| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. વਕ੍ਕਲਿਸੁਤ੍ਤવਣ੍ਣਨਾ
5. Vakkalisuttavaṇṇanā
੮੭. ਨਗਰਮਜ੍ਝੇ ਮਹਾਆਬਾਧੋ ਉਪ੍ਪਜ੍ਜੀਤਿ ਨਗਰਮਜ੍ਝੇਨ ਆਗਚ੍ਛਨ੍ਤੋ ਕਮ੍ਮਸਮੁਟ੍ਠਾਨੋ ਮਹਨ੍ਤੋ ਆਬਾਧੋ ਉਪ੍ਪਜ੍ਜਤਿ। ਸਮਨ੍ਤਤੋ ਅਧੋਸੀਤਿ ਸਬ੍ਬਭਾਗੇਨ ਪਰਿਪ੍ਫਨ੍ਦਿ। ਇਰਿਯਾਪਥਂ ਯਾਪੇਤੁਨ੍ਤਿ ਸਯਨਨਿਸਜ੍ਜਾਦਿਭੇਦਂ ਇਰਿਯਾਪਥਂ ਪવਤ੍ਤੇਤੁਂ। ਨਿવਤ੍ਤਨ੍ਤੀਤਿ ਓਸਕ੍ਕਨ੍ਤਿ, ਪਰਿਹਾਯਨ੍ਤੀਤਿ ਅਤ੍ਥੋ। ਅਧਿਗਚ੍ਛਨ੍ਤੀਤਿ વਡ੍ਢਨ੍ਤਿ। ਸਤ੍ਥੁ ਗੁਣਸਰੀਰਂ ਨਾਮ ਨવવਿਧਲੋਕੁਤ੍ਤਰਧਮ੍ਮਾਧਿਗਮਮੂਲਨ੍ਤਿ ਕਤ੍વਾ વੁਤ੍ਤਂ ‘‘ਨવવਿਧੋ ਹਿ…ਪੇ॰… ਕਾਯੋ ਨਾਮਾ’’ਤਿ, ਯਥਾ ਸਤ੍ਤਾਨਂ ਕਾਯੋ ਪਟਿਸਨ੍ਧਿਮੂਲਕੋ।
87.Nagaramajjhe mahāābādho uppajjīti nagaramajjhena āgacchanto kammasamuṭṭhāno mahanto ābādho uppajjati. Samantato adhosīti sabbabhāgena paripphandi. Iriyāpathaṃ yāpetunti sayananisajjādibhedaṃ iriyāpathaṃ pavattetuṃ. Nivattantīti osakkanti, parihāyantīti attho. Adhigacchantīti vaḍḍhanti. Satthu guṇasarīraṃ nāma navavidhalokuttaradhammādhigamamūlanti katvā vuttaṃ ‘‘navavidho hi…pe… kāyo nāmā’’ti, yathā sattānaṃ kāyo paṭisandhimūlako.
ਕਾਲ਼ਸਿਲਾਯਂ ਕਤવਿਹਾਰੋ ਕਾਲ਼ਸਿਲਾવਿਹਾਰੋ। ਮਗ੍ਗવਿਮੋਕ੍ਖਤ੍ਥਾਯਾਤਿ ਅਗ੍ਗਮਗ੍ਗવਿਮੋਕ੍ਖਾਧਿਗਮਾਯ। ਦੇવਤਾਤਿ ਸੁਦ੍ਧਾવਾਸਦੇવਤਾ। ਅਲਾਮਕਂ ਨਾਮ ਪੁਥੁਜ੍ਜਨਕਾਲਕਿਰਿਯਾਯ ਅਭਾવਤੋ। ਤੇਨਾਹ ‘‘ਥੇਰੋ ਕਿਰਾ’’ਤਿਆਦਿ । ਏਕਂ ਦ੍વੇ ਞਾਣਾਨੀਤਿ ਏਕਂ ਦ੍વੇ ਪਚ੍ਚવੇਕ੍ਖਣਞਾਣਾਨਿ ਸਭਾવਤੋ ਅવਸ੍ਸਂ ਉਪ੍ਪਜ੍ਜਨ੍ਤਿ, ਅਯਂ ਧਮ੍ਮਤਾ। ਮਗ੍ਗਫਲਨਿਬ੍ਬਾਨਪਚ੍ਚવੇਕ੍ਖਣਾਨਿ ਤਂਤਂਮਗ੍ਗવੁਟ੍ਠਾਨੇ ਉਪ੍ਪਜ੍ਜਨ੍ਤਿ ਏવ। ਏਕਂ ਦ੍વੇਤਿ વਚਨਂ ਉਪ੍ਪਨ੍ਨਭਾવਦਸ੍ਸਨਤ੍ਥਂ વੁਤ੍ਤਂ।
Kāḷasilāyaṃ katavihāro kāḷasilāvihāro. Maggavimokkhatthāyāti aggamaggavimokkhādhigamāya. Devatāti suddhāvāsadevatā. Alāmakaṃ nāma puthujjanakālakiriyāya abhāvato. Tenāha ‘‘thero kirā’’tiādi . Ekaṃ dve ñāṇānīti ekaṃ dve paccavekkhaṇañāṇāni sabhāvato avassaṃ uppajjanti, ayaṃ dhammatā. Maggaphalanibbānapaccavekkhaṇāni taṃtaṃmaggavuṭṭhāne uppajjanti eva. Ekaṃ dveti vacanaṃ uppannabhāvadassanatthaṃ vuttaṃ.
ਧੂਮਾਯਨਭਾવੋ ਧੂਮਾਕਾਰਤਾ, ਤਥਾ ਤਿਮਿਰਾਯਨਭਾવੋ।
Dhūmāyanabhāvo dhūmākāratā, tathā timirāyanabhāvo.
વਕ੍ਕਲਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vakkalisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. વਕ੍ਕਲਿਸੁਤ੍ਤਂ • 5. Vakkalisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. વਕ੍ਕਲਿਸੁਤ੍ਤવਣ੍ਣਨਾ • 5. Vakkalisuttavaṇṇanā
