| Library / Tipiṭaka / တိပိဋက • Tipiṭaka / ကထာဝတ္ထုပာဠိ • Kathāvatthupāḷi |
၁၀. ဒသမဝဂ္ဂော
10. Dasamavaggo
(၁၀၄) ၁၀. ဝိညတ္တိ သီလန္တိကထာ
(104) 10. Viññatti sīlantikathā
၆၀၁. ဝိညတ္တိ သီလန္တိ? အာမန္တာ။ ပာဏာတိပာတာ ဝေရမဏီတိ? န ဟေဝံ ဝတ္တဗ္ဗေ။ပေ.။ အဒိန္နာဒာနာ ဝေရမဏီတိ? န ဟေဝံ ဝတ္တဗ္ဗေ။ပေ.။ ကာမေသုမိစ္ဆာစာရာ ဝေရမဏီတိ? န ဟေဝံ ဝတ္တဗ္ဗေ ။ပေ.။ မုသာဝာဒာ ဝေရမဏီတိ? န ဟေဝံ ဝတ္တဗ္ဗေ။ပေ.။ သုရာမေရယမဇ္ဇပမာဒဋ္ဌာနာ ဝေရမဏီတိ? န ဟေဝံ ဝတ္တဗ္ဗေ။ပေ.။။
601. Viññatti sīlanti? Āmantā. Pāṇātipātā veramaṇīti? Na hevaṃ vattabbe…pe… adinnādānā veramaṇīti? Na hevaṃ vattabbe…pe… kāmesumicchācārā veramaṇīti? Na hevaṃ vattabbe …pe… musāvādā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
အဘိဝာဒနံ သီလံ, ပစ္စုဋ္ဌာနံ သီလံ, အဉ္ဇလိကမ္မံ သီလံ, သာမီစိကမ္မံ သီလံ, အာသနာဘိဟာရော သီလံ, သေယ္ယာဘိဟာရော သီလံ, ပာဒောဒကာဘိဟာရော သီလံ, ပာဒကထလိကာဘိဟာရော သီလံ, န္ဟာနေ ပိဋ္ဌိပရိကမ္မံ သီလန္တိ? အာမန္တာ ။ ပာဏာတိပာတာ ဝေရမဏီတိ? န ဟေဝံ ဝတ္တဗ္ဗေ။ပေ.။ သုရာမေရယမဇ္ဇပမာဒဋ္ဌာနာ ဝေရမဏီတိ? န ဟေဝံ ဝတ္တဗ္ဗေ။ပေ.။။
Abhivādanaṃ sīlaṃ, paccuṭṭhānaṃ sīlaṃ, añjalikammaṃ sīlaṃ, sāmīcikammaṃ sīlaṃ, āsanābhihāro sīlaṃ, seyyābhihāro sīlaṃ, pādodakābhihāro sīlaṃ, pādakathalikābhihāro sīlaṃ, nhāne piṭṭhiparikammaṃ sīlanti? Āmantā . Pāṇātipātā veramaṇīti? Na hevaṃ vattabbe…pe… surāmerayamajjapamādaṭṭhānā veramaṇīti? Na hevaṃ vattabbe…pe….
၆၀၂. န ဝတ္တဗ္ဗံ – ‘‘ဝိညတ္တိ သီလ’’န္တိ? အာမန္တာ။ ဒုသ္သိလ္ယန္တိ? န ဟေဝံ ဝတ္တဗ္ဗေ။ပေ.။ တေန ဟိ ဝိညတ္တိ သီလန္တိ။
602. Na vattabbaṃ – ‘‘viññatti sīla’’nti? Āmantā. Dussilyanti? Na hevaṃ vattabbe…pe… tena hi viññatti sīlanti.
ဝိညတ္တိ သီလန္တိကထာ နိဋ္ဌိတာ။
Viññatti sīlantikathā niṭṭhitā.
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၁၀. ဝိညတ္တိ သီလန္တိကထာဝဏ္ဏနာ • 10. Viññatti sīlantikathāvaṇṇanā
