| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༠. དསམཝགྒོ
10. Dasamavaggo
(༡༠༤) ༡༠. ཝིཉྙཏྟི སཱིལནྟིཀཐཱ
(104) 10. Viññatti sīlantikathā
༦༠༡. ཝིཉྙཏྟི སཱིལནྟི? ཨཱམནྟཱ། པཱཎཱཏིཔཱཏཱ ཝེརམཎཱིཏི? ན ཧེཝཾ ཝཏྟབྦེ…པེ॰… ཨདིནྣཱདཱནཱ ཝེརམཎཱིཏི? ན ཧེཝཾ ཝཏྟབྦེ…པེ॰… ཀཱམེསུམིཙྪཱཙཱརཱ ཝེརམཎཱིཏི? ན ཧེཝཾ ཝཏྟབྦེ …པེ॰… མུསཱཝཱདཱ ཝེརམཎཱིཏི? ན ཧེཝཾ ཝཏྟབྦེ…པེ॰… སུརཱམེརཡམཛྫཔམཱདཊྛཱནཱ ཝེརམཎཱིཏི? ན ཧེཝཾ ཝཏྟབྦེ…པེ॰…།
601. Viññatti sīlanti? Āmantā. Pāṇātipātā veramaṇīti? Na hevaṃ vattabbe…pe… adinnādānā veramaṇīti? Na hevaṃ vattabbe…pe… kāmesumicchācārā veramaṇīti? Na hevaṃ vattabbe …pe… musāvādā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
ཨབྷིཝཱདནཾ སཱིལཾ, པཙྩུཊྛཱནཾ སཱིལཾ, ཨཉྫལིཀམྨཾ སཱིལཾ, སཱམཱིཙིཀམྨཾ སཱིལཾ, ཨཱསནཱབྷིཧཱརོ སཱིལཾ, སེཡྻཱབྷིཧཱརོ སཱིལཾ, པཱདོདཀཱབྷིཧཱརོ སཱིལཾ, པཱདཀཐལིཀཱབྷིཧཱརོ སཱིལཾ, ནྷཱནེ པིཊྛིཔརིཀམྨཾ སཱིལནྟི? ཨཱམནྟཱ ། པཱཎཱཏིཔཱཏཱ ཝེརམཎཱིཏི? ན ཧེཝཾ ཝཏྟབྦེ…པེ॰… སུརཱམེརཡམཛྫཔམཱདཊྛཱནཱ ཝེརམཎཱིཏི? ན ཧེཝཾ ཝཏྟབྦེ…པེ॰…།
Abhivādanaṃ sīlaṃ, paccuṭṭhānaṃ sīlaṃ, añjalikammaṃ sīlaṃ, sāmīcikammaṃ sīlaṃ, āsanābhihāro sīlaṃ, seyyābhihāro sīlaṃ, pādodakābhihāro sīlaṃ, pādakathalikābhihāro sīlaṃ, nhāne piṭṭhiparikammaṃ sīlanti? Āmantā . Pāṇātipātā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
༦༠༢. ན ཝཏྟབྦཾ – ‘‘ཝིཉྙཏྟི སཱིལ’’ནྟི? ཨཱམནྟཱ། དུསྶིལྱནྟི? ན ཧེཝཾ ཝཏྟབྦེ…པེ॰… ཏེན ཧི ཝིཉྙཏྟི སཱིལནྟི།
602. Na vattabbaṃ – ‘‘viññatti sīla’’nti? Āmantā. Dussilyanti? Na hevaṃ vattabbe…pe… tena hi viññatti sīlanti.
ཝིཉྙཏྟི སཱིལནྟིཀཐཱ ནིཊྛིཏཱ།
Viññatti sīlantikathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༠. ཝིཉྙཏྟི སཱིལནྟིཀཐཱཝཎྞནཱ • 10. Viññatti sīlantikathāvaṇṇanā
