| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೧೨. ಮುನಿಸುತ್ತಂ
12. Munisuttaṃ
೨೦೯.
209.
ಅನಿಕೇತಮಸನ್ಥವಂ, ಏತಂ ವೇ ಮುನಿದಸ್ಸನಂ॥
Aniketamasanthavaṃ, etaṃ ve munidassanaṃ.
೨೧೦.
210.
ಯೋ ಜಾತಮುಚ್ಛಿಜ್ಜ ನ ರೋಪಯೇಯ್ಯ, ಜಾಯನ್ತಮಸ್ಸ ನಾನುಪ್ಪವೇಚ್ಛೇ।
Yo jātamucchijja na ropayeyya, jāyantamassa nānuppavecche;
ತಮಾಹು ಏಕಂ ಮುನಿನಂ ಚರನ್ತಂ, ಅದ್ದಕ್ಖಿ ಸೋ ಸನ್ತಿಪದಂ ಮಹೇಸಿ॥
Tamāhu ekaṃ muninaṃ carantaṃ, addakkhi so santipadaṃ mahesi.
೨೧೧.
211.
ಸಙ್ಖಾಯ ವತ್ಥೂನಿ ಪಮಾಯ 3 ಬೀಜಂ, ಸಿನೇಹಮಸ್ಸ ನಾನುಪ್ಪವೇಚ್ಛೇ।
Saṅkhāya vatthūni pamāya 4 bījaṃ, sinehamassa nānuppavecche;
ಸ ವೇ ಮುನೀ ಜಾತಿಖಯನ್ತದಸ್ಸೀ, ತಕ್ಕಂ ಪಹಾಯ ನ ಉಪೇತಿ ಸಙ್ಖಂ॥
Sa ve munī jātikhayantadassī, takkaṃ pahāya na upeti saṅkhaṃ.
೨೧೨.
212.
ಅಞ್ಞಾಯ ಸಬ್ಬಾನಿ ನಿವೇಸನಾನಿ, ಅನಿಕಾಮಯಂ ಅಞ್ಞತರಮ್ಪಿ ತೇಸಂ।
Aññāya sabbāni nivesanāni, anikāmayaṃ aññatarampi tesaṃ;
ಸ ವೇ ಮುನೀ ವೀತಗೇಧೋ ಅಗಿದ್ಧೋ, ನಾಯೂಹತೀ ಪಾರಗತೋ ಹಿ ಹೋತಿ॥
Sa ve munī vītagedho agiddho, nāyūhatī pāragato hi hoti.
೨೧೩.
213.
ಸಬ್ಬಾಭಿಭುಂ ಸಬ್ಬವಿದುಂ ಸುಮೇಧಂ, ಸಬ್ಬೇಸು ಧಮ್ಮೇಸು ಅನೂಪಲಿತ್ತಂ।
Sabbābhibhuṃ sabbaviduṃ sumedhaṃ, sabbesu dhammesu anūpalittaṃ;
ಸಬ್ಬಞ್ಜಹಂ ತಣ್ಹಕ್ಖಯೇ ವಿಮುತ್ತಂ, ತಂ ವಾಪಿ ಧೀರಾ ಮುನಿ 5 ವೇದಯನ್ತಿ॥
Sabbañjahaṃ taṇhakkhaye vimuttaṃ, taṃ vāpi dhīrā muni 6 vedayanti.
೨೧೪.
214.
ಪಞ್ಞಾಬಲಂ ಸೀಲವತೂಪಪನ್ನಂ, ಸಮಾಹಿತಂ ಝಾನರತಂ ಸತೀಮಂ।
Paññābalaṃ sīlavatūpapannaṃ, samāhitaṃ jhānarataṃ satīmaṃ;
ಸಙ್ಗಾ ಪಮುತ್ತಂ ಅಖಿಲಂ ಅನಾಸವಂ, ತಂ ವಾಪಿ ಧೀರಾ ಮುನಿ ವೇದಯನ್ತಿ॥
Saṅgā pamuttaṃ akhilaṃ anāsavaṃ, taṃ vāpi dhīrā muni vedayanti.
೨೧೫.
215.
