| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
31. вигаббанаанид̣̇д̣̇зсаван̣н̣анаа
31. Vikappanāniddesavaṇṇanā
221. саммукааяаад̇и (баажи. 374; баараа. адта. 2.469; ган̇каа. адта. вигаббанасигкаабад̣̇аван̣н̣анаа) саммукз тид̇ассаад̇и ад̇т̇о. б̣яад̇д̇ассаад̇и вигаббанавид̇хаанам̣ бажжуд̣̇д̇харан̣аад̣̇ивид̇хаанан̃жа ж̇аананд̇асса. аб̣яад̇д̇о бана ‘‘иминаа маяхам̣ д̣̇инна’’нд̇и г̇ахзд̇вааби г̇ажчзяяаад̇и ад̇т̇о. згассаад̇и згасса бхигкусса.
221.Sammukhāyāti (pāci. 374; pārā. aṭṭha. 2.469; kaṅkhā. aṭṭha. vikappanasikkhāpadavaṇṇanā) sammukhe ṭhitassāti attho. Byattassāti vikappanavidhānaṃ paccuddharaṇādividhānañca jānantassa. Abyatto pana ‘‘iminā mayhaṃ dinna’’nti gahetvāpi gaccheyyāti attho. Ekassāti ekassa bhikkhussa.
222. нид̇хзд̇ум̣ваад̇и нид̇хзд̇ум̣ зва, ниссаг̇г̇ияам̣ на ход̇ийд̇и ад̇т̇о. барибхун̃ж̇ид̇ум̣ ваа виссаж̇ж̇зд̇ум̣ ваа ад̇хидтаад̇ум̣ ваа на ваддад̇ийд̇и ад̇т̇о.
222.Nidhetuṃvāti nidhetuṃ eva, nissaggiyaṃ na hotīti attho. Paribhuñjituṃ vā vissajjetuṃ vā adhiṭṭhātuṃ vā na vaṭṭatīti attho.
224-5. абараа саммукаа ваад̇и саммукаа вигаббанаа зваад̇и ад̇т̇о. имаа д̣̇вз вигаббанаа ад̇д̇анаа зва вигаббзд̇ваа барзна бажжуд̣̇д̇хараабид̇ад̇д̇аа саммукаа вигаббанаа зваад̇и вуд̇д̇аа.
224-5.Aparā sammukhā vāti sammukhā vikappanā evāti attho. Imā dve vikappanā attanā eva vikappetvā parena paccuddharāpitattā sammukhā vikappanā evāti vuttā.
227. мид̇д̇од̇и д̣̇ал̣хамид̇д̇о. санд̣̇идтод̇и д̣̇идтамад̇д̇о наад̇ид̣̇ал̣хамид̇д̇о. ‘‘ид̇арзна жа буб̣б̣з вуд̇д̇анаязна ‘д̇иссо бхигкуу’д̇и ваа ‘д̇иссаа бхигкуний’д̇и ваа вад̇д̇аб̣б̣ам̣. буна д̇зна ‘ахам̣ д̇иссасса бхигкуно, д̇иссааяа бхигкунияаа ваа д̣̇аммий’д̇и вигаббзд̇ваа д̇знзва ‘д̇иссасса бхигкуно, д̇иссааяа бхигкунияаа санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’д̇и бажжуд̣̇д̇харид̇аб̣б̣а’’нд̇и звам̣ баато г̇ахзд̇аб̣б̣о.
227.Mittoti daḷhamitto. Sandiṭṭhoti diṭṭhamatto nātidaḷhamitto. ‘‘Itarena ca pubbe vuttanayena ‘tisso bhikkhū’ti vā ‘tissā bhikkhunī’ti vā vattabbaṃ. Puna tena ‘ahaṃ tissassa bhikkhuno, tissāya bhikkhuniyā vā dammī’ti vikappetvā teneva ‘tissassa bhikkhuno, tissāya bhikkhuniyā santakaṃ paribhuñja vā vissajjehi vā yathāpaccayaṃ vā karohī’ti paccuddharitabba’’nti evaṃ pāṭho gahetabbo.
228. д̣̇уурасанд̇игад̇д̇згад̇д̇а-б̣ахубхаавам̣ виж̇аанияаад̇и зд̇т̇а д̣̇уурад̇д̇ан̃жа санд̇игад̇д̇ан̃жа згад̇д̇ан̃жа б̣ахубхааван̃жа виж̇аанид̇ваад̇и ад̇т̇о.
228.Dūrasantikattekatta-bahubhāvaṃ vijāniyāti ettha dūrattañca santikattañca ekattañca bahubhāvañca vijānitvāti attho.
229. ‘‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’’нд̇и (баараа. 462) вуд̇д̇ад̇д̇аа ‘‘д̣̇асаахам̣ ваа’’д̇и вуд̇д̇ам̣. ‘‘жийварагааласамаяо наама анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жа маасаа’’д̇и (баараа. 649) вуд̇д̇ад̇д̇аа ‘‘маасамзгам̣ ваа бан̃жа ваа’’д̇и вуд̇д̇ам̣, маасам̣ ваа згам̣ бан̃жа ваа маасзд̇и ад̇т̇о. ‘‘бхигкуно банзва агаалажийварам̣ уббаж̇ж̇зяяа, ааган̇камаанзна бхигкунаа бадиг̇г̇ахзд̇аб̣б̣ам̣. бадиг̇г̇ахзд̇ваа киббамзва гаарзд̇аб̣б̣ам̣. но жасса баарибуури, маасабарамам̣ д̇зна бхигкунаа д̇ам̣ жийварам̣ нигкибид̇аб̣б̣ам̣ уунасса баарибуурияаа сад̇ияаа бажжаасааяаа’’д̇и (баараа. 499) вуд̇д̇ад̇д̇аа ‘‘бажжаасаа сад̇и маасага’’нд̇и вуд̇д̇ам̣. нуббаад̣̇аяад̇ийд̇и анад̇хидтид̇ам̣ авигаббид̇ам̣ ниссаг̇г̇им̣ на ж̇анаяад̇ийд̇и ад̇т̇о. вигаббанаавинижчаяо.
229. ‘‘Dasāhaparamaṃ atirekacīvaraṃ dhāretabba’’nti (pārā. 462) vuttattā ‘‘dasāhaṃ vā’’ti vuttaṃ. ‘‘Cīvarakālasamayo nāma anatthate kathine vassānassa pacchimo māso, atthate kathine pañca māsā’’ti (pārā. 649) vuttattā ‘‘māsamekaṃ vā pañca vā’’ti vuttaṃ, māsaṃ vā ekaṃ pañca vā māseti attho. ‘‘Bhikkhuno paneva akālacīvaraṃ uppajjeyya, ākaṅkhamānena bhikkhunā paṭiggahetabbaṃ. Paṭiggahetvā khippameva kāretabbaṃ. No cassa pāripūri, māsaparamaṃ tena bhikkhunā taṃ cīvaraṃ nikkhipitabbaṃ ūnassa pāripūriyā satiyā paccāsāyā’’ti (pārā. 499) vuttattā ‘‘paccāsā sati māsaka’’nti vuttaṃ. Nuppādayatīti anadhiṭṭhitaṃ avikappitaṃ nissaggiṃ na janayatīti attho. Vikappanāvinicchayo.
вигаббанаанид̣̇д̣̇зсаван̣н̣анаа нидтид̇аа.
Vikappanāniddesavaṇṇanā niṭṭhitā.
