| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
39. вассуубанааяиганид̣̇д̣̇зсо
39. Vassūpanāyikaniddeso
вассуубанааяигаа жзваад̇и –
Vassūpanāyikā cevāti –
309.
309.
буримигаа бажчимигаа, д̣̇увз вассуубанааяигаа;
Purimikā pacchimikā, duve vassūpanāyikā;
д̇ад̇т̇аалаяабариг̇г̇аахо, важийбхзд̣̇о жа зд̣̇исо.
Tatthālayapariggāho, vacībhedo ca ediso.
310.
310.
‘‘имасмим̣ вихаарз имам̣, д̇змаасам̣ вассам̣ убзми;
‘‘Imasmiṃ vihāre imaṃ, temāsaṃ vassaṃ upemi;
ид̇ха вассам̣ убзмий’’д̇и, жид̇д̇уббаад̣̇зд̇т̇а аалаяо.
Idha vassaṃ upemī’’ti, cittuppādettha ālayo.
311.
311.
нобзд̇угаамо ааваасам̣, д̇ад̣̇ахууд̇иггамзяяа ваа;
Nopetukāmo āvāsaṃ, tadahūtikkameyya vā;
бхавзяяа д̣̇уггадаабад̇д̇и, ж̇аанам̣ ваанубаг̇ажчад̇о.
Bhaveyya dukkaṭāpatti, jānaṃ vānupagacchato.
312.
312.
д̣̇уд̇ияам̣ убаг̇ажчзяяа, чиннавассонубааг̇ад̇о;
Dutiyaṃ upagaccheyya, chinnavassonupāgato;
на баггамзяяа д̇змаасам̣, авасид̇ваана жааригам̣.
Na pakkameyya temāsaṃ, avasitvāna cārikaṃ.
313.
313.
маад̇аабид̇уунамад̇т̇ааяа, бан̃жаннам̣ сахад̇хамминам̣;
Mātāpitūnamatthāya, pañcannaṃ sahadhamminaṃ;
г̇илаанад̇ад̣̇убадтаага-бхад̇д̇амзсиссамосад̇хам̣.
Gilānatadupaṭṭhāka-bhattamesissamosadhaṃ.
314.
314.
бужчиссаами убадтиссам̣, г̇анд̇ваанабхирад̇ам̣ ахам̣;
Pucchissāmi upaṭṭhissaṃ, gantvānabhirataṃ ahaṃ;
вуубагаасиссам̣ гуггужжам̣, д̣̇идтим̣ г̇аругамаад̣̇игам̣.
Vūpakāsissaṃ kukkuccaṃ, diṭṭhiṃ garukamādikaṃ.
315.
315.
гариссам̣ вааби гаарзссам̣, винод̣̇анам̣ вивзжанам̣;
Karissaṃ vāpi kāressaṃ, vinodanaṃ vivecanaṃ;
вудтаанам̣ вааби уссуггам̣, г̇анд̇умижжзвамаад̣̇инаа;
Vuṭṭhānaṃ vāpi ussukkaṃ, gantumiccevamādinā;
лаб̣бхам̣ сад̇д̇аахагижжзна, бахид̇аабахид̇зби ваа.
Labbhaṃ sattāhakiccena, pahitāpahitepi vā.
316.
316.
сан̇гхагаммз важ̇з д̇хамма-ссаванад̇т̇ам̣ ниманд̇ид̇о;
Saṅghakamme vaje dhamma-ssavanatthaṃ nimantito;
г̇аруухи бахид̇о вааби, г̇аруунам̣ вааби бассид̇ум̣.
Garūhi pahito vāpi, garūnaṃ vāpi passituṃ.
317.
317.
на бхан̣д̣ад̇ховануд̣̇д̣̇зса-н̃аад̇убадтаагад̣̇ассанз;
Na bhaṇḍadhovanuddesa-ñātupaṭṭhākadassane;
лаб̣бхам̣ на баабун̣зяяаж̇ж̇з-вааг̇амиссанд̇уд̣̇уураг̇о.
Labbhaṃ na pāpuṇeyyajje-vāgamissantudūrago.
318.
318.
сзсан̃аад̇ийхи бахид̇з, бхигкуниссид̇агзна жа;
Sesañātīhi pahite, bhikkhunissitakena ca;
убаасагобаасигаахи, нид̣̇д̣̇исид̇ваава бзсид̇з.
Upāsakopāsikāhi, niddisitvāva pesite.
319.
319.
вассажчзд̣̇з анаабад̇д̇и, анд̇арааяз сад̇ад̇д̇ано;
Vassacchede anāpatti, antarāye satattano;
сан̇гхасаамаг̇г̇ияаа ваа но, чиннавассо баваараяз.
Saṅghasāmaggiyā vā no, chinnavasso pavāraye.
320.
320.
аж̇жхогаасз жа ругкасса, сусирз видабзби ваа;
Ajjhokāse ca rukkhassa, susire viṭapepi vā;
чавагудичад̇д̇ажаадий-суубаг̇анд̇ум̣ на ваддад̇и.
Chavakuṭichattacāṭī-sūpagantuṃ na vaṭṭati.
321.
321.
асзнаасанигзнааби, убаг̇анд̇ум̣ на лаб̣бхад̇и;
Asenāsanikenāpi, upagantuṃ na labbhati;
баваарзд̇ун̃жа лаб̣бхад̇и, нааваасад̇т̇аваж̇уубаг̇од̇и.
Pavāretuñca labbhati, nāvāsatthavajūpagoti.
