| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૦. દસમવગ્ગો
10. Dasamavaggo
(૧૦૪) ૧૦. વિઞ્ઞત્તિ સીલન્તિકથા
(104) 10. Viññatti sīlantikathā
૬૦૧. વિઞ્ઞત્તિ સીલન્તિ? આમન્તા. પાણાતિપાતા વેરમણીતિ? ન હેવં વત્તબ્બે…પે॰… અદિન્નાદાના વેરમણીતિ? ન હેવં વત્તબ્બે…પે॰… કામેસુમિચ્છાચારા વેરમણીતિ? ન હેવં વત્તબ્બે …પે॰… મુસાવાદા વેરમણીતિ? ન હેવં વત્તબ્બે…પે॰… સુરામેરયમજ્જપમાદટ્ઠાના વેરમણીતિ? ન હેવં વત્તબ્બે…પે॰….
601. Viññatti sīlanti? Āmantā. Pāṇātipātā veramaṇīti? Na hevaṃ vattabbe…pe… adinnādānā veramaṇīti? Na hevaṃ vattabbe…pe… kāmesumicchācārā veramaṇīti? Na hevaṃ vattabbe …pe… musāvādā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
અભિવાદનં સીલં, પચ્ચુટ્ઠાનં સીલં, અઞ્જલિકમ્મં સીલં, સામીચિકમ્મં સીલં, આસનાભિહારો સીલં, સેય્યાભિહારો સીલં, પાદોદકાભિહારો સીલં, પાદકથલિકાભિહારો સીલં, ન્હાને પિટ્ઠિપરિકમ્મં સીલન્તિ? આમન્તા . પાણાતિપાતા વેરમણીતિ? ન હેવં વત્તબ્બે…પે॰… સુરામેરયમજ્જપમાદટ્ઠાના વેરમણીતિ? ન હેવં વત્તબ્બે…પે॰….
Abhivādanaṃ sīlaṃ, paccuṭṭhānaṃ sīlaṃ, añjalikammaṃ sīlaṃ, sāmīcikammaṃ sīlaṃ, āsanābhihāro sīlaṃ, seyyābhihāro sīlaṃ, pādodakābhihāro sīlaṃ, pādakathalikābhihāro sīlaṃ, nhāne piṭṭhiparikammaṃ sīlanti? Āmantā . Pāṇātipātā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
૬૦૨. ન વત્તબ્બં – ‘‘વિઞ્ઞત્તિ સીલ’’ન્તિ? આમન્તા. દુસ્સિલ્યન્તિ? ન હેવં વત્તબ્બે…પે॰… તેન હિ વિઞ્ઞત્તિ સીલન્તિ.
602. Na vattabbaṃ – ‘‘viññatti sīla’’nti? Āmantā. Dussilyanti? Na hevaṃ vattabbe…pe… tena hi viññatti sīlanti.
વિઞ્ઞત્તિ સીલન્તિકથા નિટ્ઠિતા.
Viññatti sīlantikathā niṭṭhitā.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૦. વિઞ્ઞત્તિ સીલન્તિકથાવણ્ણના • 10. Viññatti sīlantikathāvaṇṇanā
