| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
вад̇д̇агканд̇хагагат̇аа
Vattakkhandhakakathā
2914.
2914.
ааг̇анд̇угааваасигабин̣д̣ажаарий-;
Āgantukāvāsikapiṇḍacārī-;
сзнаасанааран̃н̃анумод̣̇анаасу ;
Senāsanāraññanumodanāsu ;
вад̇д̇аани бхад̇д̇з г̇амигасса ж̇анд̇аа-;
Vattāni bhatte gamikassa jantā-;
гхарз д̇ат̇аа важжагудиббавзсз.
Ghare tathā vaccakuṭippavese.
2915.
2915.
аажарияубаж̇жхааяагасиссасад̣̇д̇хи- ;
Ācariyupajjhāyakasissasaddhi- ;
вихааривад̇д̇ааниби саб̣б̣асова;
Vihārivattānipi sabbasova;
вад̇д̇аани вуд̇д̇аани жад̇уд̣̇д̣̇асзва;
Vattāni vuttāni catuddaseva;
висуд̣̇д̇хажид̇д̇зна винааяагзна.
Visuddhacittena vināyakena.
2916.
2916.
ааг̇анд̇угзна аараамам̣, бависанд̇зна бхигкунаа;
Āgantukena ārāmaṃ, pavisantena bhikkhunā;
чад̇д̇ам̣ банаабанзд̇аб̣б̣ам̣, мун̃жид̇аб̣б̣аа убааханаа.
Chattaṃ panāpanetabbaṃ, muñcitabbā upāhanā.
2917.
2917.
ог̇ун̣танам̣ на гаад̇аб̣б̣ам̣, сийсз жийварамзва ваа;
Oguṇṭhanaṃ na kātabbaṃ, sīse cīvarameva vā;
на хи д̇зна жа д̇ход̇аб̣б̣аа, баад̣̇аа баанийяавааринаа.
Na hi tena ca dhotabbā, pādā pānīyavārinā.
2918.
2918.
ванд̣̇ид̇аб̣б̣аава бужчид̇ваа, вихаарз вуд̣дхабхигкуно;
Vanditabbāva pucchitvā, vihāre vuḍḍhabhikkhuno;
гаалз сзнаасанам̣ д̇зна, бужчид̇аб̣б̣ан̃жа бхигкунаа.
Kāle senāsanaṃ tena, pucchitabbañca bhikkhunā.
2919.
2919.
важжадтаанан̃жа бассаава-дтаанам̣ баанийяамзва жа;
Vaccaṭṭhānañca passāva-ṭṭhānaṃ pānīyameva ca;
барибхож̇анийяам̣ сан̇гха-гад̇игам̣ г̇ожараад̣̇игам̣.
Paribhojanīyaṃ saṅgha-katikaṃ gocarādikaṃ.
2920.
2920.
вуд̣дхамааг̇анд̇угам̣ д̣̇исваа, бхигкунааваасигзнаби;
Vuḍḍhamāgantukaṃ disvā, bhikkhunāvāsikenapi;
бад̇д̇ам̣ бадиг̇г̇ахзд̇аб̣б̣ам̣, бажжуг̇г̇анд̇ваана жийварам̣.
Pattaṃ paṭiggahetabbaṃ, paccuggantvāna cīvaraṃ.
2921.
2921.
аасанам̣ бан̃н̃абзд̇аб̣б̣ам̣, д̇асса баад̣̇од̣̇агамби жа;
Āsanaṃ paññapetabbaṃ, tassa pādodakampi ca;
убанигкибид̇аб̣б̣ан̃жа, бужчид̇аб̣б̣ан̃жа вааринаа.
Upanikkhipitabbañca, pucchitabbañca vārinā.
2922.
2922.
ванд̣̇зяяо бан̃н̃абзд̇аб̣б̣ам̣, д̇асса сзнаасанамби жа;
Vandeyyo paññapetabbaṃ, tassa senāsanampi ca;
аж̇жхаавуд̇т̇амавуд̇т̇ам̣ ваа, г̇ожарааг̇ожарамби жа.
Ajjhāvutthamavutthaṃ vā, gocarāgocarampi ca.