ಏಕಂ ಚರನ್ತಂ ಮುನಿಮಪ್ಪಮತ್ತಂ, ನಿನ್ದಾಪಸಂಸಾಸು ಅವೇಧಮಾನಂ।
Ekaṃ carantaṃ munimappamattaṃ, nindāpasaṃsāsu avedhamānaṃ;
ಸೀಹಂವ ಸದ್ದೇಸು ಅಸನ್ತಸನ್ತಂ, ವಾತಂವ ಜಾಲಮ್ಹಿ ಅಸಜ್ಜಮಾನಂ।
Sīhaṃva saddesu asantasantaṃ, vātaṃva jālamhi asajjamānaṃ;
ತಂ ವಾಪಿ ಧೀರಾ ಮುನಿ ವೇದಯನ್ತಿ॥
Taṃ vāpi dhīrā muni vedayanti.
೨೧೬.
216.
ಯೋ ಓಗಹಣೇ ಥಮ್ಭೋರಿವಾಭಿಜಾಯತಿ, ಯಸ್ಮಿಂ ಪರೇ ವಾಚಾಪರಿಯನ್ತಂ 11 ವದನ್ತಿ।
Yo ogahaṇe thambhorivābhijāyati, yasmiṃ pare vācāpariyantaṃ 12 vadanti;
ತಂ ವೀತರಾಗಂ ಸುಸಮಾಹಿತಿನ್ದ್ರಿಯಂ, ತಂ ವಾಪಿ ಧೀರಾ ಮುನಿ ವೇದಯನ್ತಿ॥
Taṃ vītarāgaṃ susamāhitindriyaṃ, taṃ vāpi dhīrā muni vedayanti.
೨೧೭.
217.
ಯೋ ವೇ ಠಿತತ್ತೋ ತಸರಂವ ಉಜ್ಜು, ಜಿಗುಚ್ಛತಿ ಕಮ್ಮೇಹಿ ಪಾಪಕೇಹಿ।
Yo ve ṭhitatto tasaraṃva ujju, jigucchati kammehi pāpakehi;
ವೀಮಂಸಮಾನೋ ವಿಸಮಂ ಸಮಞ್ಚ, ತಂ ವಾಪಿ ಧೀರಾ ಮುನಿ ವೇದಯನ್ತಿ॥
Vīmaṃsamāno visamaṃ samañca, taṃ vāpi dhīrā muni vedayanti.
೨೧೮.
218.
ಯೋ ಸಞ್ಞತತ್ತೋ ನ ಕರೋತಿ ಪಾಪಂ, ದಹರೋ ಮಜ್ಝಿಮೋ ಚ ಮುನಿ 13 ಯತತ್ತೋ।
Yo saññatatto na karoti pāpaṃ, daharo majjhimo ca muni 14 yatatto;
ಅರೋಸನೇಯ್ಯೋ ನ ಸೋ ರೋಸೇತಿ ಕಞ್ಚಿ 15, ತಂ ವಾಪಿ ಧೀರಾ ಮುನಿ ವೇದಯನ್ತಿ॥
Arosaneyyo na so roseti kañci 16, taṃ vāpi dhīrā muni vedayanti.
೨೧೯.
219.
ಯದಗ್ಗತೋ ಮಜ್ಝತೋ ಸೇಸತೋ ವಾ, ಪಿಣ್ಡಂ ಲಭೇಥ ಪರದತ್ತೂಪಜೀವೀ।
Yadaggato majjhato sesato vā, piṇḍaṃ labhetha paradattūpajīvī;
ನಾಲಂ ಥುತುಂ ನೋಪಿ ನಿಪಚ್ಚವಾದೀ, ತಂ ವಾಪಿ ಧೀರಾ ಮುನಿ ವೇದಯನ್ತಿ॥
Nālaṃ thutuṃ nopi nipaccavādī, taṃ vāpi dhīrā muni vedayanti.
೨೨೦.
220.
ಮುನಿಂ ಚರನ್ತಂ ವಿರತಂ ಮೇಥುನಸ್ಮಾ, ಯೋ ಯೋಬ್ಬನೇ ನೋಪನಿಬಜ್ಝತೇ ಕ್ವಚಿ।
Muniṃ carantaṃ virataṃ methunasmā, yo yobbane nopanibajjhate kvaci;
ಮದಪ್ಪಮಾದಾ ವಿರತಂ ವಿಪ್ಪಮುತ್ತಂ, ತಂ ವಾಪಿ ಧೀರಾ ಮುನಿ ವೇದಯನ್ತಿ॥
Madappamādā virataṃ vippamuttaṃ, taṃ vāpi dhīrā muni vedayanti.
