| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၅၇. ဝသ္သဝလာဟကသုတ္တံ
57. Vassavalāhakasuttaṃ
၆၀၆. သာဝတ္ထိနိဒာနံ။ ဧကမန္တံ နိသိန္နော ခော သော ဘိက္ခု ဘဂဝန္တံ ဧတဒဝောစ – ‘‘ကော နု ခော, ဘန္တေ, ဟေတု, ကော ပစ္စယော, ယေနေကဒာ ဒေဝော ဝသ္သတီ’’တိ? ‘‘သန္တိ, ဘိက္ခု, ဝသ္သဝလာဟကာ နာမ ဒေဝာ။ တေသံ ယဒာ ဧဝံ ဟောတိ – ‘ယံနူန မယံ သကာယ ရတိယာ ဝသေယ္ယာမာ’တိ, တေသံ တံ စေတောပဏိဓိမန္ဝာယ ဒေဝော ဝသ္သတိ။ အယံ ခော, ဘိက္ခု, ဟေတု, အယံ ပစ္စယော, ယေနေကဒာ ဒေဝော ဝသ္သတီ’’တိ။ သတ္တပညာသမံ။
606. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā devo vassatī’’ti? ‘‘Santi, bhikkhu, vassavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya devo vassati. Ayaṃ kho, bhikkhu, hetu, ayaṃ paccayo, yenekadā devo vassatī’’ti. Sattapaññāsamaṃ.
သတ္တပညာသသုတ္တန္တံ နိဋ္ဌိတံ။
Sattapaññāsasuttantaṃ niṭṭhitaṃ.
ဝလာဟကသံယုတ္တံ သမတ္တံ။
Valāhakasaṃyuttaṃ samattaṃ.
တသ္သုဒ္ဒာနံ –
Tassuddānaṃ –
သုဒ္ဓိကံ သုစရိတဉ္စ ဒာနူပကာရပညာသံ။
Suddhikaṃ sucaritañca dānūpakārapaññāsaṃ;
သီတံ ဥဏ္ဟဉ္စ အဗ္ဘဉ္စ ဝာတဝသ္သဝလာဟကာတိ။
Sītaṃ uṇhañca abbhañca vātavassavalāhakāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၁. ဝလာဟကသံယုတ္တဝဏ္ဏနာ • 11. Valāhakasaṃyuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၁. ဝလာဟကသံယုတ္တဝဏ္ဏနာ • 11. Valāhakasaṃyuttavaṇṇanā
