| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
бхигкунигканд̇хагагат̇аа
Bhikkhunikkhandhakakathā
2952.
2952.
гааяам̣ уурум̣ т̇анам̣ вааби, виварид̇ваана бхигкуний;
Kāyaṃ ūruṃ thanaṃ vāpi, vivaritvāna bhikkhunī;
ад̇д̇ано ан̇г̇аж̇аад̇ам̣ ваа, бхигкусса на жа д̣̇ассаяз.
Attano aṅgajātaṃ vā, bhikkhussa na ca dassaye.
2953.
2953.
бхигкунаа саха яам̣ гин̃жи, самбаяож̇знд̇ияааби жа;
Bhikkhunā saha yaṃ kiñci, sampayojentiyāpi ca;
д̇ад̇о бхаасанд̇ияаа бхигкум̣, ход̇и аабад̇д̇и д̣̇уггадам̣.
Tato bhāsantiyā bhikkhuṃ, hoti āpatti dukkaṭaṃ.
2954.
2954.
на жа бхигкунияаа д̣̇ийгхам̣, д̇хаарзяяа гааяаб̣анд̇ханам̣;
Na ca bhikkhuniyā dīghaṃ, dhāreyya kāyabandhanaṃ;
д̇знзва гааяаб̣анд̇хзна, т̇анабаддзна ваа бана.
Teneva kāyabandhena, thanapaṭṭena vā pana.
2955.
2955.
вилийвзна жа баддзна, жаммабаддзна ваа д̇ат̇аа;
Vilīvena ca paṭṭena, cammapaṭṭena vā tathā;
д̣̇уссабаддзна ваа д̣̇усса-взн̣ияаа д̣̇уссаваддияаа.
Dussapaṭṭena vā dussa-veṇiyā dussavaṭṭiyā.
2956.
2956.
на паасугаа намзд̇аб̣б̣аа, д̣̇уггадам̣ д̇у намзнд̇ияаа;
Na phāsukā nametabbā, dukkaṭaṃ tu namentiyā;
на гхам̣саабзяяа саман̣ий, ж̇агханам̣ адтигаад̣̇инаа.
Na ghaṃsāpeyya samaṇī, jaghanaṃ aṭṭhikādinā.
2957.
2957.
хад̇т̇ам̣ ваа хад̇т̇агожчам̣ ваа, баад̣̇ам̣ ваа мукамууругам̣;
Hatthaṃ vā hatthakocchaṃ vā, pādaṃ vā mukhamūrukaṃ;
годдаабзд̇и сажз д̇ассаа, ход̇и аабад̇д̇и д̣̇уггадам̣.
Koṭṭāpeti sace tassā, hoti āpatti dukkaṭaṃ.
2958.
2958.
на мукам̣ лимбид̇аб̣б̣ам̣ д̇у, на жун̣н̣зд̇аб̣б̣амзва жа;
Na mukhaṃ limpitabbaṃ tu, na cuṇṇetabbameva ca;
маносилааяа ваабад̇д̇и, мукам̣ лан̃ж̇анд̇ияаа сияаа.
Manosilāya vāpatti, mukhaṃ lañjantiyā siyā.
2959.
2959.
ан̇г̇арааг̇о на гаад̇аб̣б̣о, мукарааг̇оби ваа д̇ат̇аа;
Aṅgarāgo na kātabbo, mukharāgopi vā tathā;
аван̇г̇ам̣ на жа гаад̇аб̣б̣ам̣, на гаад̇аб̣б̣ам̣ висзсагам̣.
Avaṅgaṃ na ca kātabbaṃ, na kātabbaṃ visesakaṃ.
2960.
2960.
ологанагад̇о рааг̇аа, ологзд̇ум̣ на ваддад̇и;
Olokanakato rāgā, oloketuṃ na vaṭṭati;
таад̇аб̣б̣ам̣ на жа саалогз, санажжам̣ на жа гаараяз.
Ṭhātabbaṃ na ca sāloke, sanaccaṃ na ca kāraye.
2961.
2961.
д̣̇уггадам̣ мунинаа вуд̇д̇ам̣, г̇ан̣игам̣ вудтабзнд̇ияаа;
Dukkaṭaṃ muninā vuttaṃ, gaṇikaṃ vuṭṭhapentiyā;
сурам̣ ваа бана мам̣сам̣ ваа, бан̣н̣ам̣ ваа виггин̣анд̇ияаа.
Suraṃ vā pana maṃsaṃ vā, paṇṇaṃ vā vikkiṇantiyā.
2962.
2962.
