ্ণনা নিট্ঠিতা।
Vipallāsasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৯. ৰিপল্লাসসুত্তং • 9. Vipallāsasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৯. ৰিপল্লাসসুত্তৰণ্ণনা • 9. Vipallāsasuttavaṇṇanā
