| Library / Tipiṭaka / ತಿಪಿಟಕ • Tipiṭaka / ಮಿಲಿನ್ದಪಞ್ಹಪಾಳಿ • Milindapañhapāḷi |
೪. ವಿಚ್ಛಿಕಙ್ಗಪಞ್ಹೋ
4. Vicchikaṅgapañho
೪. ‘‘ಭನ್ತೇ ನಾಗಸೇನ, ‘ವಿಚ್ಛಿಕಸ್ಸ ಏಕಂ ಅಙ್ಗಂ ಗಹೇತಬ್ಬ’ನ್ತಿ ಯಂ ವದೇಸಿ, ಕತಮಂ ತಂ ಏಕಂ ಅಙ್ಗಂ ಗಹೇತಬ್ಬ’’ನ್ತಿ? ‘‘ಯಥಾ, ಮಹಾರಾಜ, ವಿಚ್ಛಿಕೋ ನಙ್ಗುಲಾವುಧೋ ನಙ್ಗುಲಂ ಉಸ್ಸಾಪೇತ್ವಾ ಚರತಿ, ಏವಮೇವ ಖೋ, ಮಹಾರಾಜ, ಯೋಗಿನಾ ಯೋಗಾವಚರೇನ ಞಾಣಾವುಧೇನ ಭವಿತಬ್ಬಂ, ಞಾಣಂ ಉಸ್ಸಾಪೇತ್ವಾ ವಿಹರಿತಬ್ಬಂ । ಇದಂ, ಮಹಾರಾಜ, ವಿಚ್ಛಿಕಸ್ಸ ಏಕಂ ಅಙ್ಗಂ ಗಹೇತಬ್ಬಂ। ಭಾಸಿತಮ್ಪೇತಂ, ಮಹಾರಾಜ, ಥೇರೇನ ಉಪಸೇನೇನ ವಙ್ಗನ್ತಪುತ್ತೇನ –
4. ‘‘Bhante nāgasena, ‘vicchikassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, vicchiko naṅgulāvudho naṅgulaṃ ussāpetvā carati, evameva kho, mahārāja, yoginā yogāvacarena ñāṇāvudhena bhavitabbaṃ, ñāṇaṃ ussāpetvā viharitabbaṃ . Idaṃ, mahārāja, vicchikassa ekaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
‘‘‘ಞಾಣಖಗ್ಗಂ ಗಹೇತ್ವಾನ, ವಿಹರನ್ತೋ ವಿಪಸ್ಸಕೋ।
‘‘‘Ñāṇakhaggaṃ gahetvāna, viharanto vipassako;
ಪರಿಮುಚ್ಚತಿ ಸಬ್ಬಭಯಾ, ದುಪ್ಪಸಹೋ ಚ ಸೋ ಭವೇ’’’ತಿ॥
Parimuccati sabbabhayā, duppasaho ca so bhave’’’ti.
ವಿಚ್ಛಿಕಙ್ಗಪಞ್ಹೋ ಚತುತ್ಥೋ।
Vicchikaṅgapañho catuttho.
