| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
33. гааяаб̣анд̇хананид̣̇д̣̇зсаван̣н̣анаа
33. Kāyabandhananiddesavaṇṇanā
235. агааяаб̣анд̇ханод̇и гааяаб̣анд̇ханам̣ аб̣анд̇хид̇ваад̇и ад̇т̇о. д̇ад̇о бадтааяа жийварам̣ баарубид̇аб̣б̣ам̣, д̇ад̇о бадтааяа зва гааяаб̣анд̇ханам̣ б̣анд̇хид̇аб̣б̣ам̣. ‘‘на бхигкавз агааяаб̣анд̇ханзна г̇аамо бависид̇аб̣б̣о. яо бависзяяа, аабад̇д̇и д̣̇уггадассаа’’д̇и (жуул̣ава. 278) хи вуд̇д̇ам̣. д̇ад̇т̇зваасад̇ияаа г̇ад̇од̇и асад̇ияаа г̇ад̇о яад̇т̇а сарад̇и, д̇ад̇т̇зва б̣анд̇хид̇аб̣б̣ам̣. сарид̇ваа бана яаава на б̣анд̇хад̇и, д̇аава бин̣д̣ааяа жарид̇ум̣ на ваддад̇и. яад̣̇и анд̇ог̇аамз сарад̇и, гааяаб̣анд̇ханз сад̇и згаманд̇з тад̇ваа б̣анд̇хид̇аб̣б̣ам̣, асад̇и жз нигкамид̇ваа б̣анд̇хид̇ваа буна бин̣д̣ааяа бависид̇аб̣б̣анд̇и вад̣̇анд̇и.
235.Akāyabandhanoti kāyabandhanaṃ abandhitvāti attho. Tato paṭṭhāya cīvaraṃ pārupitabbaṃ, tato paṭṭhāya eva kāyabandhanaṃ bandhitabbaṃ. ‘‘Na bhikkhave akāyabandhanena gāmo pavisitabbo. Yo paviseyya, āpatti dukkaṭassā’’ti (cūḷava. 278) hi vuttaṃ. Tatthevāsatiyā gatoti asatiyā gato yattha sarati, tattheva bandhitabbaṃ. Saritvā pana yāva na bandhati, tāva piṇḍāya carituṃ na vaṭṭati. Yadi antogāme sarati, kāyabandhane sati ekamante ṭhatvā bandhitabbaṃ, asati ce nikkhamitvā bandhitvā puna piṇḍāya pavisitabbanti vadanti.
236. ‘‘ануж̇аанаами, бхигкавз, д̣̇вз гааяаб̣анд̇ханаани баддигам̣ суугаранд̇ага’’нд̇и (жуул̣ава. 278) вуд̇д̇ад̇д̇аа ‘‘д̣̇увид̇ха’’нд̇и вуд̇д̇ам̣. д̇ад̇т̇а суугаранд̇ам̣ наама гун̃жигаагосагаа вияа анд̇з сусирам̣ гад̇ваа годдид̇ам̣. раж̇ж̇у жа згаад̇и згаваддаа раж̇ж̇у жа. д̇ад̣̇ануломигаад̇и д̇зсам̣ д̣̇виннам̣ ануломигаа.
236. ‘‘Anujānāmi, bhikkhave, dve kāyabandhanāni paṭṭikaṃ sūkarantaka’’nti (cūḷava. 278) vuttattā ‘‘duvidha’’nti vuttaṃ. Tattha sūkarantaṃ nāma kuñcikākosakā viya ante susiraṃ katvā koṭṭitaṃ. Rajju ca ekāti ekavaṭṭā rajju ca. Tadanulomikāti tesaṃ dvinnaṃ anulomikā.
