| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
жад̇уб̣б̣ид̇хагаммагат̇аа
Catubbidhakammakathā
2983.
2983.
жад̇д̇ааримаани гаммаани, абалоганасан̃н̃ид̇ам̣;
Cattārimāni kammāni, apalokanasaññitaṃ;
н̃ад̇д̇и н̃ад̇д̇ид̣̇уд̇ияан̃жа, гаммам̣ н̃ад̇д̇ижад̇уд̇т̇агам̣.
Ñatti ñattidutiyañca, kammaṃ ñatticatutthakaṃ.
2984.
2984.
абалоганагаммам̣ д̇у, бан̃жа таанаани г̇ажчад̇и;
Apalokanakammaṃ tu, pañca ṭhānāni gacchati;
н̃ад̇д̇игаммам̣ навадтаанам̣, д̣̇уд̇ияам̣ сад̇д̇а г̇ажчад̇и.
Ñattikammaṃ navaṭṭhānaṃ, dutiyaṃ satta gacchati.
2985.
2985.
д̇ат̇аа н̃ад̇д̇ижад̇уд̇т̇амби, сад̇д̇а таанаани г̇ажчад̇и;
Tathā ñatticatutthampi, satta ṭhānāni gacchati;
ниссааран̣ан̃жа осааро, бхан̣д̣угам̣ б̣рахмад̣̇ан̣д̣аго.
Nissāraṇañca osāro, bhaṇḍukaṃ brahmadaṇḍako.
2986.
2986.
абалоганагамман̃хи, гаммалагкан̣абан̃жамам̣;
Apalokanakammañhi, kammalakkhaṇapañcamaṃ;
ниссааран̣ан̃жа осаарам̣, саман̣уд̣̇д̣̇зсад̇о вад̣̇з.
Nissāraṇañca osāraṃ, samaṇuddesato vade.
2987.
2987.
бхан̣д̣угам̣ баб̣б̣аж̇анд̇зна, чаннзна б̣рахмад̣̇ан̣д̣агам̣;
Bhaṇḍukaṃ pabbajantena, channena brahmadaṇḍakaṃ;
ан̃н̃ассаби жа гаад̇аб̣б̣о, д̇ат̇ааруубасса бхигкуно.
Aññassapi ca kātabbo, tathārūpassa bhikkhuno.
2988.
2988.
саб̣б̣о саннибад̇ид̇ваана, аабужчид̇ваана саб̣б̣асо;
Sabbo sannipatitvāna, āpucchitvāna sabbaso;
жийвараад̣̇ибаригкаарам̣, сан̇гхо яам̣ д̣̇зд̇и д̇асса хи.
Cīvarādiparikkhāraṃ, saṅgho yaṃ deti tassa hi.
2989.
2989.
д̇игкад̇д̇ум̣ абалогзд̇ваа, бхигкуунам̣ ружияаа бана;
Tikkhattuṃ apaloketvā, bhikkhūnaṃ ruciyā pana;
звам̣ сан̇гхасса д̣̇аанам̣ д̇у, ход̇и д̇ам̣ гаммалагкан̣ам̣.
Evaṃ saṅghassa dānaṃ tu, hoti taṃ kammalakkhaṇaṃ.
2990.
2990.
ниссааран̣амат̇осааро , убосат̇абавааран̣аа;
Nissāraṇamathosāro , uposathapavāraṇā;
саммуд̇и жзва д̣̇аанан̃жа, бадиг̇г̇аахо жа сад̇д̇амо.
Sammuti ceva dānañca, paṭiggāho ca sattamo.
2991.
2991.
бажжуггад̣дханад̇аа жзва, адтамий баригид̇д̇ид̇аа;
Paccukkaḍḍhanatā ceva, aṭṭhamī parikittitā;
гаммасса лагкан̣ан̃жаад̇и, нава таанаани н̃ад̇д̇ияаа.
Kammassa lakkhaṇañcāti, nava ṭhānāni ñattiyā.
2992.
2992.
винижчаяз асамбад̇д̇з, т̇зрассаавинаяан̃н̃уно;
Vinicchaye asampatte, therassāvinayaññuno;
д̇асса ниссааран̣аа вуд̇д̇аа, яаа саа ниссааран̣аад̇и хи.
Tassa nissāraṇā vuttā, yā sā nissāraṇāti hi.
2993.
2993.
