| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
32. ниссаяанид̣̇д̣̇зсаван̣н̣анаа
32. Nissayaniddesavaṇṇanā
230. б̣яад̇д̇ассаад̇и зд̇т̇а гид̇д̇аавад̇аа б̣яад̇д̇о ход̇ийд̇и жз? ниссаяамужжанагзна бана саб̣б̣анд̇имзна д̇хаммабарижчзд̣̇зна ад̇т̇ад̇о жа б̣яан̃ж̇анад̇о жа д̣̇вз маад̇игаа баг̇ун̣аа ваажуг̇г̇ад̇аа гаад̇аб̣б̣аа, багкад̣̇ивасзсу д̇хаммассааванад̇т̇ааяа суд̇д̇анд̇ад̇о жад̇д̇ааро бхаан̣аваараа, самбад̇д̇аанам̣ барисаанам̣ баригат̇анад̇т̇ааяа анд̇хагавинд̣̇амахаараахуловаад̣̇ад̇хаммагканд̇хасад̣̇исо зго гат̇аамаг̇г̇о, сан̇гхабхад̇д̇аман̇г̇алааман̇г̇алзсу анумод̣̇анад̇т̇ааяа д̇иссо анумод̣̇анаа, убосат̇аббавааран̣аад̣̇ивиж̇аананад̇т̇ам̣ гаммаагаммавинижчаяо , саман̣ад̇хаммагаран̣ад̇т̇ам̣ самаад̇хивасзна ваа вибассанаавасзна ваа арахад̇д̇абарияосаанам̣ згам̣ гаммадтаанам̣ зд̇д̇агам̣ уг̇г̇ахзд̇аб̣б̣ам̣. зд̇д̇аавад̇аа б̣яад̇д̇о наама ход̇и жаад̇уд̣̇исо, ид̇арат̇аа аб̣яад̇д̇о.
230.Byattassāti ettha kittāvatā byatto hotīti ce? Nissayamuccanakena pana sabbantimena dhammaparicchedena atthato ca byañjanato ca dve mātikā paguṇā vācuggatā kātabbā, pakkhadivasesu dhammassāvanatthāya suttantato cattāro bhāṇavārā, sampattānaṃ parisānaṃ parikathanatthāya andhakavindamahārāhulovādadhammakkhandhasadiso eko kathāmaggo, saṅghabhattamaṅgalāmaṅgalesu anumodanatthāya tisso anumodanā, uposathappavāraṇādivijānanatthaṃ kammākammavinicchayo , samaṇadhammakaraṇatthaṃ samādhivasena vā vipassanāvasena vā arahattapariyosānaṃ ekaṃ kammaṭṭhānaṃ ettakaṃ uggahetabbaṃ. Ettāvatā byatto nāma hoti cātudiso, itarathā abyatto.
231. ид̣̇аани ниссаяаг̇г̇ахан̣аагаарам̣ д̣̇ассзд̇ум̣ ‘‘згам̣са’’нд̇иаад̣̇и вуд̇д̇ам̣. зд̇т̇а (махаава. 103) ааяасмад̇од̇и ааяасманд̇ам̣.
231. Idāni nissayaggahaṇākāraṃ dassetuṃ ‘‘ekaṃsa’’ntiādi vuttaṃ. Ettha (mahāva. 103) āyasmatoti āyasmantaṃ.
232. ид̣̇аани бадиббассад̣̇д̇хивид̇хаанам̣ д̣̇ассзд̇ум̣ ‘‘багганд̇з’’д̇иаад̣̇и вуд̇д̇ам̣, ‘‘бан̃жимаа, бхигкавз, ниссаяаббадиббассад̣̇д̇хияо убаж̇жхааяамхаа. убаж̇жхааяо багганд̇о ваа ход̇и виб̣бханд̇о ваа гаалагад̇о ваа багкасан̇ганд̇о ваа аан̣ад̇д̇иязва бан̃жамий’’д̇и (махаава. 83), ‘‘чаяимаа, бхигкавз, ниссаяаббадиббассад̣̇д̇хияо аажарияамхаа. аажарияо багганд̇о ваа ход̇и виб̣бханд̇о ваа гаалагад̇о ваа багкасан̇ганд̇о ваа аан̣ад̇д̇иязва бан̃жамий, убаж̇жхааязна ваа самод̇хаанаг̇ад̇о ход̇ий’’д̇и ид̣̇ам̣ бана убхаяам̣ ид̇ха д̣̇ассид̇ам̣. сажз аажарияубаж̇жхааяаа сааманд̇авихаарзсуби абаригкид̇д̇зсу лзд̣д̣убаад̇ад̣̇ваяаб̣бханд̇арз васанд̇и, ниссаяо на бадиббассамбхад̇и. баригкид̇д̇зсуби на бадиббассамбхад̇ийд̇и згз. аажарияаа бана на ижчанд̇и. гасмаад̇и жз? ниссаяаг̇г̇ахан̣аббадиббассад̣̇д̇хийнам̣ убажаарасиймааяа барижчиннад̇д̇аа. лзд̣д̣убаад̇зна убажаарасиймаабарижчзд̣̇о бана абаригкид̇д̇зсу зва лаб̣бхад̇и, на баригкид̇д̇зсу. д̇асмаа аажарияаанам̣ винижчаязва таад̇аб̣б̣ам̣.