вад̣дхим̣ вааби ван̣иж̇ж̇ам̣ ваа, баяож̇зд̇ум̣ на ваддад̇и;
Vaḍḍhiṃ vāpi vaṇijjaṃ vā, payojetuṃ na vaṭṭati;
д̇ирийдам̣ ган̃жугам̣ вааби, яад̣̇и д̇хаарзд̇и д̣̇уггадам̣.
Tirīṭaṃ kañcukaṃ vāpi, yadi dhāreti dukkaṭaṃ.
2963.
2963.
д̣̇аасо ваа бана д̣̇аасий ваа, д̇ат̇аа гаммагароби ваа;
Dāso vā pana dāsī vā, tathā kammakaropi vā;
на жзвубадтабзд̇аб̣б̣о, д̇иражчаанаг̇ад̇оби ваа.
Na cevupaṭṭhapetabbo, tiracchānagatopi vā.
2964.
2964.
на жа бхигкунияаа саб̣б̣а-нийлаад̣̇им̣ бана жийварам̣;
Na ca bhikkhuniyā sabba-nīlādiṃ pana cīvaraṃ;
д̇хаарзд̇аб̣б̣ам̣, на д̇хаарзяяа, саб̣б̣ам̣ намад̇агамби жа.
Dhāretabbaṃ, na dhāreyya, sabbaṃ namatakampi ca.
2965.
2965.
бадижчаннаабадижчаннам̣ , чиннам̣ ваажчиннамзва ваа;
Paṭicchannāpaṭicchannaṃ , chinnaṃ vācchinnameva vā;
бурисаб̣яан̃ж̇анам̣ саб̣б̣ам̣, ологзд̇ум̣ на ваддад̇и.
Purisabyañjanaṃ sabbaṃ, oloketuṃ na vaṭṭati.
2966.
2966.
д̣̇уурад̇ова жа бассид̇ваа, бхигкум̣ бхигкунияаа бана;
Dūratova ca passitvā, bhikkhuṃ bhikkhuniyā pana;
маг̇г̇о д̇асса бад̣̇аад̇аб̣б̣о, оггамид̇ваана д̣̇уурад̇о.
Maggo tassa padātabbo, okkamitvāna dūrato.
2967.
2967.
бхигкум̣ бана жа бассид̇ваа, бад̇д̇ам̣ бхигкам̣ жаранд̇ияаа;
Bhikkhuṃ pana ca passitvā, pattaṃ bhikkhaṃ carantiyā;
нийхарид̇ваа д̇амуггуж̇ж̇ам̣, д̣̇ассзд̇аб̣б̣ам̣ д̇у бхигкуно.
Nīharitvā tamukkujjaṃ, dassetabbaṃ tu bhikkhuno.
2968.
2968.
сам̣взллиган̃жа гаад̇ум̣ ваа, д̇хаарзд̇ум̣ гадисуд̇д̇агам̣;
Saṃvellikañca kātuṃ vā, dhāretuṃ kaṭisuttakaṃ;
уд̇угаалз анун̃н̃аад̇ам̣, уд̇унийнам̣ махзсинаа.
Utukāle anuññātaṃ, utunīnaṃ mahesinā.
2969.
2969.
ид̇т̇ибосаяуд̇ам̣ яаанам̣, хад̇т̇аваддагамзва ваа;
Itthiposayutaṃ yānaṃ, hatthavaṭṭakameva vā;
баадан̇гий жа г̇илаанааяа, ваддад̇зваабхируухид̇ум̣.
Pāṭaṅkī ca gilānāya, vaṭṭatevābhirūhituṃ.
2970.
2970.
г̇аруд̇хаммз тид̇ааяааби, маанад̇д̇ам̣ д̇у жаранд̇ияаа;
Garudhamme ṭhitāyāpi, mānattaṃ tu carantiyā;
самманнид̇ваа бад̣̇аад̇аб̣б̣аа, д̣̇уд̇ияаа бана бхигкуний.
Sammannitvā padātabbā, dutiyā pana bhikkhunī.
2971.
2971.
яассаа баб̣б̣аж̇ж̇агаалз д̇у, г̇аб̣бхо вудтаад̇и ид̇т̇ияаа;
Yassā pabbajjakāle tu, gabbho vuṭṭhāti itthiyā;
буд̇д̇о яад̣̇и жа д̇ассааби, д̣̇аад̇аб̣б̣аа д̣̇уд̇ияаа д̇ат̇аа.
Putto yadi ca tassāpi, dātabbā dutiyā tathā.
2972.
2972.
маад̇аа лабхад̇и бааязд̇ум̣, бхож̇зд̇ум̣ буд̇д̇амад̇д̇ано;
Mātā labhati pāyetuṃ, bhojetuṃ puttamattano;
ман̣д̣зд̇умби урз гад̇ваа, сзд̇ум̣ лабхад̇и саа бана.
