| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
30. вад̇д̇анид̣̇д̣̇зсаван̣н̣анаа
30. Vattaniddesavaṇṇanā
213. ид̣̇аани ааг̇анд̇угавад̇д̇аад̣̇ийни д̣̇ассзд̇ум̣ ‘‘вад̇д̇а’’нд̇и маад̇игаабад̣̇ам̣ уд̣̇д̇хадам̣. баригкид̇д̇асса (жуул̣ава. 356 аад̣̇аяо; жуул̣ава. адта. 357 аад̣̇аяо) вихаарасса баригкзбам̣, абаригкид̇д̇асса д̣̇вийхи лзд̣д̣убаад̇зхи барижчиннадтаанам̣ бад̇ваа убааханам̣ омун̃жид̇ваа нийжам̣ гад̇ваа бабподзд̇ваа убааханам̣ д̣̇ан̣д̣агзна г̇ахзд̇ваа чад̇д̇ам̣ абанаамзд̇ваа сийсам̣ виварид̇ваа сийсз жийварам̣ канд̇хз гарид̇ваа саад̇хугам̣ ад̇арамаанзна аараамо бависид̇аб̣б̣од̇и ад̇т̇о.
213. Idāni āgantukavattādīni dassetuṃ ‘‘vatta’’nti mātikāpadaṃ uddhaṭaṃ. Parikkhittassa (cūḷava. 356 ādayo; cūḷava. aṭṭha. 357 ādayo) vihārassa parikkhepaṃ, aparikkhittassa dvīhi leḍḍupātehi paricchinnaṭṭhānaṃ patvā upāhanaṃ omuñcitvā nīcaṃ katvā papphoṭetvā upāhanaṃ daṇḍakena gahetvā chattaṃ apanāmetvā sīsaṃ vivaritvā sīse cīvaraṃ khandhe karitvā sādhukaṃ ataramānena ārāmo pavisitabboti attho.
214. бужчзяяа саяанаасананд̇и ‘‘гад̇амам̣ мз сзнаасанам̣ баабун̣аад̇и, гим̣ аж̇жхаавуд̇т̇ам̣ ваа анаж̇жхаавуд̇т̇ам̣ ваа’’д̇и звам̣ бужчид̇аб̣б̣анд̇и ад̇т̇о.
214.Puccheyyasayanāsananti ‘‘katamaṃ me senāsanaṃ pāpuṇāti, kiṃ ajjhāvutthaṃ vā anajjhāvutthaṃ vā’’ti evaṃ pucchitabbanti attho.
215-6. ман̃жабийтаад̣̇ид̣̇аарубхан̣д̣ан̃жа (жуул̣ава. 360; жуул̣ава. адта. 360) раж̇анабхааж̇анаад̣̇имад̇д̇игаабхан̣д̣ан̃жа. аабужчаад̇и бхигкусса ваа сааман̣зрасса ваа аараамигасса ваа ‘‘аавусо имам̣ ж̇аг̇г̇аахий’’д̇и аарожзд̇ваад̇и ад̇т̇о. ан̃н̃ат̇аад̇и звам̣ агад̇ваад̇и ад̇т̇о.
215-6. Mañcapīṭhādidārubhaṇḍañca (cūḷava. 360; cūḷava. aṭṭha. 360) rajanabhājanādimattikābhaṇḍañca. Āpucchāti bhikkhussa vā sāmaṇerassa vā ārāmikassa vā ‘‘āvuso imaṃ jaggāhī’’ti ārocetvāti attho. Aññathāti evaṃ akatvāti attho.
217-8. вуд̣дхааг̇анд̇угассаад̇и зд̇т̇а (жуул̣ава. 358 аад̣̇аяо; жуул̣ава. адта. 359 аад̣̇аяо) д̣̇уурад̇ова д̣̇исваа яад̣̇и ‘‘вуд̣дхо’’д̇и ж̇аанаад̇и, д̇асмим̣ анааг̇ад̇з зва аасанабан̃н̃аабанаад̣̇ивад̇д̇ам̣ гаад̇аб̣б̣анд̇и ад̇т̇о. баад̣̇од̣̇аббабхуд̇инд̇и баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибид̇аб̣б̣анд̇и ад̇т̇о. баанийязна аабужчанд̇зна сажз сагим̣ аанийд̇ам̣ баанийяам̣ саб̣б̣ам̣ бивад̇и, бунаби аабужчид̇аб̣б̣о зва. бан̃н̃абзд̇и ‘‘зд̇ам̣ д̇умхаагам̣ сзнаасанам̣ баабун̣аад̇ий’’д̇и звам̣ аажигкид̇аб̣б̣анд̇и ад̇т̇о.