232. Idāni paṭippassaddhividhānaṃ dassetuṃ ‘‘pakkante’’tiādi vuttaṃ, ‘‘pañcimā, bhikkhave, nissayappaṭippassaddhiyo upajjhāyamhā. Upajjhāyo pakkanto vā hoti vibbhanto vā kālakato vā pakkhasaṅkanto vā āṇattiyeva pañcamī’’ti (mahāva. 83), ‘‘chayimā, bhikkhave, nissayappaṭippassaddhiyo ācariyamhā. Ācariyo pakkanto vā hoti vibbhanto vā kālakato vā pakkhasaṅkanto vā āṇattiyeva pañcamī, upajjhāyena vā samodhānagato hotī’’ti idaṃ pana ubhayaṃ idha dassitaṃ. Sace ācariyupajjhāyā sāmantavihāresupi aparikkhittesu leḍḍupātadvayabbhantare vasanti, nissayo na paṭippassambhati. Parikkhittesupi na paṭippassambhatīti eke. Ācariyā pana na icchanti. Kasmāti ce? Nissayaggahaṇappaṭippassaddhīnaṃ upacārasīmāya paricchinnattā. Leḍḍupātena upacārasīmāparicchedo pana aparikkhittesu eva labbhati, na parikkhittesu. Tasmā ācariyānaṃ vinicchayeva ṭhātabbaṃ.
багганд̇зд̇и зд̇т̇а (махаава. адта. 83) сажз аажарияо анд̇зваасигам̣ анааманд̇зд̇ваава убажаарасиймам̣ ад̇иггамад̇и, ниссаяо бадиббассамбхад̇и. сажз убажаарасиймам̣ анад̇иггамид̇ваава нивад̇д̇ад̇и, на бадиббассамбхад̇и. аажарияам̣ анааманд̇зд̇ваа анд̇зваасигасса г̇аманзби зсзва наяо. сажз аажарияо гад̇т̇ажи г̇анд̇угаамо анд̇зваасигам̣ аабужчад̇и, анд̇зваасигоби ‘‘саад̇ху саад̇хуу’’д̇и самбадижчад̇и, д̇ан̇кан̣з зва бадиббассамбхад̇и. звам̣ аажарияам̣ аабужчид̇ваа анд̇зваасигасса г̇аманзби. д̣̇вийсуби анд̇овихаарзязва тид̇зсу аажарияо ваа анд̇зваасигам̣, анд̇зваасиго ваа аажарияам̣ анаабужчид̇ваава сажз д̣̇вз лзд̣д̣убаад̇з ад̇иггамад̇и, бадиббассамбхад̇и. багкасан̇ганд̇з ваа виб̣бханд̇з ваа гаалагад̇з ваа д̇ан̇кан̣зязва бадиббассамбхад̇и . аан̣ад̇д̇и наама ниссаяаббан̣ааманаа. д̣̇ассанасаванавасзна д̣̇увид̇хам̣ самод̇хаанам̣.
Pakkanteti ettha (mahāva. aṭṭha. 83) sace ācariyo antevāsikaṃ anāmantetvāva upacārasīmaṃ atikkamati, nissayo paṭippassambhati. Sace upacārasīmaṃ anatikkamitvāva nivattati, na paṭippassambhati. Ācariyaṃ anāmantetvā antevāsikassa gamanepi eseva nayo. Sace ācariyo katthaci gantukāmo antevāsikaṃ āpucchati, antevāsikopi ‘‘sādhu sādhū’’ti sampaṭicchati, taṅkhaṇe eva paṭippassambhati. Evaṃ ācariyaṃ āpucchitvā antevāsikassa gamanepi. Dvīsupi antovihāreyeva ṭhitesu ācariyo vā antevāsikaṃ, antevāsiko vā ācariyaṃ anāpucchitvāva sace dve leḍḍupāte atikkamati, paṭippassambhati. Pakkhasaṅkante vā vibbhante vā kālakate vā taṅkhaṇeyeva paṭippassambhati . Āṇatti nāma nissayappaṇāmanā. Dassanasavanavasena duvidhaṃ samodhānaṃ.
