| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
вассуубанааяигагканд̇хагагат̇аа
Vassūpanāyikakkhandhakakathā
2608.
2608.
буримаа бажчимаа жаад̇и, д̣̇увз вассуубанааяигаа;
Purimā pacchimā cāti, duve vassūpanāyikā;
аалаяо ваа важийбхзд̣̇о, гад̇д̇аб̣б̣о убаг̇ажчад̇аа.
Ālayo vā vacībhedo, kattabbo upagacchatā.
2609.
2609.
вассуубаг̇аманам̣ вааби, ж̇аанам̣ анубаг̇ажчад̇о;
Vassūpagamanaṃ vāpi, jānaṃ anupagacchato;
д̇змаасамавасид̇ваа ваа, жаранд̇ассаби д̣̇уггадам̣.
Temāsamavasitvā vā, carantassapi dukkaṭaṃ.
2610.
2610.
ругкасса сусирз чад̇д̇з, жаадичавагудийсу ваа;
Rukkhassa susire chatte, cāṭichavakuṭīsu vā;
аж̇жхогаасзби ваа вассам̣, убаг̇анд̇ум̣ на ваддад̇и.
Ajjhokāsepi vā vassaṃ, upagantuṃ na vaṭṭati.
2611.
2611.
вассажчзд̣̇з анаабад̇д̇и, анд̇арааяо сажз сияаа;
Vassacchede anāpatti, antarāyo sace siyā;
чиннавассасса бхигкусса, ваарид̇аава бавааран̣аа.
Chinnavassassa bhikkhussa, vāritāva pavāraṇā.
2612.
2612.
маад̇аабид̇уунам̣ бана д̣̇ассанад̇т̇ам̣;
Mātāpitūnaṃ pana dassanatthaṃ;
бан̃жаннамад̇т̇з сахад̇хаммигаанам̣;
Pañcannamatthe sahadhammikānaṃ;
д̣̇адтум̣ г̇илаанам̣ д̇ад̣̇убадтагаанам̣;
Daṭṭhuṃ gilānaṃ tadupaṭṭhakānaṃ;
бхад̇д̇аад̣̇и нзсам̣ бариязсанад̇т̇ам̣.
Bhattādi nesaṃ pariyesanatthaṃ.
2613.
2613.
д̇ат̇аанабхирад̇ам̣ г̇анд̇ваа, вуубагаасзссамудтид̇ам̣;
Tathānabhirataṃ gantvā, vūpakāsessamuṭṭhitaṃ;
д̣̇идтим̣ ваа д̇асса гуггужжам̣, винод̣̇зссаамаханд̇и ваа.
Diṭṭhiṃ vā tassa kukkuccaṃ, vinodessāmahanti vā.
2614.
2614.
звам̣ сад̇д̇аахагижжзна, бхигкунаа винаяан̃н̃унаа;
Evaṃ sattāhakiccena, bhikkhunā vinayaññunā;
абзсид̇зби г̇анд̇аб̣б̣ам̣, баг̇зва бахид̇з бана.
Apesitepi gantabbaṃ, pageva pahite pana.
2615.
2615.
вассам̣ убаг̇ад̇знзд̇т̇а, аниманд̇ид̇абхигкунаа;
Vassaṃ upagatenettha, animantitabhikkhunā;
д̇хаммасса саванад̇т̇ааяа, г̇анд̇ум̣ бана на ваддад̇и.
Dhammassa savanatthāya, gantuṃ pana na vaṭṭati.
2616.
2616.
‘‘асугам̣ наама д̣̇ивасам̣, саннибаад̇о бхависсад̇и’’;
‘‘Asukaṃ nāma divasaṃ, sannipāto bhavissati’’;
ижжзвам̣ гад̇игаа буб̣б̣ам̣, гад̇аа жз бана ваддад̇и.
Iccevaṃ katikā pubbaṃ, katā ce pana vaṭṭati.
2617.
2617.
‘‘д̇ховиссаами раж̇иссаами, бхан̣д̣ага’’нд̇и на ваддад̇и;
‘‘Dhovissāmi rajissāmi, bhaṇḍaka’’nti na vaṭṭati;
сажаажарияубаж̇жхааяаа, бахин̣анд̇и жа ваддад̇и.
Sacācariyupajjhāyā, pahiṇanti ca vaṭṭati.
2618.
2618.
уд̣̇д̣̇зсаад̣̇ийнамад̇т̇ааяа, г̇анд̇ум̣ нзва жа ваддад̇и;
Uddesādīnamatthāya, gantuṃ neva ca vaṭṭati;
г̇аруунам̣ д̣̇ассанад̇т̇ааяа, г̇анд̇ум̣ лабхад̇и буг̇г̇ало.
Garūnaṃ dassanatthāya, gantuṃ labhati puggalo.
2619.
2619.
сажз аажарияо ‘‘аж̇ж̇а, маа г̇ажчаахий’’д̇и бхаасад̇и;
Sace ācariyo ‘‘ajja, mā gacchāhī’’ti bhāsati;
рад̇д̇ижчзд̣̇з анаабад̇д̇и, ход̇ийд̇и барид̣̇ийбид̇аа.
Ratticchede anāpatti, hotīti paridīpitā.
2620.
2620.
