| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
6. вад̇д̇аад̣̇иган̣д̣анид̣̇д̣̇зсаван̣н̣анаа
6. Vattādikaṇḍaniddesavaṇṇanā
96. ид̣̇аани вад̇д̇ам̣ д̣̇ассзд̇ум̣ ‘‘убаж̇жхаажарияавад̇д̇а’’нд̇и вуд̇д̇ам̣. д̇ад̇т̇а убаж̇жхааяавад̇д̇ан̃жа аажарияавад̇д̇ан̃жа г̇амигавад̇д̇ан̃жа ааг̇анд̇угавад̇д̇ан̃жа сзнаасанаад̣̇ивад̇д̇ан̃жа бияасийлзна бхигкунаа гаад̇аб̣б̣анд̇и самб̣анд̇хо. г̇амигааг̇анд̇уганд̇и г̇амигам̣ ааг̇анд̇уганд̇и чзд̣̇о, г̇амигавад̇д̇ам̣ ааг̇анд̇угавад̇д̇ан̃жаад̇и ад̇т̇о.
96. Idāni vattaṃ dassetuṃ ‘‘upajjhācariyavatta’’nti vuttaṃ. Tattha upajjhāyavattañca ācariyavattañca gamikavattañca āgantukavattañca senāsanādivattañca piyasīlena bhikkhunā kātabbanti sambandho. Gamikāgantukanti gamikaṃ āgantukanti chedo, gamikavattaṃ āgantukavattañcāti attho.
97. д̣̇аад̇угаамо хад̇т̇абаасз тид̇о гин̃жи г̇ахид̇аб̣б̣ам̣ згзна бурисзна г̇ахид̇аб̣б̣ам̣ угкибанагкамам̣ вад̇т̇ум̣ д̇ид̇хаа д̇ийсу багаарзсу згзнаагаарзна д̣̇ад̣̇зяяа, г̇ахзд̇угаамо бхигку д̣̇вид̇хаа д̣̇вийсу згзна г̇ан̣хзяяа, аяам̣ бан̃жан̇г̇о бадиг̇г̇аход̇и ад̇т̇о.
97. Dātukāmo hatthapāse ṭhito kiñci gahitabbaṃ ekena purisena gahitabbaṃ ukkhipanakkhamaṃ vatthuṃ tidhā tīsu pakāresu ekenākārena dadeyya, gahetukāmo bhikkhu dvidhā dvīsu ekena gaṇheyya, ayaṃ pañcaṅgo paṭiggahoti attho.
98-100. д̣̇уурз тид̇ам̣ жийварам̣ табид̇огаасам̣ саллагкзд̇ваа ‘‘зд̇а’’нд̇и вад̇д̇аб̣б̣ам̣. хад̇т̇абаасз тид̇ам̣ хад̇т̇зна аамасид̇ваа ‘‘има’’нд̇и вад̇д̇аб̣б̣ам̣. ‘‘зд̇ам̣ ад̇хидтаами, имам̣ ад̇хидтаамий’’д̇и имзсам̣ бад̣̇аанам̣ маж̇жхз сан̇гхаадиаад̣̇ийсу бажжзгам̣ яож̇зд̇ваа д̇ижийварам̣ ад̇хидтзяяа. гат̇ам̣? ‘‘зд̇ам̣ сан̇гхаадим̣ ад̇хидтаами, имам̣ сан̇гхаадим̣ ад̇хидтаамий’’д̇и ад̇хидтзяяа. звам̣ сзсзсу жа жийварзсу. яат̇аа жийвараад̣̇им̣ вид̇хаанам̣ звам̣ бад̇д̇зби ад̇хидтзяяа бажжуд̣̇д̇харзяяаад̇и ад̇т̇о.
98-100. Dūre ṭhitaṃ cīvaraṃ ṭhapitokāsaṃ sallakkhetvā ‘‘eta’’nti vattabbaṃ. Hatthapāse ṭhitaṃ hatthena āmasitvā ‘‘ima’’nti vattabbaṃ. ‘‘Etaṃ adhiṭṭhāmi, imaṃ adhiṭṭhāmī’’ti imesaṃ padānaṃ majjhe saṅghāṭiādīsu paccekaṃ yojetvā ticīvaraṃ adhiṭṭheyya. Kathaṃ? ‘‘Etaṃ saṅghāṭiṃ adhiṭṭhāmi, imaṃ saṅghāṭiṃ adhiṭṭhāmī’’ti adhiṭṭheyya. Evaṃ sesesu ca cīvaresu. Yathā cīvarādiṃ vidhānaṃ evaṃ pattepi adhiṭṭheyya paccuddhareyyāti attho.
