| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༨. ཝེརོཙནཨསུརིནྡསུཏྟཝཎྞནཱ
8. Verocanaasurindasuttavaṇṇanā
༢༥༤. དྭཱརཔཱལརཱུཔཀཱནི ཝིཡཱཏི དྭཱརཔཱལཱཀཱརེན ཀཏཔཊིམཱཡོ ཝིཡ། ཝཱཡམེཐེཝ, ན ཨནྟརཱ སཾཀོཙཾ ཨཱཔཛྫེཡྻཱཏི ཨདྷིཔྤཱཡོ། ནིཔྥནྣསོབྷནེསཱུཏི ནིཔྥནྣབྷཱཝེན སུནྡརེསུ། སབྦེ ཧི ཨནིཔྥནྣཱ ཨཏྠཱ ན སོབྷནྟི། ཀིཙྩཛཱཏཱཏི ཝིཔྤཀཏབྷཱཝེན སཉྫཱཏཀིཙྩཱ། ཨཀིཙྩཛཱཏོཏི ཨསཉྫཱཏཀིཙྩོ ཀིཙྩརཧིཏོ ནཱམ ནཏྠི གམནཊྛིཏསཡནནིསཛྫཱདིཝསེན ཨུཔྤཛྫནཀདུཀྑཝིནོདནབྷཱཝཏོ། སཾཡོགཔརམཱཏྭེཝ སམྦྷོགཱཏི ཨིམེསཾ སཏྟཱནཾ སཾབྷུཉྫིཏབྦཝཏྠཱུནི ནཱམ པཀཏིཡཱ ཝིརོདྷསཱིལཱནིཔི ཨསཾཡོགེན ཝཱ ཨསུནྡརཱནིཔི, ཏཱནི ཨབྷིསངྑརཎཔཙནསཾཡོཛནཔརམཱནི ཝེདིཏབྦཱནི ཏཐཱ སཏི སམྦྷོགཱརཧབྷཱཝཱུཔགམནཏོ། ཏེནཱཧ ‘‘པཱརིཝཱསིཀཨོདནཱདཱིནཱི’’ཏིཨཱདི། ཨུཎྷཱཔེཏྭཱ པརིབྷུཉྫིཏབྦཡུཏྟེ པརིབྷཛྫིཏྭཱཏི ཨདྷིཔྤཱཡོ།
254.Dvārapālarūpakāniviyāti dvārapālākārena katapaṭimāyo viya. Vāyametheva, na antarā saṃkocaṃ āpajjeyyāti adhippāyo. Nipphannasobhanesūti nipphannabhāvena sundaresu. Sabbe hi anipphannā atthā na sobhanti. Kiccajātāti vippakatabhāvena sañjātakiccā. Akiccajātoti asañjātakicco kiccarahito nāma natthi gamanaṭṭhitasayananisajjādivasena uppajjanakadukkhavinodanabhāvato. Saṃyogaparamātveva sambhogāti imesaṃ sattānaṃ saṃbhuñjitabbavatthūni nāma pakatiyā virodhasīlānipi asaṃyogena vā asundarānipi, tāni abhisaṅkharaṇapacanasaṃyojanaparamāni veditabbāni tathā sati sambhogārahabhāvūpagamanato. Tenāha ‘‘pārivāsikaodanādīnī’’tiādi. Uṇhāpetvā paribhuñjitabbayutte paribhajjitvāti adhippāyo.
ཝེརོཙནཨསུརིནྡསུཏྟཝཎྞནཱ ནིཊྛིཏཱ།
Verocanaasurindasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༨. ཝེརོཙནཨསུརིནྡསུཏྟཾ • 8. Verocanaasurindasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༨. ཝེརོཙནཨསུརིནྡསུཏྟཝཎྞནཱ • 8. Verocanaasurindasuttavaṇṇanā
