| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
១០. វសភត្ថេរគាថា
10. Vasabhattheragāthā
១៣៩.
139.
‘‘បុព្ពេ ហនតិ អត្តានំ, បច្ឆា ហនតិ សោ បរេ;
‘‘Pubbe hanati attānaṃ, pacchā hanati so pare;
សុហតំ ហន្តិ អត្តានំ, វីតំសេនេវ បក្ខិមា។
Suhataṃ hanti attānaṃ, vītaṃseneva pakkhimā.
១៤០.
140.
‘‘ន ព្រាហ្មណោ ពហិវណ្ណោ, អន្តោ វណ្ណោ ហិ ព្រាហ្មណោ;
‘‘Na brāhmaṇo bahivaṇṇo, anto vaṇṇo hi brāhmaṇo;
យស្មិំ បាបានិ កម្មានិ, ស វេ កណ្ហោ សុជម្បតី’’តិ។
Yasmiṃ pāpāni kammāni, sa ve kaṇho sujampatī’’ti.
… វសភោ ថេរោ…។
… Vasabho thero….
វគ្គោ បឋមោ និដ្ឋិតោ។
Vaggo paṭhamo niṭṭhito.
តស្សុទ្ទានំ –
Tassuddānaṃ –
ឧត្តរោ ចេវ បិណ្ឌោលោ, វល្លិយោ តីរិយោ ឥសិ;
Uttaro ceva piṇḍolo, valliyo tīriyo isi;
អជិនោ ច មេឡជិនោ, រាធោ សុរាធោ គោតមោ;
Ajino ca meḷajino, rādho surādho gotamo;
វសភេន ឥមេ ហោន្តិ, ទស ថេរា មហិទ្ធិកាតិ។
Vasabhena ime honti, dasa therā mahiddhikāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ១០. វសភត្ថេរគាថាវណ្ណនា • 10. Vasabhattheragāthāvaṇṇanā