೨೨೧.
221.
ಅಞ್ಞಾಯ ಲೋಕಂ ಪರಮತ್ಥದಸ್ಸಿಂ, ಓಘಂ ಸಮುದ್ದಂ ಅತಿತರಿಯ ತಾದಿಂ।
Aññāya lokaṃ paramatthadassiṃ, oghaṃ samuddaṃ atitariya tādiṃ;
ತಂ ಛಿನ್ನಗನ್ಥಂ ಅಸಿತಂ ಅನಾಸವಂ, ತಂ ವಾಪಿ ಧೀರಾ ಮುನಿ ವೇದಯನ್ತಿ॥
Taṃ chinnaganthaṃ asitaṃ anāsavaṃ, taṃ vāpi dhīrā muni vedayanti.
೨೨೨.
222.
ಅಸಮಾ ಉಭೋ ದೂರವಿಹಾರವುತ್ತಿನೋ, ಗಿಹೀ 17 ದಾರಪೋಸೀ ಅಮಮೋ ಚ ಸುಬ್ಬತೋ।
Asamā ubho dūravihāravuttino, gihī 18 dāraposī amamo ca subbato;
ಪರಪಾಣರೋಧಾಯ ಗಿಹೀ ಅಸಞ್ಞತೋ, ನಿಚ್ಚಂ ಮುನೀ ರಕ್ಖತಿ ಪಾಣಿನೇ 19 ಯತೋ॥
Parapāṇarodhāya gihī asaññato, niccaṃ munī rakkhati pāṇine 20 yato.
೨೨೩.
223.
ಸಿಖೀ ಯಥಾ ನೀಲಗೀವೋ 21 ವಿಹಙ್ಗಮೋ, ಹಂಸಸ್ಸ ನೋಪೇತಿ ಜವಂ ಕುದಾಚನಂ।
Sikhī yathā nīlagīvo 22 vihaṅgamo, haṃsassa nopeti javaṃ kudācanaṃ;
ಏವಂ ಗಿಹೀ ನಾನುಕರೋತಿ ಭಿಕ್ಖುನೋ, ಮುನಿನೋ ವಿವಿತ್ತಸ್ಸ ವನಮ್ಹಿ ಝಾಯತೋತಿ॥
Evaṃ gihī nānukaroti bhikkhuno, munino vivittassa vanamhi jhāyatoti.
ಮುನಿಸುತ್ತಂ ದ್ವಾದಸಮಂ ನಿಟ್ಠಿತಂ।ಉರಗವಗ್ಗೋ ಪಠಮೋ ನಿಟ್ಠಿತೋ।
Munisuttaṃ dvādasamaṃ niṭṭhitaṃ.Uragavaggo paṭhamo niṭṭhito.
ತಸ್ಸುದ್ದಾನಂ –
Tassuddānaṃ –
ಉರಗೋ ಧನಿಯೋ ಚೇವ, ವಿಸಾಣಞ್ಚ ತಥಾ ಕಸಿ।
Urago dhaniyo ceva, visāṇañca tathā kasi;
ಚುನ್ದೋ ಪರಾಭವೋ ಚೇವ, ವಸಲೋ ಮೇತ್ತಭಾವನಾ॥
Cundo parābhavo ceva, vasalo mettabhāvanā.
ಸಾತಾಗಿರೋ ಆಳವಕೋ, ವಿಜಯೋ ಚ ತಥಾ ಮುನಿ।
Sātāgiro āḷavako, vijayo ca tathā muni;
ದ್ವಾದಸೇತಾನಿ ಸುತ್ತಾನಿ, ಉರಗವಗ್ಗೋತಿ ವುಚ್ಚತೀತಿ॥
Dvādasetāni suttāni, uragavaggoti vuccatīti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೧೨. ಮುನಿಸುತ್ತವಣ್ಣನಾ • 12. Munisuttavaṇṇanā
