| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๕. วฑฺฒเตฺถรคาถา
5. Vaḍḍhattheragāthā
๓๓๕.
335.
‘‘สาธู หิ กิร เม มาตา, ปโตทํ อุปทํสยิ;
‘‘Sādhū hi kira me mātā, patodaṃ upadaṃsayi;
ยสฺสาหํ วจนํ สุตฺวา, อนุสิโฎฺฐ ชเนตฺติยา;
Yassāhaṃ vacanaṃ sutvā, anusiṭṭho janettiyā;
อารทฺธวีริโย ปหิตโตฺต, ปโตฺต สโมฺพธิมุตฺตมํฯ
Āraddhavīriyo pahitatto, patto sambodhimuttamaṃ.
๓๓๖.
336.
‘‘อรหา ทกฺขิเณโยฺยมฺหิ, เตวิโชฺช อมตทฺทโส;
‘‘Arahā dakkhiṇeyyomhi, tevijjo amataddaso;
เชตฺวา นมุจิโน เสนํ, วิหรามิ อนาสโวฯ
Jetvā namucino senaṃ, viharāmi anāsavo.
๓๓๗.
337.
‘‘อชฺฌตฺตญฺจ พหิทฺธา จ, เย เม วิชฺชิํสุ อาสวา;
‘‘Ajjhattañca bahiddhā ca, ye me vijjiṃsu āsavā;
สเพฺพ อเสสา อุจฺฉินฺนา, น จ อุปฺปชฺชเร ปุนฯ
Sabbe asesā ucchinnā, na ca uppajjare puna.
๓๓๘.
338.
‘‘วิสารทา โข ภคินี, เอตมตฺถํ อภาสยิ;
‘‘Visāradā kho bhaginī, etamatthaṃ abhāsayi;
‘อปิหา นูน มยิปิ, วนโถ เต น วิชฺชติ’ฯ
‘Apihā nūna mayipi, vanatho te na vijjati’.
๓๓๙.
339.
‘‘ปริยนฺตกตํ ทุกฺขํ, อนฺติโมยํ สมุสฺสโย;
‘‘Pariyantakataṃ dukkhaṃ, antimoyaṃ samussayo;
ชาติมรณสํสาโร, นตฺถิ ทานิ ปุนพฺภโว’’ติฯ
Jātimaraṇasaṃsāro, natthi dāni punabbhavo’’ti.
… วโฑฺฒ เถโร…ฯ
… Vaḍḍho thero….
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๕. วฑฺฒเตฺถรคาถาวณฺณนา • 5. Vaḍḍhattheragāthāvaṇṇanā
