| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
16. важжаббассаавадтааниганид̣̇д̣̇зсаван̣н̣анаа
16. Vaccappassāvaṭṭhānikaniddesavaṇṇanā
156. яат̇аавуд̣дхам̣ на гарзяяа важжанд̇и самб̣анд̇хо. яат̇аанубуб̣б̣ияаа лаб̣бхад̇ийд̇и самб̣анд̇хо. имзсу бана д̇ийсу таанзсу яо яо батамам̣ ааг̇ажчад̇и вуд̣дхо ваа наво ваа, со со ааг̇ад̇абадибаадияаа гаад̇ун̃жа нахааяид̇ун̃жа лаб̣бхад̇ийд̇и ад̇хиббааяо.
156. Yathāvuḍḍhaṃ na kareyya vaccanti sambandho. Yathānupubbiyā labbhatīti sambandho. Imesu pana tīsu ṭhānesu yo yo paṭhamaṃ āgacchati vuḍḍho vā navo vā, so so āgatapaṭipāṭiyā kātuñca nahāyituñca labbhatīti adhippāyo.
157. уб̣бхаж̇ид̇ваад̇и (жуул̣ава. 373, 374) ниваасанам̣ д̣̇уурад̇ова угкибид̇ваа но бависзяяа. сахасаа жа но бависзяяаад̇и самб̣анд̇хо. ‘‘б̣ахи тид̇зна уггаасид̇аб̣б̣а’’нд̇и жа ‘‘саад̇хугам̣ ад̇арамаанзна важжагуди бависид̇аб̣б̣аа’’д̇и жа вуд̇д̇ад̇д̇аа уггаасид̇ваава ад̇арамаано бависзяяаад̇и ад̇т̇о. ‘‘на уб̣бхаж̇ид̇ваа бависид̇аб̣б̣аа, важжабаад̣̇угааяа тид̇зна уб̣бхаж̇ид̇аб̣б̣а’’нд̇и (жуул̣ава. 374) важанад̇о ‘‘уб̣бхаж̇зяяа баад̣̇угаасвзва сан̣тид̇о’’д̇и вуд̇д̇ам̣.
157.Ubbhajitvāti (cūḷava. 373, 374) nivāsanaṃ dūratova ukkhipitvā no paviseyya. Sahasā ca no paviseyyāti sambandho. ‘‘Bahi ṭhitena ukkāsitabba’’nti ca ‘‘sādhukaṃ ataramānena vaccakuṭi pavisitabbā’’ti ca vuttattā ukkāsitvāva ataramāno paviseyyāti attho. ‘‘Na ubbhajitvā pavisitabbā, vaccapādukāya ṭhitena ubbhajitabba’’nti (cūḷava. 374) vacanato ‘‘ubbhajeyya pādukāsveva saṇṭhito’’ti vuttaṃ.
158. на гарзяяа убхаяам̣ на гарзяяубхаяам̣.
158. Na kareyya ubhayaṃ na kareyyubhayaṃ.
159. гуубзд̇и (жуул̣ава. 374) важжагуубз. гадтанд̇и авалзканагадтам̣. бассаавад̣̇он̣ияаа кзл̣ам̣ на гаад̇аб̣б̣анд̇и ад̇т̇о. наавалзкзяяа парусзнаад̇и паалид̇агадтзна ваа карзна ваа г̇ан̣тигзна ваа ган̣дагзна ваа сусирзна ваа бууд̇инаа ваа наавалзкид̇аб̣б̣анд̇и ад̇т̇о. ухад̇ан̃жаабийд̇и г̇уут̇амагкид̇амби д̇ховаяз ад̇д̇анаа ваа барзна ваа гад̇анд̇и ад̇хиббааяо.
159.Kūpeti (cūḷava. 374) vaccakūpe. Kaṭṭhanti avalekhanakaṭṭhaṃ. Passāvadoṇiyā kheḷaṃ na kātabbanti attho. Nāvalekheyya pharusenāti phālitakaṭṭhena vā kharena vā gaṇṭhikena vā kaṇṭakena vā susirena vā pūtinā vā nāvalekhitabbanti attho. Uhatañcāpīti gūthamakkhitampi dhovaye attanā vā parena vā katanti adhippāyo.
160. уб̣бхаж̇ид̇ваа на нигкамзд̇и зд̇т̇а ‘‘важжабаад̣̇угааяа тид̇зна бадижчаад̣̇зд̇аб̣б̣а’’нд̇и (жуул̣ава. 374) хи вуд̇д̇ам̣, буна ‘‘аажаманабаад̣̇угааяам̣ тид̇зна уб̣бхаж̇ид̇аб̣б̣а’’нд̇и (жуул̣ава. 374) жа вуд̇д̇ам̣. ‘‘жабу жабуу’’д̇и сад̣̇д̣̇ам̣ гад̇ваа наажамзяяаад̇и ад̇т̇о. важжаббассаавадтаанигавинижчаяо.
160.Ubbhajitvā na nikkhameti ettha ‘‘vaccapādukāya ṭhitena paṭicchādetabba’’nti (cūḷava. 374) hi vuttaṃ, puna ‘‘ācamanapādukāyaṃ ṭhitena ubbhajitabba’’nti (cūḷava. 374) ca vuttaṃ. ‘‘Capu capū’’ti saddaṃ katvā nācameyyāti attho. Vaccappassāvaṭṭhānikavinicchayo.
важжаббассаавадтааниганид̣̇д̣̇зсаван̣н̣анаа нидтид̇аа.
Vaccappassāvaṭṭhānikaniddesavaṇṇanā niṭṭhitā.
