| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. វជ្ជីបុត្តត្ថេរអបទានំ
5. Vajjīputtattheraapadānaṃ
៤៩.
49.
‘‘សហស្សរំសី ភគវា, សយម្ភូ អបរាជិតោ;
‘‘Sahassaraṃsī bhagavā, sayambhū aparājito;
វិវេកា វុដ្ឋហិត្វាន, គោចរាយាភិនិក្ខមិ។
Vivekā vuṭṭhahitvāna, gocarāyābhinikkhami.
៥០.
50.
‘‘ផលហត្ថោ អហំ ទិស្វា, ឧបគច្ឆិំ នរាសភំ;
‘‘Phalahattho ahaṃ disvā, upagacchiṃ narāsabhaṃ;
បសន្នចិត្តោ សុមនោ, សវណ្ដំ អទទិំ ផលំ។
Pasannacitto sumano, savaṇṭaṃ adadiṃ phalaṃ.
៥១.
51.
‘‘ចតុន្នវុតិតោ កប្បេ, យំ ផលំ អទទិំ តទា;
‘‘Catunnavutito kappe, yaṃ phalaṃ adadiṃ tadā;
ទុគ្គតិំ នាភិជានាមិ, ផលទានស្សិទំ ផលំ។
Duggatiṃ nābhijānāmi, phaladānassidaṃ phalaṃ.
៥២.
52.
‘‘កិលេសា ឈាបិតា មយ្ហំ…បេ.… វិហរាមិ អនាសវោ។
‘‘Kilesā jhāpitā mayhaṃ…pe… viharāmi anāsavo.
៥៣.
53.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
‘‘Svāgataṃ vata me āsi…pe… kataṃ buddhassa sāsanaṃ.
៥៤.
54.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា វជ្ជីបុត្តោ ថេរោ ឥមា គាថាយោ
Itthaṃ sudaṃ āyasmā vajjīputto thero imā gāthāyo
អភាសិត្ថាតិ។
Abhāsitthāti.
វជ្ជីបុត្តត្ថេរស្សាបទានំ បញ្ចមំ។
Vajjīputtattherassāpadānaṃ pañcamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៥. វជ្ជិបុត្តត្ថេរអបទានវណ្ណនា • 5. Vajjiputtattheraapadānavaṇṇanā