убасамбад̣̇аабзгкасса, ааг̇ажчосааран̣аад̇и саа;
Upasampadāpekkhassa, āgacchosāraṇāti sā;
убосат̇авасзнааби, бавааран̣авасзнаби.
Uposathavasenāpi, pavāraṇavasenapi.
2994.
2994.
н̃ад̇д̇ияаа табид̇ад̇д̇аа хи, н̃ад̇д̇игаммаанимз д̣̇увз;
Ñattiyā ṭhapitattā hi, ñattikammānime duve;
‘‘убасамбад̣̇аабзгкан̃хи, анусаасзяяаха’’нд̇и жа.
‘‘Upasampadāpekkhañhi, anusāseyyaha’’nti ca.
2995.
2995.
‘‘ид̇т̇аннаамамахам̣ бхигкум̣, бужчзяяам̣ винаяа’’нд̇и жа;
‘‘Itthannāmamahaṃ bhikkhuṃ, puccheyyaṃ vinaya’’nti ca;
звамаад̣̇ибавад̇д̇аа хи, зд̣̇исаа н̃ад̇д̇и саммуд̇и.
Evamādipavattā hi, edisā ñatti sammuti.
2996.
2996.
ниссадтажийвараад̣̇ийнам̣, д̣̇аанам̣ ‘‘д̣̇аана’’нд̇и вужжад̇и;
Nissaṭṭhacīvarādīnaṃ, dānaṃ ‘‘dāna’’nti vuccati;
аабад̇д̇ийнам̣ бадиг̇г̇аахо, ‘‘бадиг̇г̇аахо’’д̇и вужжад̇и.
Āpattīnaṃ paṭiggāho, ‘‘paṭiggāho’’ti vuccati.
2997.
2997.
бажжуггад̣дханад̇аа наама, бавааруггад̣дханаа мад̇аа;
Paccukkaḍḍhanatā nāma, pavārukkaḍḍhanā matā;
‘‘имам̣ убосат̇ам̣ гад̇ваа, гаалз баваараяаами’’д̇и.
‘‘Imaṃ uposathaṃ katvā, kāle pavārayāmi’’ti.
2998.
2998.
д̇ин̣авад̇т̇аарагз саб̣б̣а-батамаа н̃ад̇д̇и жзд̇араа;
Tiṇavatthārake sabba-paṭhamā ñatti cetarā;
гаммалагкан̣амзд̇анд̇и, нава таанаани н̃ад̇д̇ияаа.
Kammalakkhaṇametanti, nava ṭhānāni ñattiyā.
2999.
2999.
н̃ад̇д̇ид̣̇уд̇ияагаммамби, сад̇д̇а таанаани г̇ажчад̇и;
Ñattidutiyakammampi, satta ṭhānāni gacchati;
ниссааран̣амат̇осаарам̣, саммуд̇им̣ д̣̇аанамзва жа.
Nissāraṇamathosāraṃ, sammutiṃ dānameva ca.
3000.
3000.
уд̣̇д̇хаарам̣ д̣̇зсанам̣ гамма-лагкан̣ам̣ бана сад̇д̇амам̣;
Uddhāraṃ desanaṃ kamma-lakkhaṇaṃ pana sattamaṃ;
бад̇д̇аниггуж̇ж̇анаад̣̇ий д̇у, ниссааросааран̣аа мад̇аа.
Pattanikkujjanādī tu, nissārosāraṇā matā.
3001.
3001.
саммуд̇и наама сиймаад̣̇и, саа бан̃жад̣̇асад̇хаа мад̇аа;
Sammuti nāma sīmādi, sā pañcadasadhā matā;
д̣̇аанам̣ гат̇инавад̇т̇асса, д̣̇аанам̣ мад̇агаваасасо.
Dānaṃ kathinavatthassa, dānaṃ matakavāsaso.
3002.
3002.
гат̇инассанд̇аруб̣бхааро, ‘‘уб̣бхааро’’д̇и бавужжад̇и;
Kathinassantarubbhāro, ‘‘ubbhāro’’ti pavuccati;
д̣̇зсанаа гудивад̇т̇усса, вихаарасса жа вад̇т̇уно.
Desanā kuṭivatthussa, vihārassa ca vatthuno.
3003.
3003.
д̇ин̣авад̇т̇аарагаммз жа, мохааробанад̇аад̣̇ису;
Tiṇavatthārakamme ca, mohāropanatādisu;
гаммаваажаавасзнзд̇т̇а, гаммалагкан̣ад̇аа мад̇аа.
