| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
វេហាសដ្ឋកថាវណ្ណនា
Vehāsaṭṭhakathāvaṇṇanā
៩៧. វេហាសដ្ឋកថាយំ បន ចីវរវំសេ ឋបិតស្ស ចីវរស្ស អាកឌ្ឍនេ យថាវុត្តប្បទេសាតិក្កមោ ឯកទ្វង្គុលមត្តាកឌ្ឍនេន សិយាតិ អធិប្បាយេន វុត្តំ ‘‘ឯកទ្វង្គុលមត្តាកឌ្ឍនេនេវ បារាជិក’’ន្តិ។ ឥទញ្ច តាទិសំ នាតិមហន្តំ ចីវរវំសទណ្ឌកំ សន្ធាយ វុត្តំ, មហន្តេ បន តតោ អធិកមត្តាកឌ្ឍនេនេវ សិយា។ រជ្ជុកេន ពន្ធិត្វាតិ ឯកាយ រជ្ជុកោដិយា ចីវរំ ពន្ធិត្វា អបរាយ កោដិយា ចីវរវំសំ ពន្ធិត្វា ឋបិតចីវរំ។ មុត្តមត្តេ អដ្ឋត្វា បតនកសភាវត្តា ‘‘មុត្តេ បារាជិក’’ន្តិ វុត្តំ។
97. Vehāsaṭṭhakathāyaṃ pana cīvaravaṃse ṭhapitassa cīvarassa ākaḍḍhane yathāvuttappadesātikkamo ekadvaṅgulamattākaḍḍhanena siyāti adhippāyena vuttaṃ ‘‘ekadvaṅgulamattākaḍḍhaneneva pārājika’’nti. Idañca tādisaṃ nātimahantaṃ cīvaravaṃsadaṇḍakaṃ sandhāya vuttaṃ, mahante pana tato adhikamattākaḍḍhaneneva siyā. Rajjukena bandhitvāti ekāya rajjukoṭiyā cīvaraṃ bandhitvā aparāya koṭiyā cīvaravaṃsaṃ bandhitvā ṭhapitacīvaraṃ. Muttamatte aṭṭhatvā patanakasabhāvattā ‘‘mutte pārājika’’nti vuttaṃ.
ឯកមេកស្ស ផុដ្ឋោកាសមត្តេ អតិក្កន្តេ បារាជិកន្តិ ភិត្តិំ អផុសាបេត្វា ឋបិតត្តា វុត្តំ។ ភិត្តិំ និស្សាយ ឋបិតន្តិ បដិបាដិយា ឋបិតេសុ នាគទន្តាទីសុយេវ អារោបេត្វា ភិត្តិំ ផុសាបេត្វា ឋបិតំ។ បណ្ណន្តរំ អារោបេត្វា ឋបិតាតិ អញ្ញេហិ ឋបិតំ សន្ធាយ វុត្តំ។
Ekamekassa phuṭṭhokāsamatte atikkante pārājikanti bhittiṃ aphusāpetvā ṭhapitattā vuttaṃ. Bhittiṃ nissāya ṭhapitanti paṭipāṭiyā ṭhapitesu nāgadantādīsuyeva āropetvā bhittiṃ phusāpetvā ṭhapitaṃ. Paṇṇantaraṃ āropetvā ṭhapitāti aññehi ṭhapitaṃ sandhāya vuttaṃ.
វេហាសដ្ឋកថាវណ្ណនា និដ្ឋិតា។
Vehāsaṭṭhakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ទុតិយបារាជិកំ • 2. Dutiyapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ២. ទុតិយបារាជិកំ • 2. Dutiyapārājikaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ភូមដ្ឋកថាទិវណ្ណនា • Bhūmaṭṭhakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វេហាសដ្ឋកថាវណ្ណនា • Vehāsaṭṭhakathāvaṇṇanā
