| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༠. ཝེཔུལླཔབྦཏསུཏྟཝཎྞནཱ
10. Vepullapabbatasuttavaṇṇanā
༡༤༣. ཨེཀཾ ཨཔདཱནཾ ཨཱཧརིཏྭཱ དསྶེཏི ‘‘ཨེཝཾ སཾཝེགཾ ཛནེཏྭཱ བྷིཀྑཱུ ཝིསེསཾ པཱཔེསྶཱམཱི’’ཏི། ཙཏཱུཧེན ཨཱརོཧནྟི ཙཏུཡོཛནུབྦེདྷཏྟཱ། དྭིནྣཾ བུདྡྷཱནནྟི ཀཀུསནྡྷསྶ ཀོཎཱགམནསྶ ཙཱཏི ཨིམེསཾ དྭིནྣཾ བུདྡྷཱནཾ། ‘‘ཏིཝརཱ རོཧིཏསྶཱ སུཔྤིཡཱ’’ཏི མནུསྶཱནཾ ཏསྨིཾ ཏསྨིཾ ཀཱལེ སམཉྙཱ ཏཏྠ དེསནཱམཝསེན ཛཱཏཱཏི ཝེདིཏབྦཱ, ཡཐཱ ཨེཏརཧི མཱགདྷཱཏི།
143.Ekaṃ apadānaṃ āharitvā dasseti ‘‘evaṃ saṃvegaṃ janetvā bhikkhū visesaṃ pāpessāmī’’ti. Catūhena ārohanti catuyojanubbedhattā. Dvinnaṃ buddhānanti kakusandhassa koṇāgamanassa cāti imesaṃ dvinnaṃ buddhānaṃ. ‘‘Tivarā rohitassā suppiyā’’ti manussānaṃ tasmiṃ tasmiṃ kāle samaññā tattha desanāmavasena jātāti veditabbā, yathā etarahi māgadhāti.
པུན ཝསྶསཏནྟི པཋམཝསྶསཏཏོ ཨུཔརིཝསྶསཏཾ ཛཱིཝནཀོ ནཱམ མནུསྶོ ནཏྠི། པརིཧཱིནསདིསཾ ཀཏཾ དེསནཱཡ། ཝཌྜྷིཏྭཱཏི དསཝསྶཱཡུཀབྷཱཝཏོ པཊྛཱཡ ཡཱཝ ཨསངྑྱེཡྻཱཡུཀབྷཱཝཱ ཝཌྜྷིཏྭཱ། ‘‘པརིཧཱིན’’ནྟི ཝཏྭཱ ཏཾ པརིཧཱིནབྷཱཝཾ དསྶེནྟོ ‘‘ཀཐ’’ནྟིཨཱདིམཱཧ། ཡཾ ཨཱཡུཔྤམཱཎེསཱུཏི ཡཏྟཀཾ ཨཱཡུཔྤམཱཎེསཱུཏི།
Puna vassasatanti paṭhamavassasatato uparivassasataṃ jīvanako nāma manusso natthi. Parihīnasadisaṃ kataṃ desanāya. Vaḍḍhitvāti dasavassāyukabhāvato paṭṭhāya yāva asaṅkhyeyyāyukabhāvā vaḍḍhitvā. ‘‘Parihīna’’nti vatvā taṃ parihīnabhāvaṃ dassento ‘‘katha’’ntiādimāha. Yaṃ āyuppamāṇesūti yattakaṃ āyuppamāṇesūti.
ཝེཔུལླཔབྦཏསུཏྟཝཎྞནཱ ནིཊྛིཏཱ།
Vepullapabbatasuttavaṇṇanā niṭṭhitā.
དུཏིཡཝགྒཝཎྞནཱ ནིཊྛིཏཱ།
Dutiyavaggavaṇṇanā niṭṭhitā.
སཱརཏྠཔྤཀཱསིནིཡཱ སཾཡུཏྟནིཀཱཡ-ཨཊྛཀཐཱཡ
Sāratthappakāsiniyā saṃyuttanikāya-aṭṭhakathāya
ཨནམཏགྒསཾཡུཏྟཝཎྞནཱཡ ལཱིནཏྠཔྤཀཱསནཱ སམཏྟཱ།
Anamataggasaṃyuttavaṇṇanāya līnatthappakāsanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༠. ཝེཔུལླཔབྦཏསུཏྟཾ • 10. Vepullapabbatasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠. ཝེཔུལླཔབྦཏསུཏྟཝཎྞནཱ • 10. Vepullapabbatasuttavaṇṇanā
