| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. ဝနကမ္မိကသုတ္တဝဏ္ဏနာ
7. Vanakammikasuttavaṇṇanā
၂၀၃. ဝနကမ္မေ နိယုတ္တော, ကိရိယမာနေန ဝနကမ္မံ ဧတသ္သ အတ္ထီတိ ဝနကမ္မိကော။ ဣမသ္မိံ ဝနသဏ္ဍေတိ ဣမသ္မိံ ဧဝံမဟန္တေ ဝနသဏ္ဍေ။ န မေ ဝနသ္မိံ ကရဏီယမတ္ထိ ယထာ, ‘‘ဗ္ရာဟ္မဏ, တုယ္ဟ’’န္တိ အဓိပ္ပာယော။ ဣတရံ ပန ယံ မဟာကိလေသဝနံ, တံ မဂ္ဂဉာဏဖရသုနာ သမာဓိမယသိလာယံ သုနိသိတေန သဗ္ဗသော ဥစ္ဆိန္နမူလံ, တတော ဧဝ နိဗ္ဗနထော နိက္ကိလေသဂဟနော။ ဝိဝေကာဘိရတိယာ ဧကကော အဘိရတော ပဋိပက္ခဝိဂမေန။ တေနာဟ ‘‘အရတိံ။ပေ.။ ဇဟိတ္ဝာ’’တိ။
203. Vanakamme niyutto, kiriyamānena vanakammaṃ etassa atthīti vanakammiko. Imasmiṃ vanasaṇḍeti imasmiṃ evaṃmahante vanasaṇḍe. Na me vanasmiṃ karaṇīyamatthi yathā, ‘‘brāhmaṇa, tuyha’’nti adhippāyo. Itaraṃ pana yaṃ mahākilesavanaṃ, taṃ maggañāṇapharasunā samādhimayasilāyaṃ sunisitena sabbaso ucchinnamūlaṃ, tato eva nibbanatho nikkilesagahano. Vivekābhiratiyā ekako abhirato paṭipakkhavigamena. Tenāha ‘‘aratiṃ…pe… jahitvā’’ti.
ဝနကမ္မိကသုတ္တဝဏ္ဏနာ နိဋ္ဌိတာ။
Vanakammikasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. နဝကမ္မိကသုတ္တံ • 7. Navakammikasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. နဝကမ္မိကသုတ္တဝဏ္ဏနာ • 7. Navakammikasuttavaṇṇanā
