| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
វិនីតវត្ថុវណ្ណនា
Vinītavatthuvaṇṇanā
១៣២. អនាបត្តិ, ភិក្ខុ, ចិត្តុប្បាទេតិ ឯត្ថ កេវលំ ចិត្តំ, តស្សេវ ឧប្បាទេតព្ពាបត្តីហិ អនាបត្តីតិ អត្ថោ។ ឯត្ថាហ – ឧបនិក្ខិត្តសាទិយនាទីសុ, សព្ពេសុ ច អកិរិយសិក្ខាបទេសុ ន កាយង្គចោបនំ វា វាចង្គចោបនំ វា, អបិចាបត្តិ, កស្មា ឥមស្មិំយេវ សិក្ខាបទេ អនាបត្តិ, ន សព្ពាបត្តីហីតិ? ន, កស្មា។
132.Anāpatti, bhikkhu, cittuppādeti ettha kevalaṃ cittaṃ, tasseva uppādetabbāpattīhi anāpattīti attho. Etthāha – upanikkhittasādiyanādīsu, sabbesu ca akiriyasikkhāpadesu na kāyaṅgacopanaṃ vā vācaṅgacopanaṃ vā, apicāpatti, kasmā imasmiṃyeva sikkhāpade anāpatti, na sabbāpattīhīti? Na, kasmā.
កត្តព្ពា សាធិកំ សិក្ខា, វិញ្ញត្តិំ កាយវាចិកំ;
Kattabbā sādhikaṃ sikkhā, viññattiṃ kāyavācikaṃ;
អកត្វា កាយវាចាហិ, អវិញ្ញត្តីហិ តំ ផុសេ។
Akatvā kāyavācāhi, aviññattīhi taṃ phuse.
ន លេសភាវត្តា។ សប្បាយេ អារម្មណេ អដ្ឋត្វា បដិលទ្ធាសេវនំ ហុត្វា តតោ បរំ សុដ្ឋុ ធាវតីតិ សន្ធាវតិ។ តតោ អភិជ្ឈាយ សហគតំ, ព្យាបាទសហគតំ វា ហុត្វា វិសេសតោ ធាវតីតិ វិធាវតិ។
Na lesabhāvattā. Sappāye ārammaṇe aṭṭhatvā paṭiladdhāsevanaṃ hutvā tato paraṃ suṭṭhu dhāvatīti sandhāvati. Tato abhijjhāya sahagataṃ, byāpādasahagataṃ vā hutvā visesato dhāvatīti vidhāvati.
១៣៧. វណំ កត្វា គហេតុន្តិ ឯត្ថ កិញ្ចាបិ ឥមិនា សិក្ខាបទេន អនាបត្តិ, ឥត្ថិរូបស្ស នាម យត្ថ អាមសន្តស្ស ទុក្កដន្តិ កេចិ។ ‘‘កាយបដិពទ្ធគ្គហណំ យុត្តំ, តំ សន្ធាយ វដ្ដតីតិ វុត្ត’’ន្តិ វទន្តិ។ ឧភយំ វិចារេត្វា គហេតព្ពំ។
137.Vaṇaṃ katvā gahetunti ettha kiñcāpi iminā sikkhāpadena anāpatti, itthirūpassa nāma yattha āmasantassa dukkaṭanti keci. ‘‘Kāyapaṭibaddhaggahaṇaṃ yuttaṃ, taṃ sandhāya vaṭṭatīti vutta’’nti vadanti. Ubhayaṃ vicāretvā gahetabbaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ទុតិយបារាជិកំ • 2. Dutiyapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ២. ទុតិយបារាជិកំ • 2. Dutiyapārājikaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / វិនីតវត្ថុវណ្ណនា • Vinītavatthuvaṇṇanā
