| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೧೧. ವಿಜಯಸುತ್ತಂ
11. Vijayasuttaṃ
೧೯೫.
195.
ಚರಂ ವಾ ಯದಿ ವಾ ತಿಟ್ಠಂ, ನಿಸಿನ್ನೋ ಉದ ವಾ ಸಯಂ।
Caraṃ vā yadi vā tiṭṭhaṃ, nisinno uda vā sayaṃ;
ಸಮಿಞ್ಜೇತಿ ಪಸಾರೇತಿ, ಏಸಾ ಕಾಯಸ್ಸ ಇಞ್ಜನಾ॥
Samiñjeti pasāreti, esā kāyassa iñjanā.
೧೯೬.
196.
ಅಟ್ಠಿನಹಾರುಸಂಯುತ್ತೋ, ತಚಮಂಸಾವಲೇಪನೋ।
Aṭṭhinahārusaṃyutto, tacamaṃsāvalepano;
ಛವಿಯಾ ಕಾಯೋ ಪಟಿಚ್ಛನ್ನೋ, ಯಥಾಭೂತಂ ನ ದಿಸ್ಸತಿ॥
Chaviyā kāyo paṭicchanno, yathābhūtaṃ na dissati.
೧೯೭.
197.
ಹದಯಸ್ಸ ಪಪ್ಫಾಸಸ್ಸ, ವಕ್ಕಸ್ಸ ಪಿಹಕಸ್ಸ ಚ॥
Hadayassa papphāsassa, vakkassa pihakassa ca.
೧೯೮.
198.
ಸಿಙ್ಘಾಣಿಕಾಯ ಖೇಳಸ್ಸ, ಸೇದಸ್ಸ ಚ ಮೇದಸ್ಸ ಚ।
Siṅghāṇikāya kheḷassa, sedassa ca medassa ca;
ಲೋಹಿತಸ್ಸ ಲಸಿಕಾಯ, ಪಿತ್ತಸ್ಸ ಚ ವಸಾಯ ಚ॥
Lohitassa lasikāya, pittassa ca vasāya ca.
೧೯೯.
199.
ಅಥಸ್ಸ ನವಹಿ ಸೋತೇಹಿ, ಅಸುಚೀ ಸವತಿ ಸಬ್ಬದಾ।
Athassa navahi sotehi, asucī savati sabbadā;
ಅಕ್ಖಿಮ್ಹಾ ಅಕ್ಖಿಗೂಥಕೋ, ಕಣ್ಣಮ್ಹಾ ಕಣ್ಣಗೂಥಕೋ॥
Akkhimhā akkhigūthako, kaṇṇamhā kaṇṇagūthako.
೨೦೦.
200.
ಸಿಙ್ಘಾಣಿಕಾ ಚ ನಾಸತೋ, ಮುಖೇನ ವಮತೇಕದಾ।
Siṅghāṇikā ca nāsato, mukhena vamatekadā;
ಪಿತ್ತಂ ಸೇಮ್ಹಞ್ಚ ವಮತಿ, ಕಾಯಮ್ಹಾ ಸೇದಜಲ್ಲಿಕಾ॥
Pittaṃ semhañca vamati, kāyamhā sedajallikā.
೨೦೧.
201.
ಅಥಸ್ಸ ಸುಸಿರಂ ಸೀಸಂ, ಮತ್ಥಲುಙ್ಗಸ್ಸ ಪೂರಿತಂ।
Athassa susiraṃ sīsaṃ, matthaluṅgassa pūritaṃ;
ಸುಭತೋ ನಂ ಮಞ್ಞತಿ, ಬಾಲೋ ಅವಿಜ್ಜಾಯ ಪುರಕ್ಖತೋ॥
Subhato naṃ maññati, bālo avijjāya purakkhato.
೨೦೨.
202.
ಯದಾ ಚ ಸೋ ಮತೋ ಸೇತಿ, ಉದ್ಧುಮಾತೋ ವಿನೀಲಕೋ।
Yadā ca so mato seti, uddhumāto vinīlako;
ಅಪವಿದ್ಧೋ ಸುಸಾನಸ್ಮಿಂ, ಅನಪೇಕ್ಖಾ ಹೋನ್ತಿ ಞಾತಯೋ॥
Apaviddho susānasmiṃ, anapekkhā honti ñātayo.
೨೦೩.
203.
ಕಾಕಾ ಗಿಜ್ಝಾ ಚ ಖಾದನ್ತಿ, ಯೇ ಚಞ್ಞೇ ಸನ್ತಿ ಪಾಣಿನೋ॥
Kākā gijjhā ca khādanti, ye caññe santi pāṇino.
೨೦೪.
204.
ಸುತ್ವಾನ ಬುದ್ಧವಚನಂ, ಭಿಕ್ಖು ಪಞ್ಞಾಣವಾ ಇಧ।
Sutvāna buddhavacanaṃ, bhikkhu paññāṇavā idha;
ಸೋ ಖೋ ನಂ ಪರಿಜಾನಾತಿ, ಯಥಾಭೂತಞ್ಹಿ ಪಸ್ಸತಿ॥
So kho naṃ parijānāti, yathābhūtañhi passati.
೨೦೫.
205.
ಯಥಾ ಇದಂ ತಥಾ ಏತಂ, ಯಥಾ ಏತಂ ತಥಾ ಇದಂ।
Yathā idaṃ tathā etaṃ, yathā etaṃ tathā idaṃ;
ಅಜ್ಝತ್ತಞ್ಚ ಬಹಿದ್ಧಾ ಚ, ಕಾಯೇ ಛನ್ದಂ ವಿರಾಜಯೇ॥
Ajjhattañca bahiddhā ca, kāye chandaṃ virājaye.
೨೦೬.
206.
ಛನ್ದರಾಗವಿರತ್ತೋ ಸೋ, ಭಿಕ್ಖು ಪಞ್ಞಾಣವಾ ಇಧ।
Chandarāgaviratto so, bhikkhu paññāṇavā idha;
ಅಜ್ಝಗಾ ಅಮತಂ ಸನ್ತಿಂ, ನಿಬ್ಬಾನಂ ಪದಮಚ್ಚುತಂ॥
Ajjhagā amataṃ santiṃ, nibbānaṃ padamaccutaṃ.
೨೦೭.
207.
ನಾನಾಕುಣಪಪರಿಪೂರೋ, ವಿಸ್ಸವನ್ತೋ ತತೋ ತತೋ॥
Nānākuṇapaparipūro, vissavanto tato tato.
೨೦೮.
208.
ಪರಂ ವಾ ಅವಜಾನೇಯ್ಯ, ಕಿಮಞ್ಞತ್ರ ಅದಸ್ಸನಾತಿ॥
Paraṃ vā avajāneyya, kimaññatra adassanāti.
ವಿಜಯಸುತ್ತಂ ಏಕಾದಸಮಂ ನಿಟ್ಠಿತಂ।
Vijayasuttaṃ ekādasamaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೧೧. ವಿಜಯಸುತ್ತವಣ್ಣನಾ • 11. Vijayasuttavaṇṇanā
