| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၅. ဝာလသုတ္တဝဏ္ဏနာ
5. Vālasuttavaṇṇanā
၁၁၁၅. ပဉ္စမေ သန္ထာဂာရေတိ သိပ္ပုဂ္ဂဏ္ဟနသာလာယံ။ ဥပာသနံ ကရောန္တေတိ ကဏ္ဍခိပနသိပ္ပံ ကရောန္တေ။ အသနံ အတိပာတေန္တေတိ ကဏ္ဍံ အတိက္ကမေန္တေ။ ပောင္ခာနုပောင္ခန္တိ ဧကံ ကဏ္ဍံ ခိပိတ္ဝာ ယထာ အသ္သ သရသ္သ ပောင္ခံ ဝိဇ္ဈတိ, အပရံ အနုပောင္ခံ နာမ ဒုတိယသ္သ ပောင္ခံ, ပုန အပရံ တသ္သ ပောင္ခန္တိ ဧဝံ အတိပာတေန္တေ အဒ္ဒသ။ ယတ္ရ ဟိ နာမာတိ ယေ နာမ။ ဒုရဘိသမ္ဘဝတရန္တိ ဒုက္ကရတရံ။ သတ္တဓာ ဘိန္နသ္သ ဝာလသ္သ ကောဋိယာ ကောဋိံ ပဋိဝိဇ္ဈေယ္ယာတိ ဧကံ ဝာလံ သတ္တဓာ ဘိန္ဒိတ္ဝာ, တသ္သ ဧကံ ဘေဒံ ဂဟေတ္ဝာ, ဝာတိင္ဂဏမဇ္ဈေ ဗန္ဓိတ္ဝာ, အပရံ ဘေဒံ ကဏ္ဍသ္သ အဂ္ဂကောဋိယံ ဗန္ဓိတ္ဝာ, ဥသဘမတ္တေ ဌိတော ကဏ္ဍဗဒ္ဓာယ ကောဋိယာ တံ ဝာတိင္ဂဏဗဒ္ဓကောဋိံ ပဋိဝိဇ္ဈေယ္ယာတိ အတ္ထော။ တသ္မာတိ ယသ္မာ ဧဝံ ဒုပ္ပဋိဝိဇ္ဈာနိ စတ္တာရိ သစ္စာနိ, တသ္မာ။
1115. Pañcame santhāgāreti sippuggaṇhanasālāyaṃ. Upāsanaṃ karonteti kaṇḍakhipanasippaṃ karonte. Asanaṃ atipātenteti kaṇḍaṃ atikkamente. Poṅkhānupoṅkhanti ekaṃ kaṇḍaṃ khipitvā yathā assa sarassa poṅkhaṃ vijjhati, aparaṃ anupoṅkhaṃ nāma dutiyassa poṅkhaṃ, puna aparaṃ tassa poṅkhanti evaṃ atipātente addasa. Yatra hi nāmāti ye nāma. Durabhisambhavataranti dukkarataraṃ. Sattadhā bhinnassa vālassa koṭiyā koṭiṃ paṭivijjheyyāti ekaṃ vālaṃ sattadhā bhinditvā, tassa ekaṃ bhedaṃ gahetvā, vātiṅgaṇamajjhe bandhitvā, aparaṃ bhedaṃ kaṇḍassa aggakoṭiyaṃ bandhitvā, usabhamatte ṭhito kaṇḍabaddhāya koṭiyā taṃ vātiṅgaṇabaddhakoṭiṃ paṭivijjheyyāti attho. Tasmāti yasmā evaṃ duppaṭivijjhāni cattāri saccāni, tasmā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. ဝာလသုတ္တံ • 5. Vālasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. ဝာလသုတ္တဝဏ္ဏနာ • 5. Vālasuttavaṇṇanā
