| Library / Tipiṭaka / д̇ибидага • Tipiṭaka / т̇зрийг̇аат̇аабаал̣и • Therīgāthāpāḷi |
9. наваганибаад̇о
9. Navakanipāto
1. вад̣дхамаад̇ут̇зрийг̇аат̇аа
1. Vaḍḍhamātutherīgāthā
204.
204.
‘‘маа су д̇з вад̣дха логамхи, ванат̇о ааху гуд̣̇аажанам̣;
‘‘Mā su te vaḍḍha lokamhi, vanatho āhu kudācanaṃ;
маа буд̇д̇ага бунаббунам̣, аху д̣̇угкасса бхааг̇имаа.
Mā puttaka punappunaṃ, ahu dukkhassa bhāgimā.
205.
205.
‘‘сукан̃хи вад̣дха мунаяо, анзж̇аа чиннасам̣саяаа;
‘‘Sukhañhi vaḍḍha munayo, anejā chinnasaṃsayā;
сийд̇ибхууд̇аа д̣̇амаббад̇д̇аа, вихаранд̇и анаасаваа.
Sītibhūtā damappattā, viharanti anāsavā.
206.
206.
‘‘д̇зхаанужин̣н̣ам̣ исийбхи, маг̇г̇ам̣ д̣̇ассанабад̇д̇ияаа;
‘‘Tehānuciṇṇaṃ isībhi, maggaṃ dassanapattiyā;
д̣̇угкассанд̇агирияааяа, д̇вам̣ вад̣дха ануб̣руухаяа’’.
Dukkhassantakiriyāya, tvaṃ vaḍḍha anubrūhaya’’.
207.
207.
‘‘висаарад̣̇аава бхан̣аси, зд̇амад̇т̇ам̣ ж̇анзд̇д̇и мз;
‘‘Visāradāva bhaṇasi, etamatthaṃ janetti me;
ман̃н̃аами нууна маамигз, ванат̇о д̇з на виж̇ж̇ад̇и’’.
Maññāmi nūna māmike, vanatho te na vijjati’’.
208.
208.
‘‘яз гзжи вад̣дха сан̇каараа, хийнаа уггадтамаж̇жхимаа;
‘‘Ye keci vaḍḍha saṅkhārā, hīnā ukkaṭṭhamajjhimā;
ан̣ууби ан̣умад̇д̇оби, ванат̇о мз на виж̇ж̇ад̇и.
Aṇūpi aṇumattopi, vanatho me na vijjati.
209.
209.
‘‘саб̣б̣з мз аасаваа кийн̣аа, аббамад̇д̇асса жхааяад̇о;
‘‘Sabbe me āsavā khīṇā, appamattassa jhāyato;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣’’.
Tisso vijjā anuppattā, kataṃ buddhassa sāsanaṃ’’.
210.
210.
‘‘ул̣аарам̣ вад̇а мз маад̇аа, бад̇од̣̇ам̣ самавассари;
‘‘Uḷāraṃ vata me mātā, patodaṃ samavassari;
барамад̇т̇асан̃хид̇аа г̇аат̇аа, яат̇ааби анугамбигаа.
Paramatthasañhitā gāthā, yathāpi anukampikā.
211.
211.
‘‘д̇ассаахам̣ важанам̣ суд̇ваа, анусидтим̣ ж̇анзд̇д̇ияаа;
‘‘Tassāhaṃ vacanaṃ sutvā, anusiṭṭhiṃ janettiyā;
д̇хаммасам̣взг̇амаабаад̣̇им̣, яог̇агкзмасса бад̇д̇ияаа.
Dhammasaṃvegamāpādiṃ, yogakkhemassa pattiyā.
212.
212.
‘‘сохам̣ бад̇хаанабахид̇ад̇д̇о, рад̇д̇инд̣̇ивамад̇анд̣̇ид̇о;
‘‘Sohaṃ padhānapahitatto, rattindivamatandito;
маад̇араа жод̣̇ид̇о санд̇о, апусим̣ санд̇имуд̇д̇амам̣’’.
Mātarā codito santo, aphusiṃ santimuttamaṃ’’.
… вад̣дхамаад̇аа т̇зрий….
… Vaḍḍhamātā therī….
наваганибаад̇о нидтид̇о.
Navakanipāto niṭṭhito.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зрийг̇аат̇аа-адтагат̇аа • Therīgāthā-aṭṭhakathā / 1. вад̣дхамаад̇ут̇зрийг̇аат̇ааван̣н̣анаа • 1. Vaḍḍhamātutherīgāthāvaṇṇanā
