| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੯. વਿਕਪ੍ਪਨਸਿਕ੍ਖਾਪਦવਣ੍ਣਨਾ
9. Vikappanasikkhāpadavaṇṇanā
ਸਮ੍ਮੁਖੇਨ વਿਕਪ੍ਪਨਾ ਸਮ੍ਮੁਖવਿਕਪ੍ਪਨਾ। ਪਰਮ੍ਮੁਖੇਨ વਿਕਪ੍ਪਨਾ ਪਰਮ੍ਮੁਖવਿਕਪ੍ਪਨਾ। ਸਨ੍ਨਿਹਿਤਾਸਨ੍ਨਿਹਿਤਭਾવਨ੍ਤਿ ਆਸਨ੍ਨਦੂਰਭਾવਂ। ਆਸਨ੍ਨਦੂਰਭਾવੋ ਚ ਅਧਿਟ੍ਠਾਨੇ વੁਤ੍ਤਨਯੇਨੇવ વੇਦਿਤਬ੍ਬੋ।
Sammukhena vikappanā sammukhavikappanā. Parammukhena vikappanā parammukhavikappanā. Sannihitāsannihitabhāvanti āsannadūrabhāvaṃ. Āsannadūrabhāvo ca adhiṭṭhāne vuttanayeneva veditabbo.
ਮਿਤ੍ਤੋਤਿ ਦਲ਼੍ਹਮਿਤ੍ਤੋ। ਸਨ੍ਦਿਟ੍ਠੋਤਿ ਦਿਟ੍ਠਮਤ੍ਤੋ ਨਾਤਿਦਲ਼੍ਹਮਿਤ੍ਤੋ। ਅਕਤਪਚ੍ਚੁਦ੍ਧਾਰਨ੍ਤਿ ‘‘ਮਯ੍ਹਂ ਸਨ੍ਤਕਂ ਪਰਿਭੁਞ੍ਜ વਾ વਿਸ੍ਸਜ੍ਜੇਹਿ વਾ’’ਤਿਆਦਿਨਾ ਅਕਤਪਚ੍ਚੁਦ੍ਧਾਰਂ। ਯੇਨ વਿਨਯਕਮ੍ਮਂ ਕਤਨ੍ਤਿ ਯੇਨ ਸਦ੍ਧਿਂ વਿਨਯਕਮ੍ਮਂ ਕਤਂ।
Mittoti daḷhamitto. Sandiṭṭhoti diṭṭhamatto nātidaḷhamitto. Akatapaccuddhāranti ‘‘mayhaṃ santakaṃ paribhuñja vā vissajjehi vā’’tiādinā akatapaccuddhāraṃ. Yena vinayakammaṃ katanti yena saddhiṃ vinayakammaṃ kataṃ.
ਪਰਿਭੋਗੇਨ ਕਾਯਕਮ੍ਮਂ, ਅਪਚ੍ਚੁਦ੍ਧਾਰਾਪਨੇਨ વਚੀਕਮ੍ਮਨ੍ਤਿ ਆਹ ‘‘ਸਮੁਟ੍ਠਾਨਾਦੀਨਿ ਪਠਮਕਥਿਨਸਦਿਸਾਨੇવਾ’’ਤਿ। ਕਿਰਿਯਾਕਿਰਿਯਨ੍ਤਿ ਏਤ੍ਥ ਪਰਿਭੁਞ੍ਜਨਂ ਕਿਰਿਯਂ। ਅਪਚ੍ਚੁਦ੍ਧਾਰਾਪਨਂ ਅਕਿਰਿਯਂ।
Paribhogena kāyakammaṃ, apaccuddhārāpanena vacīkammanti āha ‘‘samuṭṭhānādīni paṭhamakathinasadisānevā’’ti. Kiriyākiriyanti ettha paribhuñjanaṃ kiriyaṃ. Apaccuddhārāpanaṃ akiriyaṃ.
વਿਕਪ੍ਪਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vikappanasikkhāpadavaṇṇanā niṭṭhitā.
