| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
30. вад̇д̇анид̣̇д̣̇зсо
30. Vattaniddeso
вад̇д̇анд̇и –
Vattanti –
213.
213.
ааг̇анд̇уго на аараамам̣, бависз саубаахано;
Āgantuko na ārāmaṃ, pavise saupāhano;
сачад̇д̇ог̇ун̣тид̇о сийсз, гарид̇ваа вааби жийварам̣.
Sachattoguṇṭhito sīse, karitvā vāpi cīvaraṃ.
214.
214.
баанийязна на д̇ховзяяа, баад̣̇з вуд̣дхад̇арзби жа;
Pānīyena na dhoveyya, pāde vuḍḍhatarepi ca;
ааваасигзбхиваад̣̇зяяа, бужчзяяа саяанаасанам̣.
Āvāsikebhivādeyya, puccheyya sayanāsanaṃ.
215.
215.
г̇амиго бадисаамзд̇ваа, д̣̇аарумад̇д̇игабхан̣д̣агам̣;
Gamiko paṭisāmetvā, dārumattikabhaṇḍakaṃ;
вихааран̃жа т̇агзд̇ваана, аабужча саяанаасанам̣.
Vihārañca thaketvāna, āpuccha sayanāsanaṃ.
216.
216.
аабужчид̇аб̣б̣з асад̇и, сам̣г̇обзд̇ваана саад̇хугам̣;
Āpucchitabbe asati, saṃgopetvāna sādhukaṃ;
баггамзяяан̃н̃ат̇аа д̇асса, багганд̇ум̣ на жа габбад̇и.
Pakkameyyaññathā tassa, pakkantuṃ na ca kappati.
217.
217.
ааваасиго бан̃н̃аабзяяа, вуд̣дхааг̇анд̇усса аасанам̣;
Āvāsiko paññāpeyya, vuḍḍhāgantussa āsanaṃ;
убанигкибз баад̣̇од̣̇а-ббабхуд̇им̣ бад̇д̇ажийварам̣.
Upanikkhipe pādoda-ppabhutiṃ pattacīvaraṃ.
218.
218.
бажжуг̇г̇анд̇ваана г̇ан̣хзяяа, баанийязна жа бужчаяз;
Paccuggantvāna gaṇheyya, pānīyena ca pucchaye;
ааг̇анд̇угзбхиваад̣̇зяяа, бан̃н̃абз саяанаасанам̣.
Āgantukebhivādeyya, paññape sayanāsanaṃ.
219.
219.
аж̇жхаавуд̇т̇амавуд̇т̇ам̣ ваа, г̇ожарааг̇ожарам̣ вад̣̇з;
Ajjhāvutthamavutthaṃ vā, gocarāgocaraṃ vade;
важжабассааватаанаани, гад̇игам̣ сзгкасаммуд̇им̣.
Vaccapassāvaṭhānāni, katikaṃ sekkhasammutiṃ.
220.
220.
бавзсанигкамз гаалам̣, барибхож̇ияабаанияам̣;
Pavesanikkhame kālaṃ, paribhojiyapāniyaṃ;
нисиннова навагасса, зд̇ам̣ саб̣б̣ам̣ самуд̣̇д̣̇исзд̇и.
Nisinnova navakassa, etaṃ sabbaṃ samuddiseti.
