| Library / Tipiṭaka / ཏིཔིཊཀ • Tipiṭaka / ཐེརཱིགཱཐཱཔཱལི༹ • Therīgāthāpāḷi |
༢. ཝིམལཱཐེརཱིགཱཐཱ
2. Vimalātherīgāthā
༧༢.
72.
‘‘མཏྟཱ ཝཎྞེན རཱུཔེན, སོབྷགྒེན ཡསེན ཙ།
‘‘Mattā vaṇṇena rūpena, sobhaggena yasena ca;
ཡོབྦནེན ཙུཔཏྠདྡྷཱ, ཨཉྙཱསམཏིམཉྙིཧཾ༎
Yobbanena cupatthaddhā, aññāsamatimaññihaṃ.
༧༣.
73.
‘‘ཝིབྷཱུསེཏྭཱ ཨིམཾ ཀཱཡཾ, སུཙིཏྟཾ བཱལལཱཔནཾ།
‘‘Vibhūsetvā imaṃ kāyaṃ, sucittaṃ bālalāpanaṃ;
ཨཊྛཱསིཾ ཝེསིདྭཱརམྷི, ལུདྡོ པཱསམིཝོཌྜིཡ༎
Aṭṭhāsiṃ vesidvāramhi, luddo pāsamivoḍḍiya.
༧༤.
74.
‘‘པིལནྡྷནཾ ཝིདཾསེནྟཱི, གུཡ྄ཧཾ པཀཱསིཀཾ བཧུཾ།
‘‘Pilandhanaṃ vidaṃsentī, guyhaṃ pakāsikaṃ bahuṃ;
ཨཀཱསིཾ ཝིཝིདྷཾ མཱཡཾ, ཨུཛྫགྒྷནྟཱི བཧུཾ ཛནཾ༎
Akāsiṃ vividhaṃ māyaṃ, ujjagghantī bahuṃ janaṃ.
༧༥.
75.
‘‘སཱཛྫ པིཎྜཾ ཙརིཏྭཱན, མུཎྜཱ སངྒྷཱཊིཔཱརུཏཱ།
‘‘Sājja piṇḍaṃ caritvāna, muṇḍā saṅghāṭipārutā;
ནིསིནྣཱ རུཀྑམཱུལམྷི, ཨཝིཏཀྐསྶ ལཱབྷིནཱི༎
Nisinnā rukkhamūlamhi, avitakkassa lābhinī.
༧༦.
76.
‘‘སབྦེ ཡོགཱ སམུཙྪིནྣཱ, ཡེ དིབྦཱ ཡེ ཙ མཱནུསཱ།
‘‘Sabbe yogā samucchinnā, ye dibbā ye ca mānusā;
ཁེཔེཏྭཱ ཨཱསཝེ སབྦེ, སཱིཏིབྷཱུཏཱམྷི ནིབྦུཏཱ’’ཏི༎
Khepetvā āsave sabbe, sītibhūtāmhi nibbutā’’ti.
… ཝིམལཱ པུརཱཎགཎིཀཱ ཐེརཱི…།
… Vimalā purāṇagaṇikā therī….
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཐེརཱིགཱཐཱ-ཨཊྛཀཐཱ • Therīgāthā-aṭṭhakathā / ༢. ཝིམལཱཐེརཱིགཱཐཱཝཎྞནཱ • 2. Vimalātherīgāthāvaṇṇanā