2923.
2923.
важжадтаанан̃жа бассаава-дтаанам̣ сзгкагулаани жа;
Vaccaṭṭhānañca passāva-ṭṭhānaṃ sekkhakulāni ca;
бавзсз нигкамз гаало, вад̇д̇аб̣б̣о баанияаад̣̇игам̣.
Pavese nikkhame kālo, vattabbo pāniyādikaṃ.
2924.
2924.
сажз со наваго ход̇и;
Sace so navako hoti;
ааг̇ад̇ааг̇анд̇уго яат̇аа;
Āgatāgantuko yathā;
нисиннзнзва д̇знасса;
Nisinneneva tenassa;
саб̣б̣амааваасибхигкунаа.
Sabbamāvāsibhikkhunā.
2925.
2925.
‘‘ад̇ра бад̇д̇ам̣ табзхийд̇и, нисийд̣̇аахийд̣̇амаасанам̣’’;
‘‘Atra pattaṃ ṭhapehīti, nisīdāhīdamāsanaṃ’’;
ижжзвам̣ бана вад̇д̇аб̣б̣ам̣, д̣̇зяяам̣ сзнаасанамби жа.
Iccevaṃ pana vattabbaṃ, deyyaṃ senāsanampi ca.
2926.
2926.
д̣̇аарумад̇д̇игабхан̣д̣аани, г̇анд̇угаамзна бхигкунаа;
Dārumattikabhaṇḍāni, gantukāmena bhikkhunā;
г̇анд̇аб̣б̣ам̣ бадисаамзд̇ваа, т̇агзд̇ваавасат̇амби жа.
Gantabbaṃ paṭisāmetvā, thaketvāvasathampi ca.
2927.
2927.
аабужчид̇вааби г̇анд̇аб̣б̣ам̣, бхигкунаа саяанаасанам̣;
Āpucchitvāpi gantabbaṃ, bhikkhunā sayanāsanaṃ;
бужчид̇аб̣б̣з асанд̇зби, г̇обзд̇ваа вааби саад̇хугам̣.
Pucchitabbe asantepi, gopetvā vāpi sādhukaṃ.
2928.
2928.
сахасаа бависз нааби, сахасаа на жа нигкамз;
Sahasā pavise nāpi, sahasā na ca nikkhame;
наад̇ид̣̇уурз нажжаасаннз, таад̇аб̣б̣ам̣ бин̣д̣ажааринаа.
Nātidūre naccāsanne, ṭhātabbaṃ piṇḍacārinā.
2929.
2929.
ваамахад̇т̇зна сан̇гхаадим̣, ужжаарзд̇ваат̇а бхааж̇анам̣;
Vāmahatthena saṅghāṭiṃ, uccāretvātha bhājanaṃ;
д̣̇агкин̣зна бан̣аамзд̇ваа, бхигкам̣ г̇ан̣хзяяа бан̣д̣ид̇о.
Dakkhiṇena paṇāmetvā, bhikkhaṃ gaṇheyya paṇḍito.
2930.
2930.
суубам̣ ваа д̣̇аад̇угаамаад̇и, саллагкзяяа мухуд̇д̇агам̣;
Sūpaṃ vā dātukāmāti, sallakkheyya muhuttakaṃ;
ологзяяанд̇араа бхигку, на бхигкаад̣̇ааяигаамукам̣.
Olokeyyantarā bhikkhu, na bhikkhādāyikāmukhaṃ.
2931.
2931.
баанийяаад̣̇и банаанзяяам̣, бхигкунааран̃н̃агзнаби;
Pānīyādi panāneyyaṃ, bhikkhunāraññakenapi;
нагкад̇д̇ам̣ д̇зна яог̇о жа, ж̇аанид̇аб̣б̣аа д̣̇исааби жа.
Nakkhattaṃ tena yogo ca, jānitabbā disāpi ca.
2932.
2932.
важжабассаавад̇ид̇т̇аани, бхаванд̇и бадибаадияаа;
Vaccapassāvatitthāni, bhavanti paṭipāṭiyā;
гаронд̇асса яат̇аавуд̣дхам̣, ход̇и аабад̇д̇и д̣̇уггадам̣.
