| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. វេទិការកត្ថេរអបទានំ
5. Vedikārakattheraapadānaṃ
១៩.
19.
‘‘វិបស្សិនោ ភគវតោ, ពោធិយា បាទបុត្តមេ;
‘‘Vipassino bhagavato, bodhiyā pādaputtame;
បសន្នចិត្តោ សុមនោ, ការេសិំ វេទិកំ អហំ។
Pasannacitto sumano, kāresiṃ vedikaṃ ahaṃ.
២០.
20.
‘‘ឯកនវុតិតោ កប្បេ, ការេសិំ វេទិកំ អហំ;
‘‘Ekanavutito kappe, kāresiṃ vedikaṃ ahaṃ;
ទុគ្គតិំ នាភិជានាមិ, វេទិកាយ ឥទំ ផលំ។
Duggatiṃ nābhijānāmi, vedikāya idaṃ phalaṃ.
២១.
21.
‘‘ឥតោ ឯកាទសេ កប្បេ, អហោសិំ សូរិយស្សមោ;
‘‘Ito ekādase kappe, ahosiṃ sūriyassamo;
សត្តរត្តនសម្បន្នោ, ចក្កវត្តី មហព្ពលោ។
Sattarattanasampanno, cakkavattī mahabbalo.
២២.
22.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា វេទិការកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā vedikārako thero imā gāthāyo abhāsitthāti.
វេទិការកត្ថេរស្សាបទានំ បញ្ចមំ។
Vedikārakattherassāpadānaṃ pañcamaṃ.