Maṇḍetumpi ure katvā, setuṃ labhati sā pana.
2973.
2973.
табзд̇ваа сахасзяяам̣ д̇у, д̇асмим̣ д̣̇уд̇ияигааяа хи;
Ṭhapetvā sahaseyyaṃ tu, tasmiṃ dutiyikāya hi;
бурисзсу яат̇аан̃н̃зсу, вад̇д̇ид̇аб̣б̣ам̣ д̇ат̇зва жа.
Purisesu yathāññesu, vattitabbaṃ tatheva ca.
2974.
2974.
виб̣бхамзнзва саа ход̇и, яасмаа ид̇ха абхигкуний;
Vibbhameneva sā hoti, yasmā idha abhikkhunī;
д̇асмаа бхигкунияаа сигкаа-бажжагкаанам̣ на виж̇ж̇ад̇и.
Tasmā bhikkhuniyā sikkhā-paccakkhānaṃ na vijjati.
2975.
2975.
виб̣бханд̇ааяа яат̇аа д̇ассаа, буна над̇т̇уубасамбад̣̇аа;
Vibbhantāya yathā tassā, puna natthūpasampadā;
г̇ад̇ааяа д̇ид̇т̇ааяад̇анам̣, д̇ат̇аа над̇т̇уубасамбад̣̇аа.
Gatāya titthāyatanaṃ, tathā natthūpasampadā.
2976.
2976.
чзд̣̇анам̣ накагзсаанам̣, бурисзхи жа ванд̣̇анам̣;
Chedanaṃ nakhakesānaṃ, purisehi ca vandanaṃ;
ван̣асса баригаммамби, саад̣̇ид̇ум̣ бана ваддад̇и.
Vaṇassa parikammampi, sādituṃ pana vaṭṭati.
2977.
2977.
на важжагудияаа важжо, гаад̇аб̣б̣о яааяа гааяажи;
Na vaccakuṭiyā vacco, kātabbo yāya kāyaci;
хздтааби вивадз уд̣̇д̇хам̣, бадижчаннзби ваддад̇и.
Heṭṭhāpi vivaṭe uddhaṃ, paṭicchannepi vaṭṭati.
2978.
2978.
на жа ваддад̇и саб̣б̣ад̇т̇а, баллан̇гзна нисийд̣̇ид̇ум̣;
Na ca vaṭṭati sabbattha, pallaṅkena nisīdituṃ;
г̇илаанааяад̣дхабаллан̇гам̣, ваддад̇ийд̇и багаасид̇ам̣.
Gilānāyaḍḍhapallaṅkaṃ, vaṭṭatīti pakāsitaṃ.
2979.
2979.
на жа бхигкунияааран̃н̃з, вад̇т̇аб̣б̣ам̣ д̇у гат̇ан̃жана;
Na ca bhikkhuniyāraññe, vatthabbaṃ tu kathañcana;
ад̇ид̇т̇з нарад̇ид̇т̇з ваа, нхааяид̇ум̣ на жа ваддад̇и.
Atitthe naratitthe vā, nhāyituṃ na ca vaṭṭati.
2980.
2980.
саман̣ий г̇анд̇хажун̣н̣зна, яаа жа ваасид̇амад̇д̇ияаа;
Samaṇī gandhacuṇṇena, yā ca vāsitamattiyā;
нхааязяяа бадисод̇з ваа, д̇ассаа аабад̇д̇и д̣̇уггадам̣.
Nhāyeyya paṭisote vā, tassā āpatti dukkaṭaṃ.
2981.
2981.
‘‘д̇вам̣язва барибхун̃ж̇аа’’д̇и, барибхог̇ад̇т̇амад̇д̇ано;
‘‘Tvaṃyeva paribhuñjā’’ti, paribhogatthamattano;
д̣̇иннам̣ абхуд̇ваа ан̃н̃асса, д̣̇знд̇ияаа бана д̣̇уггадам̣.
Dinnaṃ abhutvā aññassa, dentiyā pana dukkaṭaṃ.
2982.
2982.
саб̣б̣ам̣ бадиг̇г̇ахаабзд̇ваа, бхигкуухи барибхун̃ж̇ид̇ум̣;
Sabbaṃ paṭiggahāpetvā, bhikkhūhi paribhuñjituṃ;
асанд̇знубасамбаннз, бхигкунийнам̣ д̇у ваддад̇и.
Asantenupasampanne, bhikkhunīnaṃ tu vaṭṭati.
бхигкунигканд̇хагагат̇аа.
Bhikkhunikkhandhakakathā.
ид̇и винаяавинижчаяз канд̇хагагат̇аа нидтид̇аа.
Iti vinayavinicchaye khandhakakathā niṭṭhitā.