101. сан̃жарид̇д̇ам̣ табзд̇ваа сзсаа г̇аругаа жа баарааж̇игаа жа сажид̇д̇агаад̇и самб̣анд̇хо. анд̇имаад̇и баарааж̇игаа. ажчиннасигкаабад̣̇ам̣, барин̣ад̇асигкаабад̣̇ан̃жаад̇и имам̣ д̣̇ваяам̣ табзд̇ваа сзсам̣ ниссаг̇г̇ияам̣ ажид̇д̇аганд̇и ад̇т̇о.
101. Sañcarittaṃ ṭhapetvā sesā garukā ca pārājikā ca sacittakāti sambandho. Antimāti pārājikā. Acchinnasikkhāpadaṃ, pariṇatasikkhāpadañcāti imaṃ dvayaṃ ṭhapetvā sesaṃ nissaggiyaṃ acittakanti attho.
102-3. г̇аамаббавзсананд̇зд̇зд̇и г̇аамаббавзсанам̣ ид̇и зд̇з. баажид̇д̇ийсу зд̇з бад̣̇асод̇хаммаад̣̇аяо г̇аамаббавзсананд̇аа сад̇д̇араса сигкаабад̣̇аа ажид̇д̇агаа.
102-3.Gāmappavesananteteti gāmappavesanaṃ iti ete. Pācittīsu ete padasodhammādayo gāmappavesanantā sattarasa sikkhāpadā acittakā.
104-5. багин̣н̣агзсу уд̣̇д̣̇иссагад̇ам̣ табзд̇ваа ан̃н̃амам̣сагам̣ сзсамам̣сам̣ ажид̇д̇аганд̇и ад̇т̇о. зд̇т̇а багин̣н̣агзсу ан̃н̃амам̣саад̣̇игам̣ бад̇д̇ахад̇т̇о гаваадаганд̇ам̣ д̇зрасавид̇хам̣ ид̣̇ам̣ сигкаабад̣̇ам̣ ажид̇д̇агам̣, сзсам̣ саб̣б̣ам̣ сажид̇д̇аганд̇и ад̇т̇о.
104-5. Pakiṇṇakesu uddissakataṃ ṭhapetvā aññamaṃsakaṃ sesamaṃsaṃ acittakanti attho. Ettha pakiṇṇakesu aññamaṃsādikaṃ pattahattho kavāṭakantaṃ terasavidhaṃ idaṃ sikkhāpadaṃ acittakaṃ, sesaṃ sabbaṃ sacittakanti attho.
106. аажарияаа вийд̇иггаманажид̇д̇зна сажид̇д̇агам̣ ажид̇д̇аганд̇и вад̣̇анд̇и, бан̃н̃ад̇д̇иж̇аананзна жид̇д̇зна д̇ат̇аа сажид̇д̇агам̣ ажид̇д̇аганд̇и аажарияаа вад̣̇анд̇ийд̇и ад̇т̇о. д̇ат̇аа-сад̣̇д̣̇зна ‘‘сажид̇д̇агам̣ ажид̇д̇ага’’нд̇и ид̣̇ам̣ г̇ахид̇ам̣.
106. Ācariyā vītikkamanacittena sacittakaṃ acittakanti vadanti, paññattijānanena cittena tathā sacittakaṃ acittakanti ācariyā vadantīti attho. Tathā-saddena ‘‘sacittakaṃ acittaka’’nti idaṃ gahitaṃ.
107-9. буб̣б̣агаран̣аад̣̇иганд̇и зд̇т̇а аад̣̇и-сад̣̇д̣̇о буб̣б̣агижжам̣ сан̇г̇ан̣хаад̇и. д̇ад̇т̇а –
107-9.Pubbakaraṇādikanti ettha ādi-saddo pubbakiccaṃ saṅgaṇhāti. Tattha –
‘‘саммаж̇ж̇аний бад̣̇ийбо жа, уд̣̇агам̣ аасанзна жа;
‘‘Sammajjanī padīpo ca, udakaṃ āsanena ca;
убосат̇асса зд̇аани, буб̣б̣агаран̣анд̇и вужжад̇и.