233. алаж̇ж̇инд̇и зд̇т̇а –
233.Alajjinti ettha –
‘‘сан̃жижжа аабад̇д̇им̣ аабаж̇ж̇ад̇и;
‘‘Sañcicca āpattiṃ āpajjati;
аабад̇д̇им̣ бариг̇уухад̇и;
Āpattiṃ parigūhati;
аг̇ад̇иг̇аманан̃жа г̇ажчад̇и;
Agatigamanañca gacchati;
зд̣̇исо вужжад̇и алаж̇ж̇ибуг̇г̇ало’’д̇и. (бари. 359) –
Ediso vuccati alajjipuggalo’’ti. (pari. 359) –
звам̣ вуд̇д̇ам̣. ‘‘на бхигкавз алаж̇ж̇инам̣ ниссааяа вад̇т̇аб̣б̣ам̣. яо васзяяа, аабад̇д̇и д̣̇уггадассаа’’д̇и (махаава. 120) хи вуд̇д̇ам̣.
Evaṃ vuttaṃ. ‘‘Na bhikkhave alajjinaṃ nissāya vatthabbaṃ. Yo vaseyya, āpatti dukkaṭassā’’ti (mahāva. 120) hi vuttaṃ.
234. ‘‘ануж̇аанаами, бхигкавз, ад̣̇д̇хаанамаг̇г̇аббадибаннзна бхигкунаа ниссаяам̣ алабхамаанзна аниссид̇зна вад̇т̇у’’нд̇и (махаава. 121) вуд̇д̇ад̇д̇аа ‘‘ад̣̇д̇хигассаа’’д̇и вуд̇д̇ам̣. г̇илаанубадтаагасса жа яаажид̇ассаад̇и самб̣анд̇хо. ‘‘ануж̇аанаами, бхигкавз, г̇илаанубадтаагзна бхигкунаа ниссаяам̣ алабхамаанзна яаажияамаанзна аниссид̇зна вад̇т̇у’’нд̇и (махаава. 121) хи вуд̇д̇ам̣. саллагкзнд̇зна паасуганд̇и паасувихаарам̣ саллагкзнд̇зна. ид̣̇ам̣ бана барихаарам̣ (махаава. адта. 121) сод̇аабаннаад̣̇иарияасааваго ваа т̇аамаг̇ад̇асамат̇авибассанаалаабхий ваа б̣аалабут̇уж̇ж̇ано ваа на лабхад̇и. яасса ко бана самат̇авибассанаа д̇арун̣аа ход̇и, на т̇аамаг̇ад̇аа, аяам̣ лабхад̇и. асанд̇з ниссаяад̣̇ааяагз ‘‘яад̣̇аа бадируубо ниссаяад̣̇ааяаго ааг̇ажчиссад̇и, д̇ад̣̇аа д̇асса ниссааяа васиссаамий’’д̇и аабхог̇ам̣ гад̇ваа яаава аасаал̣хийбун̣н̣амаа, д̇аава васид̇ум̣ лабхад̇и. сажз бана аасаал̣хиймаасз ниссаяад̣̇ааяагам̣ на лабхад̇и, яад̇т̇а ад̇т̇и, д̇ад̇т̇а г̇анд̇аб̣б̣ам̣. анд̇овассз бана аниссид̇зна вад̇т̇ум̣ на ваддад̇и. сабхааг̇з д̣̇ааяагз асанд̇з васид̇ум̣ лаб̣бхад̇ийд̇и саб̣б̣абад̣̇зсу яож̇анаа гаад̇аб̣б̣аа. ниссаяавинижчаяо.
234. ‘‘Anujānāmi, bhikkhave, addhānamaggappaṭipannena bhikkhunā nissayaṃ alabhamānena anissitena vatthu’’nti (mahāva. 121) vuttattā ‘‘addhikassā’’ti vuttaṃ. Gilānupaṭṭhākassa ca yācitassāti sambandho. ‘‘Anujānāmi, bhikkhave, gilānupaṭṭhākena bhikkhunā nissayaṃ alabhamānena yāciyamānena anissitena vatthu’’nti (mahāva. 121) hi vuttaṃ. Sallakkhentena phāsukanti phāsuvihāraṃ sallakkhentena. Idaṃ pana parihāraṃ (mahāva. aṭṭha. 121) sotāpannādiariyasāvako vā thāmagatasamathavipassanālābhī vā bālaputhujjano vā na labhati. Yassa kho pana samathavipassanā taruṇā hoti, na thāmagatā, ayaṃ labhati. Asante nissayadāyake ‘‘yadā paṭirūpo nissayadāyako āgacchissati, tadā tassa nissāya vasissāmī’’ti ābhogaṃ katvā yāva āsāḷhīpuṇṇamā, tāva vasituṃ labhati. Sace pana āsāḷhīmāse nissayadāyakaṃ na labhati, yattha atthi, tattha gantabbaṃ. Antovasse pana anissitena vatthuṃ na vaṭṭati. Sabhāge dāyake asante vasituṃ labbhatīti sabbapadesu yojanā kātabbā. Nissayavinicchayo.
ниссаяанид̣̇д̣̇зсаван̣н̣анаа нидтид̇аа.
Nissayaniddesavaṇṇanā niṭṭhitā.
