| Library / Tipiṭaka / តិបិដក • Tipiṭaka / មិលិន្ទបញ្ហបាឡិ • Milindapañhapāḷi |
៧. វំសង្គបញ្ហោ
7. Vaṃsaṅgapañho
៧. ‘‘ភន្តេ នាគសេន, ‘វំសស្ស ឯកំ អង្គំ គហេតព្ព’ន្តិ យំ វទេសិ, កតមំ តំ ឯកំ អង្គំ គហេតព្ព’’ន្តិ? ‘‘យថា, មហារាជ, វំសោ យត្ថ វាតោ, តត្ថ អនុលោមេតិ, នាញ្ញត្ថមនុធាវតិ, ឯវមេវ ខោ, មហារាជ, យោគិនា យោគាវចរេន យំ ពុទ្ធេន ភគវតា ភាសិតំ នវង្គំ សត្ថុ សាសនំ, តំ អនុលោមយិត្វា កប្បិយេ អនវជ្ជេ ឋត្វា សមណធម្មំ យេវ បរិយេសិតព្ពំ។ ឥទំ, មហារាជ, វំសស្ស ឯកំ អង្គំ គហេតព្ពំ។ ភាសិតម្បេតំ មហារាជ ថេរេន រាហុលេន –
7. ‘‘Bhante nāgasena, ‘vaṃsassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, vaṃso yattha vāto, tattha anulometi, nāññatthamanudhāvati, evameva kho, mahārāja, yoginā yogāvacarena yaṃ buddhena bhagavatā bhāsitaṃ navaṅgaṃ satthu sāsanaṃ, taṃ anulomayitvā kappiye anavajje ṭhatvā samaṇadhammaṃ yeva pariyesitabbaṃ. Idaṃ, mahārāja, vaṃsassa ekaṃ aṅgaṃ gahetabbaṃ. Bhāsitampetaṃ mahārāja therena rāhulena –
‘‘‘នវង្គំ ពុទ្ធវចនំ, អនុលោមេត្វាន សព្ពទា;
‘‘‘Navaṅgaṃ buddhavacanaṃ, anulometvāna sabbadā;
កប្បិយេ អនវជ្ជស្មិំ, ឋត្វាបាយំ សមុត្តរិ’’’ន្តិ។
Kappiye anavajjasmiṃ, ṭhatvāpāyaṃ samuttari’’’nti.
វំសង្គបញ្ហោ សត្តមោ។
Vaṃsaṅgapañho sattamo.
