| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༡༠. ཝིཉྙཏྟི སཱིལནྟིཀཐཱཝཎྞནཱ
10. Viññatti sīlantikathāvaṇṇanā
༦༠༡-༦༠༢. ཨིདཱནི ཝིཉྙཏྟི སཱིལནྟིཀཐཱ ནཱམ ཧོཏི། ཏཏྠ ཀཱཡཝིཉྙཏྟི ཀཱཡཀམྨཾ, ཝཙཱིཝིཉྙཏྟི ཝཙཱིཀམྨནྟི གཧིཏཏྟཱ ‘‘ཝིཉྙཏྟི སཱིལ’’ནྟི ཡེསཾ ལདྡྷི, སེཡྻཐཱཔི མཧཱསཾགྷིཀཱནཉྩེཝ སམྨིཏིཡཱནཉྩ; ཏེ སནྡྷཱཡ ཝིཉྙཏྟཱིཏི པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ཡསྨཱ སཱིལཾ ནཱམ ཝིརཏི, ན རཱུཔདྷམྨོ, ཏསྨཱ ཏེནཏྠེན ཙོདེཏུཾ པཱཎཱཏིཔཱཏཱ ཝེརམཎཱིཏིཨཱདིམཱཧ། ཨབྷིཝཱདནཾ སཱིལནྟིཨཱདི ཡཐཱརཱུཔཾ ཝིཉྙཏྟིཾ སོ ‘‘སཱིལ’’ནྟི མཉྙཏི ཏཾ ཨུདྡྷརིཏྭཱ དསྶེཏུཾ ཝུཏྟཾ། ཡསྨཱ པན སཱ ཝིརཏི ན ཧོཏི, ཏསྨཱ པུན པཱཎཱཏིཔཱཏཱཏིཨཱདིམཱཧ། ལདྡྷི པནསྶ ཚལེན པཏིཊྛིཏཏྟཱ ཨཔྤཏིཊྛིཏཱཡེཝཱཏི།
601-602. Idāni viññatti sīlantikathā nāma hoti. Tattha kāyaviññatti kāyakammaṃ, vacīviññatti vacīkammanti gahitattā ‘‘viññatti sīla’’nti yesaṃ laddhi, seyyathāpi mahāsaṃghikānañceva sammitiyānañca; te sandhāya viññattīti pucchā sakavādissa, paṭiññā itarassa. Atha naṃ yasmā sīlaṃ nāma virati, na rūpadhammo, tasmā tenatthena codetuṃ pāṇātipātā veramaṇītiādimāha. Abhivādanaṃ sīlantiādi yathārūpaṃ viññattiṃ so ‘‘sīla’’nti maññati taṃ uddharitvā dassetuṃ vuttaṃ. Yasmā pana sā virati na hoti, tasmā puna pāṇātipātātiādimāha. Laddhi panassa chalena patiṭṭhitattā appatiṭṭhitāyevāti.
ཝིཉྙཏྟི སཱིལནྟིཀཐཱཝཎྞནཱ།
Viññatti sīlantikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༠༤) ༡༠. ཝིཉྙཏྟི སཱིལནྟིཀཐཱ • (104) 10. Viññatti sīlantikathā
