| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૧૦. વિઞ્ઞત્તિ સીલન્તિકથાવણ્ણના
10. Viññatti sīlantikathāvaṇṇanā
૬૦૧-૬૦૨. ઇદાનિ વિઞ્ઞત્તિ સીલન્તિકથા નામ હોતિ. તત્થ કાયવિઞ્ઞત્તિ કાયકમ્મં, વચીવિઞ્ઞત્તિ વચીકમ્મન્તિ ગહિતત્તા ‘‘વિઞ્ઞત્તિ સીલ’’ન્તિ યેસં લદ્ધિ, સેય્યથાપિ મહાસંઘિકાનઞ્ચેવ સમ્મિતિયાનઞ્ચ; તે સન્ધાય વિઞ્ઞત્તીતિ પુચ્છા સકવાદિસ્સ, પટિઞ્ઞા ઇતરસ્સ. અથ નં યસ્મા સીલં નામ વિરતિ, ન રૂપધમ્મો, તસ્મા તેનત્થેન ચોદેતું પાણાતિપાતા વેરમણીતિઆદિમાહ. અભિવાદનં સીલન્તિઆદિ યથારૂપં વિઞ્ઞત્તિં સો ‘‘સીલ’’ન્તિ મઞ્ઞતિ તં ઉદ્ધરિત્વા દસ્સેતું વુત્તં. યસ્મા પન સા વિરતિ ન હોતિ, તસ્મા પુન પાણાતિપાતાતિઆદિમાહ. લદ્ધિ પનસ્સ છલેન પતિટ્ઠિતત્તા અપ્પતિટ્ઠિતાયેવાતિ.
601-602. Idāni viññatti sīlantikathā nāma hoti. Tattha kāyaviññatti kāyakammaṃ, vacīviññatti vacīkammanti gahitattā ‘‘viññatti sīla’’nti yesaṃ laddhi, seyyathāpi mahāsaṃghikānañceva sammitiyānañca; te sandhāya viññattīti pucchā sakavādissa, paṭiññā itarassa. Atha naṃ yasmā sīlaṃ nāma virati, na rūpadhammo, tasmā tenatthena codetuṃ pāṇātipātā veramaṇītiādimāha. Abhivādanaṃ sīlantiādi yathārūpaṃ viññattiṃ so ‘‘sīla’’nti maññati taṃ uddharitvā dassetuṃ vuttaṃ. Yasmā pana sā virati na hoti, tasmā puna pāṇātipātātiādimāha. Laddhi panassa chalena patiṭṭhitattā appatiṭṭhitāyevāti.
વિઞ્ઞત્તિ સીલન્તિકથાવણ્ણના.
Viññatti sīlantikathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૦૪) ૧૦. વિઞ્ઞત્તિ સીલન્તિકથા • (104) 10. Viññatti sīlantikathā
