| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾಪಾಳಿ • Therīgāthāpāḷi |
೨. ವಿಮಲಾಥೇರೀಗಾಥಾ
2. Vimalātherīgāthā
೭೨.
72.
‘‘ಮತ್ತಾ ವಣ್ಣೇನ ರೂಪೇನ, ಸೋಭಗ್ಗೇನ ಯಸೇನ ಚ।
‘‘Mattā vaṇṇena rūpena, sobhaggena yasena ca;
ಯೋಬ್ಬನೇನ ಚುಪತ್ಥದ್ಧಾ, ಅಞ್ಞಾಸಮತಿಮಞ್ಞಿಹಂ॥
Yobbanena cupatthaddhā, aññāsamatimaññihaṃ.
೭೩.
73.
‘‘ವಿಭೂಸೇತ್ವಾ ಇಮಂ ಕಾಯಂ, ಸುಚಿತ್ತಂ ಬಾಲಲಾಪನಂ।
‘‘Vibhūsetvā imaṃ kāyaṃ, sucittaṃ bālalāpanaṃ;
ಅಟ್ಠಾಸಿಂ ವೇಸಿದ್ವಾರಮ್ಹಿ, ಲುದ್ದೋ ಪಾಸಮಿವೋಡ್ಡಿಯ॥
Aṭṭhāsiṃ vesidvāramhi, luddo pāsamivoḍḍiya.
೭೪.
74.
‘‘ಪಿಲನ್ಧನಂ ವಿದಂಸೇನ್ತೀ, ಗುಯ್ಹಂ ಪಕಾಸಿಕಂ ಬಹುಂ।
‘‘Pilandhanaṃ vidaṃsentī, guyhaṃ pakāsikaṃ bahuṃ;
ಅಕಾಸಿಂ ವಿವಿಧಂ ಮಾಯಂ, ಉಜ್ಜಗ್ಘನ್ತೀ ಬಹುಂ ಜನಂ॥
Akāsiṃ vividhaṃ māyaṃ, ujjagghantī bahuṃ janaṃ.
೭೫.
75.
‘‘ಸಾಜ್ಜ ಪಿಣ್ಡಂ ಚರಿತ್ವಾನ, ಮುಣ್ಡಾ ಸಙ್ಘಾಟಿಪಾರುತಾ।
‘‘Sājja piṇḍaṃ caritvāna, muṇḍā saṅghāṭipārutā;
ನಿಸಿನ್ನಾ ರುಕ್ಖಮೂಲಮ್ಹಿ, ಅವಿತಕ್ಕಸ್ಸ ಲಾಭಿನೀ॥
Nisinnā rukkhamūlamhi, avitakkassa lābhinī.
೭೬.
76.
‘‘ಸಬ್ಬೇ ಯೋಗಾ ಸಮುಚ್ಛಿನ್ನಾ, ಯೇ ದಿಬ್ಬಾ ಯೇ ಚ ಮಾನುಸಾ।
‘‘Sabbe yogā samucchinnā, ye dibbā ye ca mānusā;
ಖೇಪೇತ್ವಾ ಆಸವೇ ಸಬ್ಬೇ, ಸೀತಿಭೂತಾಮ್ಹಿ ನಿಬ್ಬುತಾ’’ತಿ॥
Khepetvā āsave sabbe, sītibhūtāmhi nibbutā’’ti.
… ವಿಮಲಾ ಪುರಾಣಗಣಿಕಾ ಥೇರೀ…।
… Vimalā purāṇagaṇikā therī….
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā / ೨. ವಿಮಲಾಥೇರೀಗಾಥಾವಣ್ಣನಾ • 2. Vimalātherīgāthāvaṇṇanā
