| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. வத்த²தா³யகத்தே²ரஅபதா³னங்
7. Vatthadāyakattheraapadānaṃ
45.
45.
‘‘பக்கி²ஜாதோ ததா³ ஆஸிங், ஸுபண்ணோ க³ருளாதி⁴போ;
‘‘Pakkhijāto tadā āsiṃ, supaṇṇo garuḷādhipo;
அத்³த³ஸங் விரஜங் பு³த்³த⁴ங், க³ச்ச²ந்தங் க³ந்த⁴மாத³னங்.
Addasaṃ virajaṃ buddhaṃ, gacchantaṃ gandhamādanaṃ.
46.
46.
‘‘ஜஹித்வா க³ருளவண்ணங், மாணவகங் அதா⁴ரயிங்;
‘‘Jahitvā garuḷavaṇṇaṃ, māṇavakaṃ adhārayiṃ;
ஏகங் வத்த²ங் மயா தி³ன்னங், த்³விபதி³ந்த³ஸ்ஸ தாதி³னோ.
Ekaṃ vatthaṃ mayā dinnaṃ, dvipadindassa tādino.
47.
47.
‘‘தஞ்ச து³ஸ்ஸங் படிக்³க³ய்ஹ, பு³த்³தோ⁴ லோகக்³க³னாயகோ;
‘‘Tañca dussaṃ paṭiggayha, buddho lokagganāyako;
அந்தலிக்கே² டி²தோ ஸத்தா², இமா கா³தா² அபா⁴ஸத².
Antalikkhe ṭhito satthā, imā gāthā abhāsatha.
48.
48.
‘‘‘இமினா வத்த²தா³னேன, சித்தஸ்ஸ பணிதீ⁴ஹி ச;
‘‘‘Iminā vatthadānena, cittassa paṇidhīhi ca;
பஹாய க³ருளங் யோனிங், தே³வலோகே ரமிஸ்ஸதி’.
Pahāya garuḷaṃ yoniṃ, devaloke ramissati’.
49.
49.
‘‘அத்த²த³ஸ்ஸீ து ப⁴க³வா, லோகஜெட்டோ² நராஸபோ⁴;
‘‘Atthadassī tu bhagavā, lokajeṭṭho narāsabho;
வத்த²தா³னங் பஸங்ஸித்வா, பக்காமி உத்தராமுகோ².
Vatthadānaṃ pasaṃsitvā, pakkāmi uttarāmukho.
50.
50.
‘‘ப⁴வே நிப்³ப³த்தமானம்ஹி, ஹொந்தி மே வத்த²ஸம்பதா³;
‘‘Bhave nibbattamānamhi, honti me vatthasampadā;
ஆகாஸே ச²த³னங் ஹோதி, வத்த²தா³னஸ்ஸித³ங் ப²லங்.
Ākāse chadanaṃ hoti, vatthadānassidaṃ phalaṃ.
51.
51.
ச²த்திங்ஸதிம்ஹி ஆஸிங்ஸு, கப்பம்ஹி மனுஜாதி⁴பா.
Chattiṃsatimhi āsiṃsu, kappamhi manujādhipā.
52.
52.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா வத்த²தா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā vatthadāyako thero imā gāthāyo abhāsitthāti.
வத்த²தா³யகத்தே²ரஸ்ஸாபதா³னங் ஸத்தமங்.
Vatthadāyakattherassāpadānaṃ sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 7. வத்த²தா³யகத்தே²ரஅபதா³னவண்ணனா • 7. Vatthadāyakattheraapadānavaṇṇanā
