| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৯. ৰেরম্ভসুত্তৰণ্ণনা
9. Verambhasuttavaṇṇanā
১৬৫. নৰমে ৰেরম্ভৰাতাতি এৰংনামকা মহাৰাতা। কীদিসে পন ঠানে তে ৰাতা ৰাযন্তীতি? যত্থ ঠিতস্স চত্তারো দীপা উপ্পলিনিপত্তমত্তা হুত্ৰা পঞ্ঞাযন্তি। যো পক্খী গচ্ছতীতি নৰৰুট্ঠে দেৰে ৰিরৰন্তো ৰাতসকুণো তত্থ গচ্ছতি, তং সন্ধাযেতং ৰুত্তং। অরক্খিতেনেৰ কাযেনাতিআদীসু হত্থপাদে কীল়াপেন্তো খন্ধট্ঠিং ৰা নামেন্তো কাযং ন রক্খতি নাম, নানাৰিধং দুট্ঠুল্লকথং কথেন্তো ৰাচং ন রক্খতি নাম, কামৰিতক্কাদযো ৰিতক্কেন্তো চিত্তং ন রক্খতি নাম। অনুপট্ঠিতায সতিযাতি কাযগতাসতিং অনুপট্ঠপেত্ৰা। নৰমং।
165. Navame verambhavātāti evaṃnāmakā mahāvātā. Kīdise pana ṭhāne te vātā vāyantīti? Yattha ṭhitassa cattāro dīpā uppalinipattamattā hutvā paññāyanti. Yo pakkhī gacchatīti navavuṭṭhe deve viravanto vātasakuṇo tattha gacchati, taṃ sandhāyetaṃ vuttaṃ. Arakkhiteneva kāyenātiādīsu hatthapāde kīḷāpento khandhaṭṭhiṃ vā nāmento kāyaṃ na rakkhati nāma, nānāvidhaṃ duṭṭhullakathaṃ kathento vācaṃ na rakkhati nāma, kāmavitakkādayo vitakkento cittaṃ na rakkhati nāma. Anupaṭṭhitāya satiyāti kāyagatāsatiṃ anupaṭṭhapetvā. Navamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. ৰেরম্ভসুত্তং • 9. Verambhasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৯. ৰেরম্ভসুত্তৰণ্ণনা • 9. Verambhasuttavaṇṇanā