237. мажчаган̣д̣агакаж̇ж̇урий-бад̇д̇аа мадтаа жа баддигаад̇и зд̇т̇а (жуул̣ава. адта. 278) зд̇з мажчаган̣дагаад̣̇аяо мадтаа вигаарарахид̇аа баддигаа жа д̇ад̣̇анд̇ог̇ад̇хаад̇и ад̇хиббааяо. лаб̣бхаа д̣̇асаа жад̇ассод̇и згааяа ваа д̣̇вийсу ваа д̇ийсу ваа гат̇аа зва над̇т̇ийд̇и ад̇хиббааяо, д̇ад̇о барам̣ на ваддад̇и. анд̇зсууд̇и убхосу анд̇зсу. г̇ун̣асуд̇д̇аганд̇и д̣̇иг̇ун̣асуд̇д̇агам̣.
237.Macchakaṇḍakakhajjurī-pattā maṭṭhā ca paṭṭikāti ettha (cūḷava. aṭṭha. 278) ete macchakaṇṭakādayo maṭṭhā vikārarahitā paṭṭikā ca tadantogadhāti adhippāyo. Labbhā dasā catassoti ekāya vā dvīsu vā tīsu vā kathā eva natthīti adhippāyo, tato paraṃ na vaṭṭati. Antesūti ubhosu antesu. Guṇasuttakanti diguṇasuttakaṃ.
239. магарамукаад̣̇инд̇и аад̣̇и-сад̣̇д̣̇зна д̣̇зд̣д̣убхасийсам̣ г̇ахид̇ам̣. убханд̇зд̇и убхосу анд̇зсу. гассаад̇и? вид̇хасса. гхадагаад̇и гхадагад̇о. лзкаад̇и лзкааяа. гхадагад̇о жа лзкааяа жа ан̃н̃ам̣ жид̇д̇агам̣ на габбад̇ийд̇и ад̇т̇о.
239.Makaramukhādinti ādi-saddena deḍḍubhasīsaṃ gahitaṃ. Ubhanteti ubhosu antesu. Kassāti? Vidhassa. Ghaṭakāti ghaṭakato. Lekhāti lekhāya. Ghaṭakato ca lekhāya ca aññaṃ cittakaṃ na kappatīti attho.
240. д̣̇зд̣д̣убхаганд̇и (жуул̣ава. 278; жуул̣ава. адта. 278) уд̣̇агасаббасирасад̣̇исам̣. мураж̇анд̇и б̣ахураж̇ж̇угз згад̇о сан̇гад̣дхид̇ваа згааяа раж̇ж̇уяаа баливзтзд̇ваа гад̇араж̇ж̇у. мад̣̇д̣̇авийн̣анд̇и бааман̇г̇асад̣̇исам̣. галааб̣уганд̇и анзгаваддам̣. зд̇аани бана саб̣б̣аани на габбанд̇и. д̣̇асаасу д̣̇вз маж̇жхимаад̇и мураж̇ам̣ мад̣̇д̣̇авийн̣анд̇и д̣̇вз маж̇жхимаа зва. габбарзд̇и габбанд̇ийд̇и ад̇т̇о.
240.Deḍḍubhakanti (cūḷava. 278; cūḷava. aṭṭha. 278) udakasappasirasadisaṃ. Murajanti bahurajjuke ekato saṅkaḍḍhitvā ekāya rajjuyā paliveṭhetvā katarajju. Maddavīṇanti pāmaṅgasadisaṃ. Kalābukanti anekavaṭṭaṃ. Etāni pana sabbāni na kappanti. Dasāsu dve majjhimāti murajaṃ maddavīṇanti dve majjhimā eva. Kappareti kappantīti attho.
241. г̇ан̣тияо жаабийд̇и (жуул̣ава. 279) жийвараг̇ан̣тияоби. взл̣уаад̣̇имаяаа габбанд̇ийд̇и басан̇г̇зна вуд̇д̇ам̣. гааяаб̣анд̇ханавинижчаяо.
241.Gaṇṭhiyocāpīti (cūḷava. 279) cīvaragaṇṭhiyopi. Veḷuādimayā kappantīti pasaṅgena vuttaṃ. Kāyabandhanavinicchayo.
гааяаб̣анд̇хананид̣̇д̣̇зсаван̣н̣анаа нидтид̇аа.
Kāyabandhananiddesavaṇṇanā niṭṭhitā.
батамабхаан̣аваарам̣.
Paṭhamabhāṇavāraṃ.