Karontassa yathāvuḍḍhaṃ, hoti āpatti dukkaṭaṃ.
2933.
2933.
сахасаа уб̣бхаж̇ид̇ваа ваа, на жа важжагудим̣ висз;
Sahasā ubbhajitvā vā, na ca vaccakuṭiṃ vise;
уггаасид̇ваа б̣ахи тад̇ваа, бависз сан̣игам̣ бана.
Ukkāsitvā bahi ṭhatvā, pavise saṇikaṃ pana.
2934.
2934.
важжам̣ на нид̇т̇унанд̇зна, гаад̇аб̣б̣ам̣ бана бхигкунаа;
Vaccaṃ na nitthunantena, kātabbaṃ pana bhikkhunā;
каад̣̇ад̇о д̣̇анд̇агадтам̣ ваа, гарод̇о ход̇и д̣̇уггадам̣.
Khādato dantakaṭṭhaṃ vā, karoto hoti dukkaṭaṃ.
2935.
2935.
важжам̣ бана на гаад̇аб̣б̣ам̣, б̣ахид̣̇д̇хаа важжад̣̇он̣ияаа;
Vaccaṃ pana na kātabbaṃ, bahiddhā vaccadoṇiyā;
бассаавоби на гаад̇аб̣б̣о, б̣ахи бассаавад̣̇он̣ияаа.
Passāvopi na kātabbo, bahi passāvadoṇiyā.
2936.
2936.
карзна наавалзкзяяа, на гадтам̣ важжагуубагз;
Kharena nāvalekheyya, na kaṭṭhaṃ vaccakūpake;
чад̣д̣зяяа на жа баад̇зяяа, кзл̣ам̣ бассаавад̣̇он̣ияаа.
Chaḍḍeyya na ca pāteyya, kheḷaṃ passāvadoṇiyā.
2937.
2937.
баад̣̇угаасу тид̇оязва, уб̣бхаж̇зяяа вижагкан̣о;
Pādukāsu ṭhitoyeva, ubbhajeyya vicakkhaṇo;
бадижчаад̣̇зяяа д̇ад̇т̇зва, тад̇ваа нигкаманз бана.
Paṭicchādeyya tattheva, ṭhatvā nikkhamane pana.
2938.
2938.
наажамзяяа сажз важжам̣, гад̇ваа яо салилз сад̇и;
Nācameyya sace vaccaṃ, katvā yo salile sati;
д̇асса д̣̇уггадамуд̣̇д̣̇идтам̣, мунинаа моханаасинаа.
Tassa dukkaṭamuddiṭṭhaṃ, muninā mohanāsinā.
2939.
2939.
сасад̣̇д̣̇ам̣ наажамзд̇аб̣б̣ам̣, гад̇ваа жабу жабууд̇и жа;
Sasaddaṃ nācametabbaṃ, katvā capu capūti ca;
аажамид̇ваа сараавзби, сзсзд̇аб̣б̣ам̣ на д̇ууд̣̇агам̣.
Ācamitvā sarāvepi, sesetabbaṃ na tūdakaṃ.
2940.
2940.
уухад̇амби ад̇ховид̇ваа, нигкаманд̇асса д̣̇уггадам̣;
Ūhatampi adhovitvā, nikkhamantassa dukkaṭaṃ;
углаабааби сажз хонд̇и, сод̇хзд̇аб̣б̣ам̣ асзсад̇о.
Uklāpāpi sace honti, sodhetabbaṃ asesato.
2941.
2941.
авалзканагадтзна, бууро жз бийтаро бана;
Avalekhanakaṭṭhena, pūro ce pīṭharo pana;
чад̣д̣зяяа гумбхи рид̇д̇аа жз, гумбхим̣ буурзяяа вааринаа.
Chaḍḍeyya kumbhi rittā ce, kumbhiṃ pūreyya vārinā.
2942.
2942.