Kammavācāvasenettha, kammalakkhaṇatā matā.
3004.
3004.
ид̇и н̃ад̇д̇ид̣̇уд̇ияасса, имз сад̇д̇а багаасид̇аа;
Iti ñattidutiyassa, ime satta pakāsitā;
д̇ат̇аа н̃ад̇д̇ижад̇уд̇т̇амби, сад̇д̇а таанаани г̇ажчад̇и.
Tathā ñatticatutthampi, satta ṭhānāni gacchati.
3005.
3005.
ниссааран̣амат̇осаарам̣, саммуд̇им̣ д̣̇аананиг̇г̇ахам̣;
Nissāraṇamathosāraṃ, sammutiṃ dānaniggahaṃ;
саманубхаасанан̃жзва, сад̇д̇амам̣ гаммалагкан̣ам̣.
Samanubhāsanañceva, sattamaṃ kammalakkhaṇaṃ.
3006.
3006.
сад̇д̇аннам̣ д̇аж̇ж̇анаад̣̇ийнам̣, гаммаанам̣ гаран̣ам̣ бана;
Sattannaṃ tajjanādīnaṃ, kammānaṃ karaṇaṃ pana;
ниссааран̣аат̇а бассад̣̇д̇хи, д̇зсам̣ осааран̣аа мад̇аа.
Nissāraṇātha passaddhi, tesaṃ osāraṇā matā.
3007.
3007.
оваад̣̇о бхигкунийнам̣ д̇у, саммуд̇ийд̇и багаасид̇аа;
Ovādo bhikkhunīnaṃ tu, sammutīti pakāsitā;
маанад̇д̇абариваасаанам̣, д̣̇аанам̣ ‘‘д̣̇аана’’нд̇и вужжад̇и.
Mānattaparivāsānaṃ, dānaṃ ‘‘dāna’’nti vuccati.
3008.
3008.
буна муулаабадиггассо, ‘‘ниг̇г̇ахо’’д̇и бавужжад̇и;
Puna mūlāpaṭikkasso, ‘‘niggaho’’ti pavuccati;
угкид̇д̇ассаанувад̇д̇игаа, адта яаавад̇ад̇ийяагаа.
Ukkhittassānuvattikā, aṭṭha yāvatatīyakā.
3009.
3009.
аридто жан̣д̣агаал̣ий жа, згаад̣̇аса бхаванд̇имз;
Ariṭṭho caṇḍakāḷī ca, ekādasa bhavantime;
имзсам̣ д̇у васаа н̃зяяаа, д̣̇асзгаа саманубхаасанаа.
Imesaṃ tu vasā ñeyyā, dasekā samanubhāsanā.
3010.
3010.
убасамбад̣̇агамман̃жа, гаммамаб̣бхаанасан̃н̃ид̇ам̣;
Upasampadakammañca, kammamabbhānasaññitaṃ;
ид̣̇ам̣ н̃ад̇д̇ижад̇уд̇т̇з д̇у, сад̇д̇амам̣ гаммалагкан̣ам̣.
Idaṃ ñatticatutthe tu, sattamaṃ kammalakkhaṇaṃ.
3011.
3011.
абалоганагамман̃жаа-балогзд̇ваава гаараяз;
Apalokanakammañcā-paloketvāva kāraye;
н̃ад̇д̇ияаа д̣̇уд̇иязнааби, жад̇уд̇т̇зна на гаараяз.
Ñattiyā dutiyenāpi, catutthena na kāraye.
3012.
3012.
н̃ад̇д̇ид̣̇уд̇ияагаммаани, лахугаанад̇т̇и гаанижи;
Ñattidutiyakammāni, lahukānatthi kānici;
гаад̇аб̣б̣аанабалогзд̇ваа, саб̣б̣аа саммуд̇ияо сияум̣.
Kātabbānapaloketvā, sabbā sammutiyo siyuṃ.
3013.
3013.
сзсаани абалогзд̇ваа, гаад̇ум̣ бана на ваддад̇и;
Sesāni apaloketvā, kātuṃ pana na vaṭṭati;
яат̇аавуд̇д̇анаязнзва, д̇зна д̇знзва гаараяз.
Yathāvuttanayeneva, tena teneva kāraye.
жад̇уб̣б̣ид̇хагаммагат̇аа.
Catubbidhakammakathā.
