| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. அம்ப³தா³யகத்தே²ரஅபதா³னங்
8. Ambadāyakattheraapadānaṃ
53.
53.
‘‘அனோமத³ஸ்ஸீ ப⁴க³வா, நிஸின்னோ பப்³ப³தந்தரே;
‘‘Anomadassī bhagavā, nisinno pabbatantare;
மெத்தாய அப²ரி லோகே, அப்பமாணே நிரூபதி⁴.
Mettāya aphari loke, appamāṇe nirūpadhi.
54.
54.
‘‘கபி அஹங் ததா³ ஆஸிங், ஹிமவந்தே நகு³த்தமே;
‘‘Kapi ahaṃ tadā āsiṃ, himavante naguttame;
தி³ஸ்வா அனோமத³ஸ்ஸிங் தங் 1, பு³த்³தே⁴ சித்தங் பஸாத³யிங்.
Disvā anomadassiṃ taṃ 2, buddhe cittaṃ pasādayiṃ.
55.
55.
‘‘அவிதூ³ரே ஹிமவந்தஸ்ஸ, அம்பா³ஸுங் ப²லினோ ததா³;
‘‘Avidūre himavantassa, ambāsuṃ phalino tadā;
ததோ பக்கங் க³ஹெத்வான, அம்ப³ங் ஸமது⁴கங் அத³ங்.
Tato pakkaṃ gahetvāna, ambaṃ samadhukaṃ adaṃ.
56.
56.
‘‘தங் மே பு³த்³தோ⁴ வியாகாஸி, அனோமத³ஸ்ஸீ மஹாமுனி;
‘‘Taṃ me buddho viyākāsi, anomadassī mahāmuni;
இமினா மது⁴தா³னேன, அம்ப³தா³னேன சூப⁴யங்.
Iminā madhudānena, ambadānena cūbhayaṃ.
57.
57.
‘‘ஸத்தபஞ்ஞாஸகப்பம்ஹி, தே³வலோகே ரமிஸ்ஸதி;
‘‘Sattapaññāsakappamhi, devaloke ramissati;
அவஸேஸேஸு கப்பேஸு, வோகிண்ணங் ஸங்ஸரிஸ்ஸதி.
Avasesesu kappesu, vokiṇṇaṃ saṃsarissati.
58.
58.
‘‘கே²பெத்வா பாபகங் கம்மங், பரிபக்காய பு³த்³தி⁴யா;
‘‘Khepetvā pāpakaṃ kammaṃ, paripakkāya buddhiyā;
வினிபாதமக³ந்த்வான, கிலேஸே ஜா²பயிஸ்ஸதி.
Vinipātamagantvāna, kilese jhāpayissati.
59.
59.
‘‘த³மேன உத்தமேனாஹங், த³மிதொம்ஹி மஹேஸினா;
‘‘Damena uttamenāhaṃ, damitomhi mahesinā;
பத்தொம்ஹி அசலங் டா²னங், ஹித்வா ஜயபராஜயங்.
Pattomhi acalaṃ ṭhānaṃ, hitvā jayaparājayaṃ.
60.
60.
‘‘ஸத்தஸத்ததிகப்பஸதே, அம்ப³ட்ட²ஜஸனாமகா;
‘‘Sattasattatikappasate, ambaṭṭhajasanāmakā;
சதுத்³த³ஸ தே ராஜானோ, சக்கவத்தீ மஹப்³ப³லா.
Catuddasa te rājāno, cakkavattī mahabbalā.
61.
61.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா அம்ப³தா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā ambadāyako thero imā gāthāyo abhāsitthāti.
அம்ப³தா³யகத்தே²ரஸ்ஸாபதா³னங் அட்ட²மங்.
Ambadāyakattherassāpadānaṃ aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 8. அம்ப³தா³யகத்தே²ரஅபதா³னவண்ணனா • 8. Ambadāyakattheraapadānavaṇṇanā
