| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. વਜ੍ਜਿਪੁਤ੍ਤਸੁਤ੍ਤવਣ੍ਣਨਾ
9. Vajjiputtasuttavaṇṇanā
੨੨੯. ਨવਮੇ વਜ੍ਜਿਪੁਤ੍ਤਕੋਤਿ વਜ੍ਜਿਰਟ੍ਠੇ ਰਾਜਪੁਤ੍ਤੋ ਛਤ੍ਤਂ ਪਹਾਯ ਪਬ੍ਬਜਿਤੋ। ਸਬ੍ਬਰਤ੍ਤਿਚਾਰੋਤਿ ਕਤ੍ਤਿਕਨਕ੍ਖਤ੍ਤਂ ਘੋਸੇਤ੍વਾ ਸਕਲਨਗਰਂ ਧਜਪਟਾਕਾਦੀਹਿ ਪਟਿਮਣ੍ਡੇਤ੍વਾ ਪવਤ੍ਤਿਤੋ ਸਬ੍ਬਰਤ੍ਤਿਚਾਰੋ। ਇਦਞ੍ਹਿ ਨਕ੍ਖਤ੍ਤਂ ਯਾવ ਚਾਤੁਮਹਾਰਾਜਿਕੇਹਿ ਏਕਾਬਦ੍ਧਂ ਹੋਤਿ। ਤੂਰਿਯਤਾਲ਼ਿਤવਾਦਿਤਨਿਗ੍ਘੋਸਸਦ੍ਦਨ੍ਤਿ ਭੇਰਿਆਦਿਤੂਰਿਯਾਨਂ ਤਾਲ਼ਿਤਾਨਂ વੀਣਾਦੀਨਞ੍ਚ વਾਦਿਤਾਨਂ ਨਿਗ੍ਘੋਸਸਦ੍ਦਂ। ਅਭਾਸੀਤਿ વੇਸਾਲਿਯਂ ਕਿਰ ਸਤ੍ਤ ਰਾਜਸਹਸ੍ਸਾਨਿ ਸਤ੍ਤਸਤਾਨਿ ਸਤ੍ਤ ਚ ਰਾਜਾਨੋ, ਤਤ੍ਤਕਾવ ਤੇਸਂ ਉਪਰਾਜਸੇਨਾਪਤਿਆਦਯੋ । ਤੇਸੁ ਅਲਙ੍ਕਤਪਟਿਯਤ੍ਤੇਸੁ ਨਕ੍ਖਤ੍ਤਕੀਲ਼ਨਤ੍ਥਾਯ વੀਥਿਂ ਓਤਿਣ੍ਣੇਸੁ ਸਟ੍ਠਿਹਤ੍ਥੇ ਮਹਾਚਙ੍ਕਮੇ ਚਙ੍ਕਮਮਾਨੋ ਨਭਸ੍ਸ ਮਜ੍ਝੇ ਠਿਤਂ ਚਨ੍ਦਂ ਦਿਸ੍વਾ ਚਙ੍ਕਮਨਕੋਟਿਯਂ ਫਲਕਂ ਨਿਸ੍ਸਾਯ ਠਿਤੋ ਅਭਾਸਿ। ਅਪવਿਦ੍ਧਂવ વਨਸ੍ਮਿਂ ਦਾਰੁਕਨ੍ਤਿ વਤ੍ਥવੇਠਨਾਲਙ੍ਕਾਰਰਹਿਤਤ੍ਤਾ વਨੇ ਛਡ੍ਡਿਤਦਾਰੁਕਂ વਿਯ ਜਾਤਂ। ਪਾਪਿਯੋਤਿ ਲਾਮਕਤਰੋ ਅਮ੍ਹੇਹਿ ਅਞ੍ਞੋ ਕੋਚਿ ਅਤ੍ਥਿ। ਪਿਹਯਨ੍ਤੀਤਿ ਥੇਰੋ ਆਰਞ੍ਞਿਕੋ ਪਂਸੁਕੂਲਿਕੋ ਪਿਣ੍ਡਪਾਤਿਕੋ ਸਪਦਾਨਚਾਰਿਕੋ ਅਪ੍ਪਿਚ੍ਛੋ ਸਨ੍ਤੁਟ੍ਠੋਤਿ ਬਹੂ ਤੁਯ੍ਹਂ ਪਤ੍ਥਯਨ੍ਤੀਤਿ ਅਤ੍ਥੋ। ਸਗ੍ਗਗਾਮਿਨਨ੍ਤਿ ਸਗ੍ਗਂ ਗਚ੍ਛਨ੍ਤਾਨਂ ਗਤਾਨਮ੍ਪਿ। ਨવਮਂ।
229. Navame vajjiputtakoti vajjiraṭṭhe rājaputto chattaṃ pahāya pabbajito. Sabbaratticāroti kattikanakkhattaṃ ghosetvā sakalanagaraṃ dhajapaṭākādīhi paṭimaṇḍetvā pavattito sabbaratticāro. Idañhi nakkhattaṃ yāva cātumahārājikehi ekābaddhaṃ hoti. Tūriyatāḷitavāditanigghosasaddanti bheriāditūriyānaṃ tāḷitānaṃ vīṇādīnañca vāditānaṃ nigghosasaddaṃ. Abhāsīti vesāliyaṃ kira satta rājasahassāni sattasatāni satta ca rājāno, tattakāva tesaṃ uparājasenāpatiādayo . Tesu alaṅkatapaṭiyattesu nakkhattakīḷanatthāya vīthiṃ otiṇṇesu saṭṭhihatthe mahācaṅkame caṅkamamāno nabhassa majjhe ṭhitaṃ candaṃ disvā caṅkamanakoṭiyaṃ phalakaṃ nissāya ṭhito abhāsi. Apaviddhaṃvavanasmiṃ dārukanti vatthaveṭhanālaṅkārarahitattā vane chaḍḍitadārukaṃ viya jātaṃ. Pāpiyoti lāmakataro amhehi añño koci atthi. Pihayantīti thero āraññiko paṃsukūliko piṇḍapātiko sapadānacāriko appiccho santuṭṭhoti bahū tuyhaṃ patthayantīti attho. Saggagāminanti saggaṃ gacchantānaṃ gatānampi. Navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. વਜ੍ਜਿਪੁਤ੍ਤਸੁਤ੍ਤਂ • 9. Vajjiputtasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. વਜ੍ਜਿਪੁਤ੍ਤਸੁਤ੍ਤવਣ੍ਣਨਾ • 9. Vajjiputtasuttavaṇṇanā
