| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. वेदिकारकत्थेरअपदानं
5. Vedikārakattheraapadānaṃ
१९.
19.
‘‘विपस्सिनो भगवतो, बोधिया पादपुत्तमे।
‘‘Vipassino bhagavato, bodhiyā pādaputtame;
पसन्नचित्तो सुमनो, कारेसिं वेदिकं अहं॥
Pasannacitto sumano, kāresiṃ vedikaṃ ahaṃ.
२०.
20.
‘‘एकनवुतितो कप्पे, कारेसिं वेदिकं अहं।
‘‘Ekanavutito kappe, kāresiṃ vedikaṃ ahaṃ;
दुग्गतिं नाभिजानामि, वेदिकाय इदं फलं॥
Duggatiṃ nābhijānāmi, vedikāya idaṃ phalaṃ.
२१.
21.
‘‘इतो एकादसे कप्पे, अहोसिं सूरियस्समो।
‘‘Ito ekādase kappe, ahosiṃ sūriyassamo;
सत्तरत्तनसम्पन्नो, चक्कवत्ती महब्बलो॥
Sattarattanasampanno, cakkavattī mahabbalo.
२२.
22.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा वेदिकारको थेरो इमा गाथायो अभासित्थाति।
Itthaṃ sudaṃ āyasmā vedikārako thero imā gāthāyo abhāsitthāti.
वेदिकारकत्थेरस्सापदानं पञ्चमं।
Vedikārakattherassāpadānaṃ pañcamaṃ.