Uposathassa etāni, pubbakaraṇanti vuccati.
‘‘чанд̣̇абаарисуд̣̇д̇хиуд̇угкаанам̣, бхигкуг̇ан̣анаа жа оваад̣̇о;
‘‘Chandapārisuddhiutukkhānaṃ, bhikkhugaṇanā ca ovādo;
убосат̇асса зд̇аани, буб̣б̣агижжанд̇и вужжад̇ий’’д̇и. –
Uposathassa etāni, pubbakiccanti vuccatī’’ti. –
звам̣ буб̣б̣агаран̣аад̣̇игам̣ навад̇хаа д̣̇ийбид̇ам̣ саб̣б̣ам̣ убосат̇аббавааран̣ам̣ бияасийлинаа гаад̇аб̣б̣анд̇и ад̇т̇о.
Evaṃ pubbakaraṇādikaṃ navadhā dīpitaṃ sabbaṃ uposathappavāraṇaṃ piyasīlinā kātabbanti attho.
112. яат̇ааггаманд̇и зд̇т̇ааяамад̇хиббааяо – г̇ан̣о баарисуд̣̇д̇хиубосат̇ам̣ гарзяяа, буг̇г̇ало ад̇хидтаанаубосат̇ам̣ гарзяяа, сан̇гхо суд̇д̇уд̣̇д̣̇зсаубосат̇ам̣ гарзяяаад̇и.
112.Yathākkamanti etthāyamadhippāyo – gaṇo pārisuddhiuposathaṃ kareyya, puggalo adhiṭṭhānauposathaṃ kareyya, saṅgho suttuddesauposathaṃ kareyyāti.
113. жаад̇уд̣̇д̣̇асо баннарасо, саамаг̇г̇ий д̣̇инад̇о д̇ид̇хаад̇и жаад̇уд̣̇д̣̇асо убосат̇о , баннарасо убосат̇о, саамаг̇г̇ийубосат̇од̇и д̣̇инад̇о д̇ид̇хаа хонд̇и. д̣̇инад̇о буг̇г̇алад̇о гад̇д̇аб̣б̣аагаарад̇о д̇з убосат̇аа нава ид̇и ийрид̇аад̇и ад̇т̇о.
113.Cātuddaso pannaraso, sāmaggī dinato tidhāti cātuddaso uposatho , pannaraso uposatho, sāmaggīuposathoti dinato tidhā honti. Dinato puggalato kattabbākārato te uposathā nava iti īritāti attho.
114. д̇зваажий д̣̇взгаваажийд̇и д̇зваажигаа бавааран̣аа, д̣̇взваажигаа бавааран̣аа, згаваажигаа бавааран̣аа ид̇и нава бавааран̣аа вуд̇д̇аа.
114.Tevācī dvekavācīti tevācikā pavāraṇā, dvevācikā pavāraṇā, ekavācikā pavāraṇā iti nava pavāraṇā vuttā.
115. д̇ассаад̇и паг̇г̇унамаасасса. д̇ад̇о сзсанд̇и аасаал̣хианд̇имабагкамхаа яаава гад̇д̇игабун̣н̣амаа вассагааланд̇и ад̇т̇о. зд̇т̇а хи згасмим̣ сам̣важчарз жад̇увийсад̇иубосат̇аа хонд̇и.
115.Tassāti phaggunamāsassa. Tato sesanti āsāḷhiantimapakkhamhā yāva kattikapuṇṇamā vassakālanti attho. Ettha hi ekasmiṃ saṃvacchare catuvīsatiuposathā honti.
116. зд̇зсууд̇и зд̇зсу д̇ийсу жад̇уусу згзгасмим̣ уд̇умхи д̇ад̇ияабагкаа сад̇д̇амабагкаа. жаад̇уд̣̇д̣̇асаад̇и ча жаад̇уд̣̇д̣̇асаад̇и ад̇т̇о. сзсаани уд̇д̇аанад̇т̇аанзваад̇и.
116.Etesūti etesu tīsu catūsu ekekasmiṃ utumhi tatiyapakkhā sattamapakkhā. Cātuddasāti cha cātuddasāti attho. Sesāni uttānatthānevāti.
вад̇д̇аад̣̇иган̣д̣анид̣̇д̣̇зсаван̣н̣анаа нидтид̇аа.
Vattādikaṇḍaniddesavaṇṇanā niṭṭhitā.
