| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
১০. সগাথকসুত্তৰণ্ণনা
10. Sagāthakasuttavaṇṇanā
১৬৬. দসমে অসক্কারেন চূভযন্তি অসক্কারেন চ উভযেন। সমাধীতি অরহত্তফলসমাধি। সো হি তেন ন ৰিকম্পতি। অপ্পমাণৰিহারিনোতি অপ্পমাণেন ফলসমাধিনা ৰিহরন্তস্স। সাততিকন্তি সততকারিং। সুখুমংদিট্ঠিৰিপস্সকন্তি অরহত্তমগ্গদিট্ঠিযা সুখুমদিট্ঠিফলসমাপত্তিঅত্থায ৰিপস্সনং পট্ঠপেত্ৰা আগতত্তা ৰিপস্সকং। উপাদানক্খযারামন্তি উপাদানক্খযসঙ্খাতে নিব্বানে রতং। আহু সপ্পুরিসো ইতীতি সপ্পুরিসোতি কথেন্তীতি। দসমং।
166. Dasame asakkārena cūbhayanti asakkārena ca ubhayena. Samādhīti arahattaphalasamādhi. So hi tena na vikampati. Appamāṇavihārinoti appamāṇena phalasamādhinā viharantassa. Sātatikanti satatakāriṃ. Sukhumaṃdiṭṭhivipassakanti arahattamaggadiṭṭhiyā sukhumadiṭṭhiphalasamāpattiatthāya vipassanaṃ paṭṭhapetvā āgatattā vipassakaṃ. Upādānakkhayārāmanti upādānakkhayasaṅkhāte nibbāne rataṃ. Āhu sappuriso itīti sappurisoti kathentīti. Dasamaṃ.
পঠমো ৰগ্গো।
Paṭhamo vaggo.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. সগাথকসুত্তং • 10. Sagāthakasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. সগাথকসুত্তৰণ্ণনা • 10. Sagāthakasuttavaṇṇanā
