| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೬. ವಙ್ಗನ್ತಪುತ್ತಉಪಸೇನತ್ಥೇರಗಾಥಾ
6. Vaṅgantaputtaupasenattheragāthā
೫೭೭.
577.
‘‘ವಿವಿತ್ತಂ ಅಪ್ಪನಿಗ್ಘೋಸಂ, ವಾಳಮಿಗನಿಸೇವಿತಂ।
‘‘Vivittaṃ appanigghosaṃ, vāḷamiganisevitaṃ;
ಸೇವೇ ಸೇನಾಸನಂ ಭಿಕ್ಖು, ಪಟಿಸಲ್ಲಾನಕಾರಣಾ॥
Seve senāsanaṃ bhikkhu, paṭisallānakāraṇā.
೫೭೮.
578.
ತತೋ ಸಙ್ಘಾಟಿಕಂ ಕತ್ವಾ, ಲೂಖಂ ಧಾರೇಯ್ಯ ಚೀವರಂ॥
Tato saṅghāṭikaṃ katvā, lūkhaṃ dhāreyya cīvaraṃ.
೫೭೯.
579.
‘‘ನೀಚಂ ಮನಂ ಕರಿತ್ವಾನ, ಸಪದಾನಂ ಕುಲಾ ಕುಲಂ।
‘‘Nīcaṃ manaṃ karitvāna, sapadānaṃ kulā kulaṃ;
ಪಿಣ್ಡಿಕಾಯ ಚರೇ ಭಿಕ್ಖು, ಗುತ್ತದ್ವಾರೋ ಸುಸಂವುತೋ॥
Piṇḍikāya care bhikkhu, guttadvāro susaṃvuto.
೫೮೦.
580.
‘‘ಲೂಖೇನಪಿ ವಾ 3 ಸನ್ತುಸ್ಸೇ, ನಾಞ್ಞಂ ಪತ್ಥೇ ರಸಂ ಬಹುಂ।
‘‘Lūkhenapi vā 4 santusse, nāññaṃ patthe rasaṃ bahuṃ;
ರಸೇಸು ಅನುಗಿದ್ಧಸ್ಸ, ಝಾನೇ ನ ರಮತೀ ಮನೋ॥
Rasesu anugiddhassa, jhāne na ramatī mano.
೫೮೧.
581.
‘‘ಅಪ್ಪಿಚ್ಛೋ ಚೇವ ಸನ್ತುಟ್ಠೋ, ಪವಿವಿತ್ತೋ ವಸೇ ಮುನಿ।
‘‘Appiccho ceva santuṭṭho, pavivitto vase muni;
ಅಸಂಸಟ್ಠೋ ಗಹಟ್ಠೇಹಿ, ಅನಾಗಾರೇಹಿ ಚೂಭಯಂ॥
Asaṃsaṭṭho gahaṭṭhehi, anāgārehi cūbhayaṃ.
೫೮೨.
582.
‘‘ಯಥಾ ಜಳೋ ವ ಮೂಗೋ ವ, ಅತ್ತಾನಂ ದಸ್ಸಯೇ ತಥಾ।
‘‘Yathā jaḷo va mūgo va, attānaṃ dassaye tathā;
ನಾತಿವೇಲಂ ಸಮ್ಭಾಸೇಯ್ಯ, ಸಙ್ಘಮಜ್ಝಮ್ಹಿ ಪಣ್ಡಿತೋ॥
Nātivelaṃ sambhāseyya, saṅghamajjhamhi paṇḍito.
೫೮೩.
583.
‘‘ನ ಸೋ ಉಪವದೇ ಕಞ್ಚಿ, ಉಪಘಾತಂ ವಿವಜ್ಜಯೇ।
‘‘Na so upavade kañci, upaghātaṃ vivajjaye;
ಸಂವುತೋ ಪಾತಿಮೋಕ್ಖಸ್ಮಿಂ, ಮತ್ತಞ್ಞೂ ಚಸ್ಸ ಭೋಜನೇ॥
Saṃvuto pātimokkhasmiṃ, mattaññū cassa bhojane.
೫೮೪.
584.
‘‘ಸುಗ್ಗಹೀತನಿಮಿತ್ತಸ್ಸ, ಚಿತ್ತಸ್ಸುಪ್ಪಾದಕೋವಿದೋ।
‘‘Suggahītanimittassa, cittassuppādakovido;
ಸಮಂ ಅನುಯುಞ್ಜೇಯ್ಯ, ಕಾಲೇನ ಚ ವಿಪಸ್ಸನಂ॥
Samaṃ anuyuñjeyya, kālena ca vipassanaṃ.
೫೮೫.
585.
‘‘ವೀರಿಯಸಾತಚ್ಚಸಮ್ಪನ್ನೋ , ಯುತ್ತಯೋಗೋ ಸದಾ ಸಿಯಾ।
‘‘Vīriyasātaccasampanno , yuttayogo sadā siyā;
ನ ಚ ಅಪ್ಪತ್ವಾ ದುಕ್ಖನ್ತಂ, ವಿಸ್ಸಾಸಂ ಏಯ್ಯ ಪಣ್ಡಿತೋ॥
Na ca appatvā dukkhantaṃ, vissāsaṃ eyya paṇḍito.
೫೮೬.
586.
‘‘ಏವಂ ವಿಹರಮಾನಸ್ಸ, ಸುದ್ಧಿಕಾಮಸ್ಸ ಭಿಕ್ಖುನೋ।
‘‘Evaṃ viharamānassa, suddhikāmassa bhikkhuno;
ಖೀಯನ್ತಿ ಆಸವಾ ಸಬ್ಬೇ, ನಿಬ್ಬುತಿಞ್ಚಾಧಿಗಚ್ಛತೀ’’ತಿ॥
Khīyanti āsavā sabbe, nibbutiñcādhigacchatī’’ti.
… ಉಪಸೇನೋ ವಙ್ಗನ್ತಪುತ್ತೋ ಥೇರೋ…।
… Upaseno vaṅgantaputto thero….
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೬. ವಙ್ಗನ್ತಪುತ್ತಉಪಸೇನತ್ಥೇರಗಾಥಾವಣ್ಣನಾ • 6. Vaṅgantaputtaupasenattheragāthāvaṇṇanā