217-8.Vuḍḍhāgantukassāti ettha (cūḷava. 358 ādayo; cūḷava. aṭṭha. 359 ādayo) dūratova disvā yadi ‘‘vuḍḍho’’ti jānāti, tasmiṃ anāgate eva āsanapaññāpanādivattaṃ kātabbanti attho. Pādodappabhutinti pādodakaṃ pādapīṭhaṃ pādakathalikaṃ upanikkhipitabbanti attho. Pānīyena āpucchantena sace sakiṃ ānītaṃ pānīyaṃ sabbaṃ pivati, punapi āpucchitabbo eva. Paññapeti ‘‘etaṃ tumhākaṃ senāsanaṃ pāpuṇātī’’ti evaṃ ācikkhitabbanti attho.
219-20. ‘‘бхигкаажаараг̇аамо ид̇о д̣̇уурз’’д̇и ваа ‘‘санд̇игз’’д̇и ваа ‘‘гаалассзва бин̣д̣ааяа жарид̇аб̣б̣а’’нд̇и ваа ‘‘убадтаагз жарид̇аб̣б̣а’’нд̇и ваа г̇ожаро аажигкид̇аб̣б̣о. аг̇ожарод̇и мижчаад̣̇идтигаанам̣ ваа г̇аамо, барижчиннабхигкаго ваа г̇аамо, яад̇т̇а згасса ваа д̣̇виннам̣ ваа бхигкаа д̣̇ийяад̇и, со аажигкид̇аб̣б̣од̇и ад̇т̇о. гад̇иганд̇и сан̇гхасса гад̇игадтаанам̣. ‘‘имам̣ гаалам̣ бависид̇аб̣б̣ам̣, имам̣ гаалам̣ нигкамид̇аб̣б̣а’’нд̇и звам̣ бавзсананигкаманагаалам̣ аажигкид̇аб̣б̣ам̣. гзсужи таанзсу амануссаа ваа ваал̣аа ваа хонд̇и, д̇асмаа звам̣ аажигкид̇аб̣б̣амзва. нисинноваад̇и ид̣̇ам̣ аабад̇д̇иабхаавамад̇д̇ад̣̇ийбагам̣, удтахид̇вааби саб̣б̣ам̣ гаад̇ум̣ ваддад̇зва. вад̇д̇авинижчаяо.
219-20. ‘‘Bhikkhācāragāmo ito dūre’’ti vā ‘‘santike’’ti vā ‘‘kālasseva piṇḍāya caritabba’’nti vā ‘‘upaṭṭhāke caritabba’’nti vā gocaro ācikkhitabbo. Agocaroti micchādiṭṭhikānaṃ vā gāmo, paricchinnabhikkhako vā gāmo, yattha ekassa vā dvinnaṃ vā bhikkhā dīyati, so ācikkhitabboti attho. Katikanti saṅghassa katikaṭṭhānaṃ. ‘‘Imaṃ kālaṃ pavisitabbaṃ, imaṃ kālaṃ nikkhamitabba’’nti evaṃ pavesananikkhamanakālaṃ ācikkhitabbaṃ. Kesuci ṭhānesu amanussā vā vāḷā vā honti, tasmā evaṃ ācikkhitabbameva. Nisinnovāti idaṃ āpattiabhāvamattadīpakaṃ, uṭṭhahitvāpi sabbaṃ kātuṃ vaṭṭateva. Vattavinicchayo.
вад̇д̇анид̣̇д̣̇зсаван̣н̣анаа нидтид̇аа.
Vattaniddesavaṇṇanā niṭṭhitā.
