| Library / Tipiṭaka / തിപിടക • Tipiṭaka / ഖുദ്ദസിക്ഖാ-മൂലസിക്ഖാ • Khuddasikkhā-mūlasikkhā |
൧൬. വച്ചപസ്സാവട്ഠാനികനിദ്ദേസോ
16. Vaccapassāvaṭṭhānikaniddeso
വച്ചപസ്സാവട്ഠാനികന്തി –
Vaccapassāvaṭṭhānikanti –
൧൫൬.
156.
ന കരേയ്യ യഥാവുഡ്ഢം, വച്ചം യാതാനുപുബ്ബിയാ;
Na kareyya yathāvuḍḍhaṃ, vaccaṃ yātānupubbiyā;
വച്ചപസ്സാവകുടിയോ, ന്ഹാനതിത്ഥഞ്ച ലബ്ഭതി.
Vaccapassāvakuṭiyo, nhānatitthañca labbhati.
൧൫൭.
157.
പവിസേയ്യുബ്ഭജിത്വാ നോ, സഹസാ പവിസേയ്യ ച;
Paviseyyubbhajitvā no, sahasā paviseyya ca;
ഉക്കാസിത്വാവുബ്ഭജേയ്യ, പാദുകാസ്വേവ സണ്ഠിതോ.
Ukkāsitvāvubbhajeyya, pādukāsveva saṇṭhito.
൧൫൮.
158.
ന കരേ നിത്ഥുനം വച്ചം, ദന്തകട്ഠഞ്ച ഖാദയം;
Na kare nitthunaṃ vaccaṃ, dantakaṭṭhañca khādayaṃ;
വച്ചപസ്സാവദോണീനം, ന കരേയ്യുഭയം ബഹി.
Vaccapassāvadoṇīnaṃ, na kareyyubhayaṃ bahi.
൧൫൯.
159.
കൂപേ കട്ഠം ന പാതേയ്യ, ഖേളം പസ്സാവദോണിയാ;
Kūpe kaṭṭhaṃ na pāteyya, kheḷaṃ passāvadoṇiyā;
നാവലേഖേയ്യ ഫരുസേ-നുഹതഞ്ചാപി ധോവയേ.
Nāvalekheyya pharuse-nuhatañcāpi dhovaye.
൧൬൦.
160.
ന നിക്ഖമേയ്യ സഹസാ-വുബ്ഭജിത്വാ ന നിക്ഖമേ;
Na nikkhameyya sahasā-vubbhajitvā na nikkhame;
ചപു ചപു നാചമേയ്യ, ഉക്ലാപഞ്ച വിസോധയേതി.
Capu capu nācameyya, uklāpañca visodhayeti.