анаж̇жхидто хи вуд̣дхзна, баад̇имогкам̣ на уд̣̇д̣̇исз;
Anajjhiṭṭho hi vuḍḍhena, pātimokkhaṃ na uddise;
д̇хаммам̣ на жа бхан̣з, бан̃хам̣, на бужчзяяа на виссаж̇з.
Dhammaṃ na ca bhaṇe, pañhaṃ, na puccheyya na vissaje.
2943.
2943.
аабужчид̇ваа гат̇знд̇асса, вуд̣дхам̣ вуд̣дхад̇арааг̇амз;
Āpucchitvā kathentassa, vuḍḍhaṃ vuḍḍhatarāgame;
буна аабужчанз гижжам̣, над̇т̇ийд̇и барид̣̇ийбид̇ам̣.
Puna āpucchane kiccaṃ, natthīti paridīpitaṃ.
2944.
2944.
вуд̣дхзнзгавихаарасмим̣, сад̣̇д̇хим̣ вихарад̇аа бана;
Vuḍḍhenekavihārasmiṃ, saddhiṃ viharatā pana;
анаабужчаа хи саж̇жхааяо, на гаад̇аб̣б̣о гад̣̇аажиби.
Anāpucchā hi sajjhāyo, na kātabbo kadācipi.
2945.
2945.
уд̣̇д̣̇зсоби на гаад̇аб̣б̣о, барибужчааяа гаа гат̇аа;
Uddesopi na kātabbo, paripucchāya kā kathā;
на жа д̇хаммо гат̇зд̇аб̣б̣о, бхигкунаа д̇хаммажагкунаа.
Na ca dhammo kathetabbo, bhikkhunā dhammacakkhunā.
2946.
2946.
на д̣̇ийбо виж̇жхаабзд̇аб̣б̣о, гаад̇аб̣б̣о ваа на жзва со;
Na dīpo vijjhāpetabbo, kātabbo vā na ceva so;
ваад̇абаанагаваадаани, т̇агзяяа виварзяяа но.
Vātapānakavāṭāni, thakeyya vivareyya no.
2947.
2947.
жан̇гамз жан̇гаманд̇о жа, вуд̣дхад̇о баривад̇д̇аяз;
Caṅkame caṅkamanto ca, vuḍḍhato parivattaye;
д̇амби жийвараган̣н̣зна, гааязна на жа гхаддаяз.
Tampi cīvarakaṇṇena, kāyena na ca ghaṭṭaye.
2948.
2948.
бурад̇о нзва т̇зраанам̣, нхааязяяа на бануубари;
Purato neva therānaṃ, nhāyeyya na panūpari;
уд̇д̇арам̣ од̇аранд̇аанам̣, д̣̇ад̣̇з маг̇г̇ам̣, на гхаддаяз.
Uttaraṃ otarantānaṃ, dade maggaṃ, na ghaṭṭaye.
2949.
2949.
вад̇д̇ам̣ абарибуурзнд̇о, на сийлам̣ барибуурад̇и;
Vattaṃ aparipūrento, na sīlaṃ paripūrati;
асуд̣̇д̇хасийло д̣̇уббан̃н̃о, жид̇д̇згаг̇г̇ам̣ на винд̣̇ад̇и.
Asuddhasīlo duppañño, cittekaggaṃ na vindati.
2950.
2950.
вигкид̇д̇ажид̇д̇онзгаг̇г̇о, сад̣̇д̇хаммам̣ на жа бассад̇и;
Vikkhittacittonekaggo, saddhammaṃ na ca passati;
абассамаано сад̣̇д̇хаммам̣, д̣̇угкаа на баримужжад̇и.
Apassamāno saddhammaṃ, dukkhā na parimuccati.
2951.
2951.
д̇асмаа хи вад̇д̇ам̣ буурзяяа, ж̇инабуд̇д̇о вижагкан̣о;
Tasmā hi vattaṃ pūreyya, jinaputto vicakkhaṇo;
оваад̣̇ам̣ б̣уд̣̇д̇хасздтасса, гад̇ваа ниб̣б̣аанамзхид̇и.
Ovādaṃ buddhaseṭṭhassa, katvā nibbānamehiti.
вад̇д̇агканд̇хагагат̇аа.
Vattakkhandhakakathā.