яасса гассажи н̃аад̇исса, убадтаагагуласса ваа;
Yassa kassaci ñātissa, upaṭṭhākakulassa vā;
г̇ажчад̇о д̣̇ассанад̇т̇ааяа, рад̇д̇ижчзд̣̇з жа д̣̇уггадам̣.
Gacchato dassanatthāya, ratticchede ca dukkaṭaṃ.
2621.
2621.
‘‘ааг̇амиссаами аж̇ж̇зва, г̇анд̇ваахам̣ г̇аамага’’нд̇и жа;
‘‘Āgamissāmi ajjeva, gantvāhaṃ gāmaka’’nti ca;
сажз баабун̣ид̇ум̣ г̇ажчам̣, на саггод̇зва ваддад̇и.
Sace pāpuṇituṃ gacchaṃ, na sakkoteva vaṭṭati.
2622.
2622.
важ̇з сад̇т̇зби наавааяам̣, д̇ийсу таанзсу бхигкуно;
Vaje satthepi nāvāyaṃ, tīsu ṭhānesu bhikkhuno;
вассажчзд̣̇з анаабад̇д̇и, баваарзд̇ун̃жа ваддад̇и.
Vassacchede anāpatti, pavāretuñca vaṭṭati.
2623.
2623.
сад̇и бажжаяавзгаллз, сарийраапаасуд̇ааяа ваа;
Sati paccayavekalle, sarīrāphāsutāya vā;
зсзва анд̇арааяод̇и, вассам̣ чзд̇вааби баггамз.
Eseva antarāyoti, vassaṃ chetvāpi pakkame.
2624.
2624.
язна гзнанд̇арааязна, вассам̣ нобаг̇ад̇о хи яо;
Yena kenantarāyena, vassaṃ nopagato hi yo;
д̣̇уд̇ияаа убаг̇анд̇аб̣б̣аа, чиннавассзна ваа бана.
Dutiyā upagantabbā, chinnavassena vā pana.
2625.
2625.
вассам̣ анубаг̇анд̇ваа ваа, д̇ад̣̇ахзва жа г̇ажчад̇и;
Vassaṃ anupagantvā vā, tadaheva ca gacchati;
б̣ахид̣̇д̇хаа зва сад̇д̇аахам̣, убаг̇анд̇вааби ваа бана.
Bahiddhā eva sattāhaṃ, upagantvāpi vā pana.
2626.
2626.
вийд̇инаамзд̇и жз д̇асса, буримааби на виж̇ж̇ад̇и;
Vītināmeti ce tassa, purimāpi na vijjati;
бадиссавз жа бхигкусса, ход̇и аабад̇д̇и д̣̇уггадам̣.
Paṭissave ca bhikkhussa, hoti āpatti dukkaṭaṃ.
2627.
2627.
вассам̣ банубаг̇анд̇ваа жа, удтаабзд̇ваа на жаарун̣ам̣;
Vassaṃ panupagantvā ca, uṭṭhāpetvā na cāruṇaṃ;
г̇ажчад̇о бана сад̇д̇ааха-гаран̣знзва бхигкуно.
Gacchato pana sattāha-karaṇeneva bhikkhuno.
2628.
2628.
анд̇оязва жа сад̇д̇аахам̣, нивад̇д̇анд̇асса д̇асса д̇у;
Antoyeva ca sattāhaṃ, nivattantassa tassa tu;
анаабад̇д̇ийд̇и го ваад̣̇о, васид̇ваа б̣ахи г̇ажчад̇о.
Anāpattīti ko vādo, vasitvā bahi gacchato.
2629.
2629.
‘‘васиссаамийд̇ха васса’’нд̇и, аалаяо яад̣̇и виж̇ж̇ад̇и;
‘‘Vasissāmīdha vassa’’nti, ālayo yadi vijjati;
нобзд̇асад̇ияаа вассам̣, д̇зна сзнаасанам̣ бана.
Nopetasatiyā vassaṃ, tena senāsanaṃ pana.
2630.
2630.
г̇ахид̇ам̣ суг̇г̇ахид̇ам̣ ход̇и, чиннавассо на ход̇и со;
Gahitaṃ suggahitaṃ hoti, chinnavasso na hoti so;
лабхад̇зва баваарзд̇ум̣, на д̣̇осо гожи виж̇ж̇ад̇и.
Labhateva pavāretuṃ, na doso koci vijjati.
2631.
2631.
‘‘имасмим̣ вихаарз д̇змаасам̣, имам̣ вассам̣ убзми’’д̇и;
‘‘Imasmiṃ vihāre temāsaṃ, imaṃ vassaṃ upemi’’ti;
нижчаарид̇з жа д̇игкад̇д̇ум̣, вассам̣ убаг̇ад̇о сияаа.
Nicchārite ca tikkhattuṃ, vassaṃ upagato siyā.
2632.
2632.
аад̣̇им̣ д̇у навамим̣ гад̇ваа, г̇анд̇ум̣ ваддад̇и бхигкуно;
Ādiṃ tu navamiṃ katvā, gantuṃ vaṭṭati bhikkhuno;
ааг̇ажчад̇у жа бажчаа со, маа ваа д̣̇осо на виж̇ж̇ад̇и.
Āgacchatu ca pacchā so, mā vā doso na vijjati.
вассуубанааяигагканд̇хагагат̇аа.
Vassūpanāyikakkhandhakakathā.
